صحت وعملت زي ما بتعمل كل صباح ابوها طلع برا البيت استنتو لحدى يرجع حتا جات قعدت مع ابوها قبل ما تقول اي شي قال ليها:انتي جاية على شان موضوع القراية وكنتي بتفكري اذا حصل دا تاني ح تعملي شنو اها جوابك (شوفو طلع بفهم بتو كيف😍❤)
سيدة ضحكت ضحكة حلوة كدا😂 وقالت:اي جيت على شان كدا وانا موافقة 🙂
عمو عبد الله : خلاص انا بكرة بشوف عمر وبعد شوية البسي وتعالي نمشي نشوف الارض ونعرضها للبيع
سيدة :طيب ❤
سيدة مشت ساعدت امها وعملت الغدء واكلت معاهم وعملت الشاي وطلعت لي هدى
هدى طبعا جنها قطيعة وشمارات وما بتصاحب غير الحلوين زي سيدة كدا😂وهي برضو حلوة😍
هدى فتحت الباب لي سيدة وجرتها من يدها قعدتها في السرير
هدى:كما شوفتي بت جيران جيرانا الماعرفة اسمها منو دي مشت يا زولة فسخت ليك جسما دا فسخة ولا اصبري وشفتي الناس الساكنين ورانا على الشمال ديلك ياخ الناس البتهم سمحة ديك الليلة شفتها عن بتاع الخضار شالت يازولة كترة حجات التقول عندهم عزومة ولا شفتي الناس السكنو هنا جديد ديل قال شنو ولدهم سايق عربية يالله وهو لزوم الفشخرة شنو ولا اصبرى دي ياداب البداية ما وريتيك باقي الشمرات
هنا سيدة قالت:يا بت استغفري ربك والله اطلع اخليك
هدى :لا اي شي ولا تخلني اقعدي خلاص سكت (كلبة😂)
سيدة: اصلا انا طالعة مع ابوي يلا باي لي بكرة 🙂
ورجعت البيت وطوالي
طلعو وشافو الارض وعرضوها للبيع بسعر كبير يخليها تقرا تالتة والجامعة خارج السودان
جو راجعين البيت 10 لانو المحل بعيد وكانو مبسوطين لانهم خطو الخطوة الا ولى بي سلام فهل يا ترى كل الخطوات حا تكون كدا حا نشوف في الحلقات الجاية
(معليش الحلقة بسيطة لاني تعبانة حبة لاكين بعوض ليكم في الحلقات الجاية 🙂❤)
