صدفه حسينيه

البارت الخامس عشر 🌺

           << روايه عُشـــقٌ حُســـــــينيّ >>
         
               للــكاتبه رقــيه التمـــيمي

            .....  الجزء الخامس عشر  ..... 
        
                         « الفراق 💔 »

                        🌺🌺🌺

وقبل يومين من يوم الجمعه صارت الحادثه او المصيبه لو تدرون شصار عليه  اوووووف

قبل لا اصير المشكله رجعنا ثاني يوم من المدرسه وكالعادة صلينا وتغدينا وگعدنا ندرس كان بوقتها عدنا سهرة بناتيه بالليل يعني اخواني طلبو لجوء لبيت اصدقائهم ضلينا بس احنا بالبيت هاي السهرة نسويها كل شهر مرة نگعد اني وريتاج وصديقاتي نرجس ومريم وصديقات ريتاج زينب وبتول سويه طبعاً احنا انثق بيهن ويثقن بينا كولش واهلهن يأمنوهن عدنا عادي لان يعرفون كولش زين وبعد مسوينا العشه اجني البنات ولبسنا تراكات كوليتنا وگعدنا بالاستقبال متگابلات على الموبايلات ويمنا حلويات وشيبس ونوتيلا طبعاً منگعد بدونها هههه وگعدنا وسولفنا البعضنا كولشي سوينا بهذا الشهر وشفنا مسلسل تركي البطله مالت المسلسل همات عدهن گعده انتقاميه من الشباب بوقتها صديقه البطله اتصلت على حبيب البطله وضلت تتقربله بالدارج تزحفله حتى تعرف البطل گد الثقه لو لا وهنا خطرت فكرة لريتاج جهنميه

📌ريتاج : اكلچن شنو رأيچن اجرب أحمد مثل ما سوت صديقه البطله هااا شلون الفكرة مو تخبل

📌رقيه : ههههه خاب دولي هو اني بالگوة حچيت وياه يگلبچ انتي،،،  اتراهن وياج من علبه نوتيلا ضخمه اذا حچه وياچ هههه اصلا راح يسده بوجهچ بس يسمع صوت بنيه وهو اصلا سامع صوتچ ويعرفه ههه وما عندي رقمه يحلوه شلون تحچين وياه

📌ريتاج : اي صدوگ شلون،،

📌مريم : اذا على شغله الصوت مال بنيه خلنها عليه

📌زينب : والرقم شلون يحلوه؟؟ 

📌ريتاج : سديتنها بوجهي فرد سده بس اليوم ما أنام الا اسويها بيك يا ابو شهاب هههه
شنو رأيجن احاچي علاوي وينطيني رقمه

📌بتول : هذا منو علاوي الثاني يا ستار

📌رقيه : هذا الضلع مالت أحمد وابن عمته

📌بتول : هااا  اكلچ حلو هو لو لا هههه خل انشوفه

📌ريتاج : لا امنيله حلو،،   ولا حلو ابد يصبغ بشعرة ويعدل روحه وبعده اجگم

📌رقيه : انهچم بيتچ اذا علاوي يصبغ ومو حلو الكذابه

📌ريتاج : يلا المهم راح احاچي من صفحتي

📌رقيه : لعد لويش ما احاچي من صفحتي هاا 😉

📌ريتاج : لا تعبين نفسچ عيني اني اتكفل بالموضوع
والمهم للاختصار دخلت عليه وسلمت وطلبت منه الرقم مالت احمد لان محتاجيه وعدنا شغله بي وقبل ينطيني اياه واخذنا الرقم واتركلكم الجو مع المذيعه مريم الجمالي هههه