في قرية من قرى كسلا الهادئة
كانت تنظر مع والديها الى القمر الذي كان مكتمل
التي تعودت معهما منذ الصغر ان ينظروا في كل ليلة الى القمر
قالت بصوت نعسان : يلا يا اخوانا انا نعست ال نمشي انوم
ردت عليها الام : مالك آ بتي الليلة من الصباح عيونك واقعة وشك مصفر كدي وهسي عايزة تنومي بدري😞
قالت : لا انا وهدى ساهرنا والصباح نضفت معاها بيتهم وجيت تاني مانمت النهار
الام : لا اكان كدة امشي نومي
وهي ماشة ابوها نداها : سيدة تعالى عليك الله
سيدة طوالي جات راجعة :نعم يا ابوي
الاب : معليش يابتي بس جيبي لي كوز موية
سيدة :ولايهمك يا ابوي😊
ومشت جابت لي ابوها كوز موية وجات ادتو الموية ومشت القرفة ونامت
بطلتنا سيدة عبد الله بت حلوة حلة لونها اسمر شعرها طويل لي اخر ضهرها عيونا عسلية رموشا طويلة عندها غمزات مودبة وبتحب امها وابوها ومثال لي كل بت طيبة وحيدة امها وابوها عمرها 18 سنة ماكملت الثانوي قرت لحدي تانية وبس لنو اهلها ظروفهم صعبة 🙁
صحت الصباح بدري قبل امها وابوها صلت الصبح وسرعة قطعت الذلابية وعملت شاي لبن وختت الصنية قدام امها وابوها ومشت قشت البيت ورشتوا وفرشت الملايات وبخرت البيت (بت تتمناها كل ام😂😂)
فجاة سمعت صوت الباب بدق شديد
جرت على الباب وفتحتوا لقت دي صحبتها هدى دايرة تطير من الفرحة😃
هدى (بنضم الهاء ونفتح الدال والالف اللينة ) :الحقي جابو لينا ال ال الاسمو شنوا داك ايوة ايوة تيفيون😍 (قصدها تلفزيون🙂 )
سيدة بي ابتسامة هادئة وحلوة:مبروك ياخ 😊
هدى:كدي تعالي احكي ليك شمارات الحلة 😌
سيدة: يابت انتي حركاتك دي ما بتخليها مالك ياخ دايرة تجيبي لي ولي نفسك ذنوب 😂😂😂
ودخلو جوة اتونسو حبة كدة وهدى مشت بيتم
وبليل كدة ابوها ناداها جرت ليهو بي سرعة
سيدة : نعم يا ابوي
عبد الله (ابوها ) : تعالى اقعدي جنبي هنا
وجات قعدت بي سرعة
عبد الله : يا بتي ما معروف اعيش لي بكرة ولا لا عشان كدة لازم تضمني مستقبلك انتي وامك انا عايزيك تتمي دراستك وفي الخرطوم لانو هناك التعليم احسن
سيدة :بس يا ابوي احنا ظروفنا ما بتسمح لينا 🙁
عبد الله : انا عندي قطعة ارض ورثتها من ابوي زايد اني عندي صحبي من المدرسة اسمو محمد عندو بزنس وقال عايز اني ابقا مدير لانو بسافر كتير وانا طبعا ما بقدر عشان كدا ح اخلي ولد عمك يمسك الشغل بدلي وبنتقاسم الارباح وانتي لازم تكملي سنة تالتة وتمشي تقري برة البلد
سيدة عايزة ترد بس ابوها قال ليها امشي فكري اول
ومشت عاينت لضوء الصادر من القمر لحدي ما نعست ومشت نامت😴
يتبع ......
