#كسرنى_ولكنى_احببته
#الجزء_السابع
فضلت اكلم فى نفسى شويه و لاقيته طالع ودخل الاوضه سالنى اخدت الدوا قولتله اهاا اخدته قولتله يوسف انا مش هينفع مروحش الجامعه عندى سكاشن و محاضرات غير ان كمان الدراجات كده هتروح عليا قالى متقلقيش كل الدكاترة هتجيلك البيت و درجاتك متقفله من اول السنه لحد السنه الجايه اهاا نسيت اقولكم ان سادسه طب السنه فيها سنه و نص مش 9 شهور المهم نكمل قولتله طيب ماشى عدى كام شهر من الحمل و كان فاضلى شهرين على الولاده و طبعا كنت عرفت ان هجيب بنوته كان فرحان برضه كتير مكنش فارق معاه اصلا اجيب بنت ولا ولد كان عايز يخلف بس خلال الفترة دى يوسف كان بيعامل اخواتى كويس اوى و كان بيان عليه انه بيحبهم جدا و ماما كمان كانت بتحبه اوى و هو كمان كان بيعتبرها مامته ع فكرة يوسف مامته متوفيه من و هو لسه 10 سنين المهم فى يوم كنا قعدين مع بعض قالى تاليا طبعا انتى عارفه ايه الل هيحصل كمان شهرين قولتله اها قالى طيب انا عايزك بقا تبداى تعاملينى وحش قدام اهلك عايزهم يشوفوا انك مش طيقانى قولتله طب نا تعاملنى انت وحش قدامهم قالى مينفعش اهلك بيحبونى و بصراحه انا كمان بحبهم و مقدرش اعاملك وحش قدامهم لان بالتالى هعاملهم نفس المعاملة قولتله يعنى المطلوب منى انا الل بقى وحشه صح قالى معلش قولتله هو ايه الل معلش هو انت ازاى انانى كده يعنى ابنى و عايز تاخده و اهلى عايزهم يكرهونى انت ايه يااخى قالى معنديش حل تانى غير ده لازم تتعاملى وحش قدامهم عشان اما نطلق يبقى ف سبب و بالنسبه للطفل هنقول انه مات عشان اما اخده محدش يستغرب ولا يسال عليه فى اللحظة دى عيونى دمعت قلبى وجعنى على بنتى اوى قولتله بعيد الشر اوعى تنطق كده تانى قالى اومال يعنى هنعمل ايه ولا هنقول ايه قولتله اى حاجه الا الموت قالى خلاص قولى لأهلك انك كرهتيها عشان انا ابوها و سيبتهالى عشان مش عايزة حاجه تربطك بيا قولتله انت بتهزر صح هو انت ليه عايز تطلعنى زباله اوى كده بجد ليه يعنى انت مصمم تطلعنى وحشه عايزنى انا الل اعاملك وحش عشان يقولى ان السبب ف الطلاق عايزنى اسيب بنتى قال ايه عشان بكرهك هو انتى ازاى بتفكر ف نفسك اوى كده ازاى عايز تطلع نفسك دايما البريئ الل مبيغلطش قالى هو كده بس بصراحه يا روحى تشبيه زباله ده حلو اوى عليكى لايق جدا بصتله بصدمه قولتله انا انا يا يوسف زباله قالى الل تبيع بنتها و نفسها عشان خاطر فلوس تبقى زباله قولتله انا مبعتش بنتى انتى الل استغليت ظروفى قالى حد قال توافقى قولتله مكنش عندى حل تانى بس عارف انا فعلا زباله عارف ليه زباله عشان ضحيت بشرفى و و كرامتى عشان خاطر اهلى زباله عشان وافقتك على استغلالك و تساهلت معاك زباله عشان انقذت امى الى كانت هتموت امى الل مكنش ليها ذنب فى اللعبه القذرة دى زباله عشان وافقت ابيع نفسى بشويه فلوس مالهاش قيمه زباله عشان كنت كل يوم بدعيلك زباله عشان كنت دايما بتكلم عليك كويس قدام اهلى زباله عشان كنت بحافظ عليك فى غيابك من اى حد مع ان عارفه انك هتطلقنى زباله عشان حب...... كنت لسه هنطق و سكت كان بيسمع كلامى و هو مذهول منطقش و ب ولا كلمه طلعت فوق وانا منهاره مش قادرة اصدق ان كل ده بيحصلى بعد كل الل عملته و ضحيت بي اطلع انا الل زباله بعد كل ده اطلع انا الل وحشه صليت وعيطت لربنا كتير اوى دعيت يرحمنى من الل انا فيه كنت بتقهر على نفسى اوى بعدين مسكت المصحف وبدات اقرا