صدفه حسينيه

البارت الثاني 💟

روايــه صــدفــــه حسـينيــــه ❤✿⇣     

للــكاتبه رقــيه التمـــيمي

الجزء الثاني؛.

« حب من طرف واحد 💔 »

نتكلم عن حياة ابطال الرواية في الماضي..

🌺🌺🌺

رقيــــه : بالماضي قبل خمس سنين كان عمري 16سنه....
كنت گاعده اني واخواتي (حوراء ورتاج ) نتفرج ع الملا باسم الكربلائي..

ااه نسيت 🤦‍️ اگولكم اهم شي عني؛ اني انسانه مهووسة بحب الملا باسم الكربلائي 💖 اعشقه حد الجنون ومستعده اضحي🤗 بحياتي علموده
اتنفسه يعني احبه اكثر مما تتصورون... هو وابوي نفس العمر... ﷲ يطول بعمرك يا ملا باسم...

الصراحه اني اول محسدت🙄 بشر حسدت بنت الملا باسم على ابوها واتمنا فد يوم اشوفه واعبرله عن الخبال اقصد الحب الي بداخلي 😅....
اكمل ؛

نتفرج على الملا باسم بالليالي الفاطميه.... واني دا اتفرج شفت شاب دا يلطم ويه اللطامه هههه عبالك اني بس على شكل شاب... كولش يشبهني بس ما عنده رصعات هههه

📌حوراء : هذا الشاب كولش يشبهج رقوش!!

📌رقيــــه :• هههه اجاب الثوم ع الحلقوم يروح فدوة الرصعه خدي😏..

📌حوراء : اي صح اجابچ اشخلاچ عليه هو احله منچ ههههه😄...

📌ريتاج : هههههههههههه 😁في منتصف الجبهة حوري...

📌رقيــــه :• عفتهن يحجن وحدهن وضليت صافنه عليه كولش عجبني.... اول مرة انعجب بشاب...

اوووي بس لا وقعت بالمجاري (يكرم السامع )اقصد الحـب هههههه🤣 ......

ضليت كول مايطلع الملا باسم انتبه على هذا الشاب ما اعرف شنو الخلاني🤷‍️ انتبه عليه من دون الشباب كلهم الموجودين بالمئات...

شوي شوي...

صار عندي فضول اعرف شنو اسمه شخصيته دخلت على مواقع التواصل الاجتماعي على حساب الحسينيه الي شفته بيها ومنها عرفت حساب صاحب الحسينيه وعرفت بيهم سادة موسويين وضليت ادور علي فلگيت صورته🤳 وصورة الملا باسم وياه عرفت حساب الشاب طلع اسمه احمد وعرفت حسابه ع الانستا والفيس بوك وضليت ادور 🔍على معلومات عليه عرفت بي من اهل الحسينيه يعني يقربلهم لان دائما اشوفه بيها...

...

للاختصار ضليت اتفرج عليّ كلما يطلع الملا باسم لمدة 6 اشهر صار مستواي بالدراسه مو شي يعني محبط 📈 بعد ما كنت اني المتفوقه بالصف مالتي بسبب الحب وبسبب الكبرياء مالي ما يسمحلي اتكلم وياه

. . طبعاً اني مو تشوفوني عمري صغير حسبالكم طفله وما اعرف اصرف لا بالعكس اعقل وحده شفتها بهيجي عمر هي اني

على گولت الملا باسم :

أّلَعٌشُـگ مًوٌقُفُ مًوٌ وٌقُت
مًأّيِّهّـتٌـمً بًعٌمًر أّنِسِـأّنِ

وهماتين لان اني لا حبيت ❤ ولا كبلت👫 هههه... بوكت الي بي زميلاتي بالدراسه كول وحدة تحب عشرة ههههه

كنت دائمأ انصحهن بس ميمشن بالنصيحه لان اعرف هذا مو حب هذا لعب لذلك گلبي خارج نطاق التغطيه عقلي وفكر وگلبي يم هذا المغرور المتكبر...

كانت اختي حوراء 👩 عمرها عشرين سنه واني وياها مو تگول اخوات تگول روح وحدة بس بجسدين قبل لا اعطش تنطيني ماي قبل لا ابچي تنزل دمعتها حته اكو كومه ناس حسدونه على هذا الحب ونتعارك امالش من الروس🙆 ورة خمس دقايق نتصالح طبعاً اني الابادر بالصلح لان الصغيرة👧

...

كانت تگولي ما شفت بنيه بهيجي عمر واعيه وتفهم الدنيا ما شاء الله عليج.....

للا ختصار ما اطول عليكم ورة سنه من متابعتي الاحمد استجمعت قوتي وگلت ...لا هو حب من طرف واحد ولا هو اعجاب...

خليني اخلي يعرف بوجود بنيه ببغداد تحبه فحبيت ادزله رساله على الماسنجر تكون غامضه بلكت يجاوبني ويصير عنده فضول لان اعرف بي غثيث اقصد ثگيل هههه...

الرساله تگول؛

يتبع.......

هههه شگد كنت اتمنا اكتب يتبع وانشف دمكم من الفضول ههههه 😅
ارجو منكم انو تعلقون وتصوتون علمود اتصير مشاهدات كومه وتنطوني تحفيز حتى اخلص باقي الاجزاء