كانت تنظر الى ضوء القمر الذي كان هلال المرة دي ما قامت
امها سائلتها : مالك الليلة ما قلتي نعسانة
سيدة : لا ماف شي بس ما نعسانة
امنة :انا نعست ماشة انوم
عبدالله :وانا كمان
سيدة :انا الليلة عايزة انوم في الحوش طيب
امنة وعبد الله:طيب
ومشو وخلوها
سيدة مع نفسها : يارب حاقدر اقرء وانجح يارب حاقدر امن لي اهلي حياة كويسة وهل حاقدر اعيش من دونهم واقدر اعيش في مجتمع مختلف عن الانا عايشة فيهو واتعرف على ناس يسعادوني يارب انت قادر على كل شي فا قدرني على الحجات دي ❤
وبعد نظرها الكثير الى #ضوء_ القمر نامت ❤
وصحت الصباح صلت وعملت ذي كل يوم
وبعدها ابوها قال ليها تعالي وجرت جري ليو
عمو عبد الله: في زول عايز يشتري الارض بي سعر اعلى من العرضناهو بيها سيدة فرحت شديد
سيدة :اها يا ابوي حا نستلم القروش متين
عبد الله :بكرة دي
سيدة :الحمد ليك يارب ❤😍
عمو عبد الله:كلمت عمر وقال طيب ومحمد قال ينزل بعد بكرة
سيدة :سبحانك يارب كلو ورة بعض كدة😍
اليوم مشى سرعة وذي كل مرة نامت بعد النظر الى ضوء القمر مع امها وابها
صحت الصباح صلت عملت الشاي لقت امها قاعدة وابوها مافي سائلت امها قالت ليها انا زاتي ما عارفة بس قال لي طالع مشوار وجاي
سيدة: طيب
اتونسوا حبة وكل واحدة شرب الشاي حق
شوية كدة ابوها جا داخل وشايل اكياس كتيرة واضح انها ملايانة
عمو عبد الله:تعالي يا سيدة🙂
سيدة :طيب ومشت ورا ابوها
قعد في السرير ختا الاكياس جمبو
عمو عبد الله بي ابتسامة:دي القروش بتاعت الارض
سيدة:ما شاء الله❤
سيدة انا عايزيك من هسي تجهزي حجاتك الاسبوع الجاي حا تمشي شقة في الخرطوم تمشي تقري هناك شهر ونص وبعداك تمتحني وتمشي لندن تقري هناك
هندسة معمار
سيدة :طيب
سيدة مشت لي هدى وكلمت بي موضوع السفر والقراية من طق طق الى السلام عليكم
المهم هدى عملت حركات وقومة وقعدة
سيدة: هوي ها يابت امسحي دميعاتك دي هسي انا بحكي ليك ساي بكيتي نان كفين لمن امشي
هدى:😭😭😭😭
سيدة :والله امشي وتاني ما تشوفيني ال بعد خمس سنين😒
هدى مسحت دموعها وبقت تتبسم ذي الهبلة :اها اخبارك (هرشتيها هرشة يا سيدة😂😂)
سيدة :الساعة تسعة ماشة انوم
هدى :طيب تصبحي على خير
وحصل ذي كل مرة مع ضوء القمر الكان مكتمل وبعدها نامت طوالي
(خليت الجزء دا طويل شوية على شان الجزء الفات كان قصير❤
