أسيرة قاتل

الفصل الثالث

(ڤوت قبل القراءة)😘😍
   
بسم الله. ..الفصل الثالث
....
بعد مرور أربعة ايام...وقد عادت دينا ودنيا إلى العمل
تجلس دينا تعمل بمكتبها حتى صدع الهاتف الخاص بالمكتب
دينا...ألو
دعاء..دينا سليم بية  عاوزك حالا فى مكتبة
دينا بخوف..لية يا دعاء
دعاء..معرفش هو قالى اقولك تيجى
دينا...حاضر ..هو بابا عنده
دعاء ...لاء
دينا..حاضر جاية
وتغلق الهاتف وتحدث نفسها قائلة...
دينا..ودا عاوز منى اية ...بالهوى هروحلة ازاى. .يلا انا ونصيبى. .ربنا يستر
وبالفعل ذهبت دينا لمكتب سليم ..وطرقت  على الباب وسمعت صوتة الرجولى الذى أذن لها بالدخول...فدلفت إلى الداخل وهى تنظر للأسفل وقالت
دينا..نعم يا فندم
سليم بهدوء...اتفضل يا بشمهندسة
دينا..خير يا فندم ..حضرتك طلبتنى
سليم..طب تعالى اقعدى  الاول. .وباصة فى الأرض كدة لية
دينا بتوتر....هااا ..أصل
سليم...اتفضلى اقعدى
دينا..حاضر...وتقدمت دينا بخطوات بطيئة واعين  سليم تتابع ترددها وخجلها  حتى جلست امامة
سليم..ممكن تبصيلى
دينا..لية يا فندم انا سمعاك
سليم بغضب وصوت مرتفع قليلا..بصيلى  وانا بكلمك
انتفضت دينا ونظرت لة  بأعين دامعة قائلة...
دينا..حاضر..نعم
سليم..لية مقولتيش أنك بنت عم إبراهيم
دينا...عادى
سليم..اممم طيب فى منتجع جديد وعايزك تستلمية وعاوز أشوف شغلك بنفسى
دينا...حاضر يا فندم
سليم..انتى كويسة
دينا..اة
سليم..تقدرى اتفضلى ..
دينا. .بعد إذنك يا فندم
وتذهب دينا وتترك سليم لافكارة. .محدث نفسى قائلا..
سليم..لازم أنفذ خطتى بسرعة ..يومك قرب يا حازم
......
.........
........سبحان الله .............
فى صباح اليوم التالى....
فيلا الشريف....غرفة المكتب
يطرق حازم المكتب ذهابا وايابا بغضب ويحدث زوجتة  قائلا
حازم...لازم أتصرف أكيد بيدبر لموتى
هالة ...بعد الشر عليك يا حبيبى
(هالة الوكيل ام سليم وزوجة حازم بعمر 57عام )
حازم. ..يعنى يرضيكى  يا قلبى إللى ابنك بيعملة دا
هاله...معلش يا حبيبى أنت عارف انة بيغير منك
حازم...يعنى اعمل أية
هالة ...شوف أى حد يقتلة وياخد ملمين
حازم بخبث...يعنى مش هتزعلى علية
هاله بجشع...لا مش هزعل خلية يغور  مش كفاية انة بيفكرنى بابوة. .وبعدين لما سليم يموت فلوسة كلها هاتبقى ليا
حازم...خلاص ياحبى. .طلباتك أوامر
.......
.......صلو على الحبيب..................
فيلا البغدادي....
يجلس سليم  بغرفة المكتب يتحدث عبر الهاتف قائلا. ...
سليم...معلش يا عم إبراهيم هتعبك معايا
إبراهيم....عادى يا ابنى ساعة وأكون عندك
سليم...ماشى يا عم إبراهيم. .شوف كل الورق إللى عاوز يتمضى وهاتو كلة
إبراهيم. ..حاضر يا ابنى سلام
سليم. ..مع السلامة
ويقوم سليم بإنهاء المكالمة وينهض  عندما دلف عمار إلى غرفة المكتب قائلا...
عمار..أنت اية حكايتك يا عم أنت
سليم..طب سلم الأول
عمار..والله...أنت أكيد بتهزر
يكمل سليم حديثة وهو يجلس مرة أخرى ويجلس امامة  عمار..
سليم..مالك يا عم..داخل شايط عليا لية
عمار ..مش كان فى اجتماع النهاردة ...أروح الشركة يقولولى الاجتماع إتأجل وحضرتك مش جاى النهاردة...ممكن افهم فى اية بقى
سليم..مفيش ..عاوز اخد اجازة
عمار ...والله ودا من أمتى. .ناوى على اية يا سليم
سليم..ولا حاجة
عمار..طب ممكن افهم لية سلمت مشروع الشريف لدينا ودنيا
سليم..وأنت زعلان لية...ولا البت عجبتك
عمار ..والله أنا ما خايف غير منك..البنات دى غلابة يا سليم
سليم بغضب..ما أنا عارف..ممكن تسكت بقى وقفل على السيرة دى
عمار..ماشى يا صاحبى ..سكت لما أشوف آخرتها معاك
.......
.......
........كل عام وانتم بخير.......مجنونة قلم........
بمنزل إبراهيم. ...
