متت من خوفي بالغرفة هوه مل ف عافني ونزل مادري وين راح اني بصراحه تندمت
بس بنفس الوكت اكول يستاهل اني ضليت كاعده وميته من خوفي ورا ساعتين إجه
دك الباب كلي فتحي الباب كلشي ماسويلج كتله شتريد لعد ؟ كال غرفتي واريد افوت
ككتله روح بذيج الغرفه كلي لاتعاندين فتحي إذا تريدين انتي روحي هناك كمت فتحت
الباب مباوعت بوجهه منزله راسي هوه واكف بالباب اني وكفت بمكاني انتضرته يطلع
لأن الباب متوسعنه اثنينه هوه ضل واكف بمكانه اني باوعت عليه مخنزر يمه شكله يخوف
من يخنزر متجرئت احجي ولا حرف ضليت واكفه يجي 5 دقايق فات للغرفه اني طلعت
افتح بل غرفه مالتي متنفتح مقفوله نزلت بالهول ماكو لا بطانيه لا مخده نمت بالكاع
ع ايدي ماكو 3 دقايق نزل كلي فتحت الغرفه صعدي مجاوبته ضليت نايمه ضل واكف
كلي شداحجي اني ؟ درت وجهي عليه كتله ماريد كلي ماكرر الكلمه مرتين كمت
صعدت هوه ورايه صعد فتت للغرفه مالتي وهوه راح لغرفته ايده جانت ملفلفه فتت
مكدرت انام من الخوف بس كوه يلا نمت بس نومه جانت حيل حلوه مكعدت اله ساعه
2 ضهر لكيت التبريد معلوك كمت طلعت برا ملكيت أحد فتحت ع كيفي الباب مال غرفه
سيف لكيته نايم رجعت للغرفه مددت وره ربع ساعه فتح الباب سويت نفسي نايمه
وكف يم راسي مسدلي ع راسي وطلع استغربت منه ومن تصرفه رجعت افكر ب حالتي
وشنو مصيري؟؟المهم خلصت الأيام واحنه ع هاي الحاله ولا واحد يحجي ويه اللاخ
تقريبا شهر كل شخص بغرفته يروح للشغل الصبح ميجي اله بليل ف يوم من الأيام
صارت عركه كبيره بالمنطقة حتى سلاح صار بيها وضرب اني ضليت راكده بمكاني
مكمت إجه هوه رسا متأخر كلي كومي لاتخافين كمت لبست واخذني بلسياره وطلع
سألته وين رح توديني كلي عندي بيت بدهوك اخذج هناك ونكمل جوازات ونسافر
كتله ما أطلع من العراق لو يجي مادري منو رجعني لأهلي كلي مارجعج كرامتج وين
؟
همه طردوج كتله احسن من ماعيش بالذله وياك كلي وين ذليتج مو ماشي عدل وياج
هالشهر؟ كتله ما أطلع من العراق كلي كلامج نكعي ميه وشربي فتحت السياره
داريد انزل حيل جرني كلي كعدي احسن مما أتعامل بالقوه وياج سكتت عدلت نفسي
وكعدتي مرت 9 ساعات طريق دهوك وصلنا مثل الغابه لجوه بيت حيل حلو هوه من خشب
بس فدشي كلش انعجبت بي فوتني ع غرفه كلي هاي غرفتج بعد إجه اتصال ع جهازه
من أبويه
يتبع....
أنت تقرأ
حبيبي أخ زوجي
Novela Juvenilكانت تعشق شخص ما على مواقع التواصل وفجأة شكت بحبه لها وتركته وتزوجت غيره ولكن المفاجأة هو أخ زوجها ! فماذا سوف يحصل عند معيشتهما تحت سقف واحد ولكنها مع شريك حياتها الثاني؟ قصه مختلفه تماما قصه من الواقع كل أسبوع حلقتين
