بسم الله
ولا چن
شبچنه سنون بسنون
وطعم بلعة رياگك بات بيه
صار ثاني يوم وكعدتني امي صبح كالت يله هم ياله نعزل البيت على سريع وتريكي واخذي حمام على سريع حتى ترحين للصالون كتلهة اي ماما
رحت كملت كل شي واخذت الفستان ويايه لونه ليموني بسيط اجت خالتي واخذتني طبيت للصالون
وحجت خالتي كلتلهة حفله خطوبه وهذا الفستان مالتهة وانتي بكيفج طلعي بنيتنه حلوة اعتمد عليج
حجت ام صالون كالت صدك جذب هيه البنيه حلوة بس شوي تعديلات اخذ من حاجبهة وامكيجهة خلي تروح تبدل الفستان هذا الباودر تخلي الجسمهة
بدلت واجيت سوت حواجبي ومكيجتني وشعري سوته شي بسيط بس كلشي مرتب وحلوو ونازك.
خابرت خالتي على خالو اجانه رجعت للبيت هوسه كلهة كرايب ماما وماكو من كرايب امجد طبيت للبيت
وصار الهلاهل شويه وصاحوني تعاي راح يجي السيد يعقد كمت للكرسي المحظري ورا الباب صاله كعدت خلو بايدي الهيل وطاسه مي وبيهة ياس وفتحو القران وكدامي مرايه شويه وسيد حجه من ورا الباب
كتله نعم وانته وكيلي صار العقد
شويه وكالو راح يدخل الولد
دخل امجد وجان لابس بنطرون وقميص مرتب وحلاقته حلوة ابتسم وابتسمت اله كعد بصفي وهمس باذني مامصدك صرتي اليه طالعه حلوة
خجلت من كلامه وابتسمت اله اجت امه طشت جكليت وتهلهل وتركص هوة كام باسهة من راسهة وفرحان بيهة لبسني ذهب والحلقه وطلع بره يم خوالي باركو اله
صار الليل كمت بدلت بس بقيت بل مكياج دخل مبتسم كال متخلصين شغلج تعاي احجي وياج لين
باجر رايحين للبيت كتله تمام
خلصت شغلي وعدلت روحي وخليت عطر ورحت للصاله كاعد هوة واخويه وبابا طبيت بحجه ماخذتلهم جاي
شويه وطلعو بابا وحسن بقينه وحدنه اجه تقرب يمي ولزم ايدي كال اني فرحان صرتي اليه تقرب باسني من راسي ومن خدي ومن خشمي وصل ايريد ايبوس من شفتي درت وجهي هوة ضاج ودنك فرك وجهة ورفع شعره كال احم احم شلون من اروح اخابرج كتله ماعندي تلفون كال اني اريد احجي وياج واتعلم عليج
ابوج كال اكو هسه تلفون جاي جديد اسمه اتصالنا جهاز عندج وجهاز للبيت وبي خدمه ٢٤ ساعه متنقل
كتله تمام كال باجر قبل لا اروح اريد اشوفج كتله اي
يله تصبح على خير
رحت نمت وافكر شلون اعوف اهلي شلون اتركهم بس امي كالت ازوجي واستقري عود ايدورون النه على بيت واجي يمج
نمت كعد صبح حظرنه ريوك الهم وهوة يباوع ومبتسم عليه ومن ايشوف احد يباوع علينه ايدور وجهة كملو
وراحو ايبدلون علمود يرحون شوي وصاحني كال فاتن تعاي اني راح اروح خو مامحتاجه شي كتله سلامتج وكال وبعد كتله هاي هيه كال اريد شي منج قبل لا اروح باوعتله كتله شنو تقرب عليه احنه وحدنه بلغرفه ارجع وهوة يتقدم لمن صار ضهري على الميز لزمني من خصري وباسني من شفايفي علكيف حيل انصدمت وخر من يمي باوعلي وكال شنو رائيج كتله هاااا
ضحك كال هاي هيه عرفت
طلعو ضليت اتلمس شفايفي وضليت اكمل شغل البيت واماليد راحت للمدرسه وماما راحت لبيت جدوو
ورجعت كملت الغدة وصلو بيت امجد للبيت وخابرهة
كال بليل احاجيج على تلفون....
امجد..صارت يوم الخطوبه وفاتن طالعه حلوة وخجلانه شكد فرحان مامصدك صارت اليه لين حلوة
وبعدها زغيره واعرفها وراح ادللهة لبستهة الذهب وعطرها كلش حلوو ونازك سطرني ومنا الفستان دلع كوة سيطرت على روحي خلصت تلبيس الذهب وكوة طلعت
بليل صلينه واكلنه وصحتلهة كعدنه سولفنه وتقربت بستها من وجهة كله وصلت للشفايفهة ابتعدت ضجت كتلهة صبح اشوفج
شفتهة صبح وسولفت وبستهة ذابت بيدي ومصدومه
احساس حلوو اول شي نجربه اثنينه
طلعت منهم فرحان وماشفتهة بعد للضهر وخابروني
كتلهم وصلنه وحاجيتهة وكتله بليل اخابرج .......
وي فديتكم😘🥀🌹❤
