صحت الصباح صلت وعملت الشاي والذلابية لي امها وابوها ونضفت وفرشت وبخرت واثناء ما كانت بتتونس مع امها وابوها فجاء ابوها ختا يدو في قلبو
وكان شكلو متائلم وكان بقول اخ اخ اخ😨😧
سيدة اتخلعت وقالت:يا ابوي يا ابوي مالك
والخوف سيدة اكتر انو ابوها مابرد عليها وبرضو بقول اخ اخ اخ
امنة (امها) بي خوف :يابت امش نادي ولد عمك عمر يجي يسوقوا المستشفى
سيدة جرت جري نادت عمر وجات
وصلو المستشفى بلمساء كدا لنو مافي مستشفى جمبهم
دخلوهو جو الغرفة وطلعو بعد اقل نص ساعة كدا جاهم الدكتور طالع سلم عليهم وسكت مسافة خلت الناس ديل كلهم يخافو حتن قال :
الزول دا جاتو زبحة بس مافي شي خطير بكرةممكن يطلع من المستشفى وانا حا اكتب ليكم شوية ادوية كدا بس لزم ياخد الادوية في المواعيد المظبوطة
سيدة :طيب يادكتور يعني مافي عليو خوف صح✅
الدكتور :اذا ارتاح واخد الادوية في مواعيدة مافي خطر او خوف
امنة :طيب 😔
دخلو كلهم اتكلمو معاو حبة وطلعو برة
عمر : يلا انا ح اوصلكم البيت وامشي اجيب لي عمي الادوية (عمر نوع الناس المرطبين ديلك وعايشين حياة بسيطة )
سيدة :انا ال ح اقعدمع ابوي انتوا امشو
عمر :لا كيف يعني انتي سوقي عمتوا امنة وامشي انا بخلي زول يجيبك الصباح
امنة :لا انتي ولا هو انا ال ح اقعد
وبعد منقشات كتيرةقعدت خالتو امنة
عمر جاب الادوية وساق سيدة وداها البيت سيدة مشت كلمت هدى تنوم معاها هدى طوالي مشت نامت
اما سيدة تعاين للقمر وتتزكر ابوها وامها وتبكي نامت وحدة ونص كدا اصلا وصلت الساعة ١١
صحت الصباح ما عملت لا ذلابية لاشاي واتسوكت صلت واستحمت ولبست ومشت المستشفى معاها
سلمت على ابوها وامها ولقت عمر وعمها سعد (ابو عمر)ومرت عمهاسلوى(ام عمر) وسمية بت عمها (ماف داعي اقول اخت عمر صح😂😂)برضو سلمت عليهم واتونسوا بعد ساعتين او اكتر بي شوية كدا طلعو وكل زول مشى البيت باقي اليوم مضى بي سرعة ورجعت في حضن امها وابوها ينظرون الى (ضوء القمر) زي كل مرة نعست ودخلت الغرفة لكن قعدت مسافة وهي بتفكر في موضوع القراية وهل اذا حصل ليهم كدة مرة تانية لا قدر الله حا يعملوا شنو ماممكن كل مرة يدفع ليهم عمر وقررت توري ابوها الاجابة النهائية بكرة
(ان شاء الله بكرة حا نشوف قرار سيدة شنوا والقصة حاتبداء ياداب😊)
يتبع
