عيووون النمر (مكتملة)

بارت ٩

من تعرفت ع هلبنية بديت اكظي وقتي اسولف وياهة اذا ماعندي شي
جنت انسى نفسي وياهة

نسولف اشياء عامة صح بس عندي هاي السوالف تسووة الدنيا

البنية ارتاحيتلهة حيل
ظروفهة مشابهة لظروفي
وهم تعبانة بس هية قوية اقوة مني
مو مثلي متشائمة
هية دكولي لا ماتشائم الله موجود
اني اقوة من الظروف

جانت تحاول دائما تغير مني
من نحجي موضوع
دكولي لتتشائم دائما اكوا أمل

جنت حتة ضحكتي قليلة وياهة

هية جانت تحاول تغيرني
وتحجي وياية دكولي انت دائما يائس وهذا شي ميصير تفائل بلخير ومن حجيتلهة عن حياتي كالت عادي وشكو بيهة يعني كمل حياتك وحب وتزوج

بلبداية تسألني ليش مطلك جنت اكوللهة بس متوالمني وكحة وتعاركت وية امي

مكلتلهة اهلهة وابوية جانوا يحجون براسهة

بعدين كتلهة صارت مشاكل علمود الجهال هم
لان اني مجاي يصير عندي
جوري.... جااي تتعالج
ميثم..... لا المن بعد

ميحتاج لان اني حالف ماازوج

جوري...... واذا لكيت بنية تحبهة وتحبك

ميثم...... ههههههه ضحكت كتلهة ماعندي حبيبة واني مو من النوع الي اطي مجال لوحدة حب ابد

جووري...... افترض الله دزلك بنت
وحبيتهة

ميثم..... ماادري موقف صعب راح انحط بي

هية البنية هم منفصلة

وهم يردوهة ترجع

مو كلتلكم اثنينة ماعدنة حظ
ابوية يخابرني راح ارجعلك بت عمك
لان شنو اطلكت اني شنو عود واذا طلكت بعد مااريدهة ولااكلبهة اللهم لاشماتة شوف شمسوية وربك عاقبهة سقطت ورجلهة ميريدهة حقه عمي وين يتحملهة

انذارات جانت علينة دك
استراحتي لو الحك احجي وية جوري لو مالحك
جوري البنية الي تعرفت عليهة
البنية من تشوفني اتأخر تقلق لان تعرف

اني بلموصل وخطرة المنطقة سوت الي زوجتي مسوتة

بس جنت احاول ادزلهة رسالة حتة تتطمئن

واذا ماعندي واجب نبقى نسولف هواي

هلحجي مشايفهة اني ولاسامع صوتهة ابد

بس كتابة

فكلتلهة شمدريني جاي احجي وية بنية

جووري..... لازم صاير بيك موقف

ضحكت كتلهة

ميثم..... يعني هيج شي

اتصلت كالت

الوو وو
ميثم..... يلة سدي
لان حسيتة كوة مرتبكة وتحجي

صوتهة حلو