فيه لاقيت باب الاوضه خبط ولاقيت يوسف داخل و راح جه قعد قدامى و قالى انا اسف مكنتش اقصد اهينك اوى كده متزعليش بصتله و عنيه كانت مورمه من العياط و فضلت ساكته قالى ممكن متزعليش منى بصراحه مكنتش مصدقه حنيته دى مش مستوعبه أصلا انه اتأسف قولتله عادى يا يوسف انت عندك حق ف كل الل انت قولته قالى انسى الل حصل انا بس مضغوط شويه من الشغل قولتله ولا يهمك قالى طيب تحبى تخرجى شويه قولتله لا مش عايزة عندى مذاكرة نسيت أقولكم ان يوسف من وقت ما عرف ان حامل و هو بيعاملنى كويس و محاولش ولا مرة يقول حاجه تزعلنى بس دايما كان مدب و يقوم قايلى انا مبرضاش ازعلك بس عشان خاطر البيبى كنت بحسه متعمد يكسر اى حاجه بحس بيها نحيته قبل ما تبدا معرفش هو كان ليه كده ولا كنت فاهمه المهم نرجع تانى لموضوعنا بعد ما اتاسف سالنى عملت ايه فى المذاكرة قولتله تمام قالى امتحاناتك امتى قولتله قربت قالى ع خير و كمل كلام و قالى تاليا ع فكرة انا فتحتلك حساب ف البنك و حطيتلك فيه 5 مليون جنيه غير الل كنا متفقين عليه قولتله كتر خيرك قالى لا ده حقك وانا مبكلش حق حد و ع فكرة يا تاليا انتى هتفضلى تشتغلى ف المستشفى مكانك هيفضل موجود قولتله شكرا و كملت قولتله هو انا ممكن اطلب منك طلب قالى اتفضلى قولتله انا مش عايزاك تطلقنى بصلى و رفع حاجبه و قالى نعم قولتله اسمع بس قالى هاه قولتله بص يا يوسف انا والله ما عايزة منك حاجه ولا فلوس ولا اى حاجه بس خلينى اربى بنتى وانا والله هعيش تحت رجلك و مش عايزة منك اى حقوق عايز تتجوز تانى اتجوز عايز تعمل اى حاجه والله ما هعارضك اكنى مش موجوده بس خلينى جنب بنتى متحرمنيش من الحق ده قالى تاليا احنا متفقين من الاول وانتى موافقه على الشروط بتاعة الموضوع متجيش دلوقتى تغيرى كلامك عشان قلبك هيحن انا كمان زودتلك الفلوس غير الب اتفقنا عليها قولتله والله انا مش عايزة حاجه خد كل حاجه بس سيبنى اعيش جنبها بالله عليك يا يوسف ما تحرمنا من بعض قالى متحاوليش تتعبى نفسك ف موضوع منتهى قولتله طيب بص هعيش جنبها و مش هعرفها ان مامتها قالى ازاى يعنى قولتله هعيش معاها على انى الداده بتاعتها و طلقنى زى ماانت عايز ضحك باستهزاء وقالى ايه جو الافلام العربى و امينه رزق ده يا تاليا
وبعدين انا اضمن منين انك متقوليلهاش انك امها يعنى اقطعلك لسانك مثلا قولتله والله ما هنطق ولا هتكلم و لو قطع لسانى هيطمنك ان مش هتكلم انا موافقه راح ضاحك و قالى افرضى كتبتلها اقطعلك ايدك كمان قولتله موافقه بس اعيش جنبها قالى بعصبيه بطلى جنان بقا موضوعنا منتهى البنت مجرد ما هتتولد انتى مش هتشوفيها تانى الحوار انتهى و مش عايز مناقشه فيه قولتله حرام عليك انت بتعمل فيا كده ليه عملتلك ايه لكل ده يا اخى ده انا لو عدوتك مش هتدوس عليا اوى كده قالى عشان قبل ما تفكرى تنطقى كلمة غلط ف حق اسيادك تبقى تفكرى كويس انتى عارفه انا اتجوزتك ليه مش عشان اخلف بس كان سهل اوى اشوف اى واحده و كانت هتوافق برضه ع فكرة بس انا اتجوزتك عشان اكسر مناخيرك و كبرياءك ده حتة بت مالهاش اى تلاتين لازمه تقولى انا ألزم حدودك و قرفت و اسلوبك زى الزفت فاكرة ولا افكرك كان لازم اعرفك قيمتك و افوقك لنفسك كنت مستغربه اوى اسلوبه و عجرفته دى هو ف حد كده قولتله انت شيطان استحاله تكون شخص طبيعى مستحيل حسبى الله و نعم الوكيل فيك فى اللحظة دى فونى رن و كانت حنين......
#Aya_samir