تجلس دينا برفقة دنيا يتحدثون...
دينا...أنا مش فاهمة حاجة....إشمعنى احنا إللى نستلم المشروع دا
دنيا..والله ما اعرف ..أنا كمان استغربت
دينا. ..المشكلة أننا لازم نسافر خلال يومين
دنيا..طب وعمى هيوافق
دينا..مش عارفة ..لما يرجع بإذن الله هقولة
دنيا بمرح..بس سيبك المهم أننا اخدنا  اجازة
دينا بسخرية..بلا وكسة دا هما يومين عشان نخلص التصاميم دى
دنيا..برضو  اجازة..هو عمى هيرجع أمتى أنا جوعت اووى
دينا..هو انتى عالطول مفجوعة كدة..كلمتة وقالى انة هيروح لسليم بية البيت الأول عشان فى ورق مهم محتاج امضتة
دنيا..تمام..هقوم اتسلى فى اى حاجة لحد ما يجى
دينا بسخرية. .اموت واعرف الأكل دا كلة بيروح فين
دنيا..بطلى نق عليا وكلمى  عمى قوليلو  يجيب شيكولاتة  وتسالى  وهو جاى
دينا..ياساتر  ..عايشة  مع فيل
........
.............
..........استغفرك ربى وأتوب إليك.........
فيلا الشريف. ...
يتحدث حازم عبر الهاتف مع شخص ما....
حازم..ساعة وأسمع خبرة فاهم
الشخص...تحت امرك يا باشا
حازم..وبعد ما تخلص كلمنى وانا هظبتك
الشخص...تسلم يا باشا..سلام
حازم. .سلام
ويغلق حازم الهاتف وينظر لهالة  قائلا
حازم...البقاء لله ياروحى ...ساعة وتسمعى  خبرة
هاله بحقد....ونعم بالله....أهو غار فى داهية
حازم..كلها شوية وتبقى المالكة لشركات وممتلكات البغدادى كلها
هاله..ايوا  بقى خلى الواحد يتهنى  بحياتة
.........
............
........الحمد لله.............منى الاسيوطى......
فيلا البغدادى. ....
يجلس كلا من سليم وعمار وإبراهيم بغرفة المكتب
سليم..تمام يا راجل ياطيب أنا خلصتلك  الورق كلة
إبراهيم. .ماشى يابنى. .أنا هجيبة  معايا بكرة الشركة لأنى لازم أروح اتأخرت على البنات اووى
عمار..هما عاملين اية
إبراهيم...الحمد لله ..دا.........
ويسكت عندما صدع هاتفة برقم ابنتة فأجاب قائلا. ..
إبراهيم....ألو اية يا حبيبتى
دينا..فينك يا بابا دنيا هتاكل ذراعى كمان شوية
إبراهيم..ههههههه خلاص نص ساعة وأكون عندك
دينا...بسرعة والنبى ...وهات للهبلة دى شيكولاتة وتسالى
إبراهيم...حاضر عاوزين حاجة تانى
دينا..لاء ..بس يلا أنا خايفة تاكلنى
إبراهيم...هههههههه لا وعلى اية أنا جاى أهو سلام
دينا..سلام يا حبيبى
ويغلق إبراهيم الهاتف وهو مبتسم ويلتفت أعمار وسليم قائلا.
إبراهيم..معلش يابنى لازم أروح
عمار..هو فى حاجة يا عم إبراهيم
إبراهيم. ...هههههههه لاء يابنى بس دنيا  جعانةولازم  أرجع قبل ماتاكل دينا
عمار...هههههه لية هى عايشة معاكو
إبراهيم....لاء هى ساكنة فى الشقة إللى فوقي بس هى عايشة لوحدها
عمار..لية اهلها فين
إبراهيم..أبوها مات وهى صغيرة وأمها ماتت من أربع سنين كانت مريضة قلب ربنا رحمها ...ومن ساعتها وهى طابقة  على نفسى انا ودينا
عمار.بس شكل بنتك بتحبها اووى
إبراهيم...أصلهم صحاب من ايام الحضانة ودخلو  المدرسة والجامعة مع بعض وكانو لجنة واحدة كمان عشان اسمهم بيبتدى بنفس الحرف
سليم..ربنا يخليهوملك ويخليك ليهم ياعمى
إبراهيم..تسلم يا ابن الغالى...أنا همشى بقى
ينهض سليم لأصحاب إبراهيم للخارج ويتبعة  عمار قائلا. ..
سليم..اتفضل ياعمى
إبراهيم..خليك يابنى مرتاح
سليم ...والله أبدأ ...اتفضل
يصل إبراهيم إلى الباب وقبل أن يصعد إلى سيارتة دوى إطلاق الرصاص بالمكان واتصاب  إبراهيم ووقع صريعا  وهو باحضان سليم واخر ما قالة لسليم
إبراهيم...بناتى..بناتى يا سليم
سليم بذعر ...أهدى ..أهدى يا عمى ..أنت هتكون كويس
إبراهيم....أشهد أن لا إله إلا الله وأشهد أن محمدا رسول الله
سليم..عمى. .عمى ..لاااااااااااا
........
.......
نهاية الفصل الثالث...
...يتبع......
مجنونة قلم
منى مصطفى الاسيوطى...