Aabhushan badhate hai shobha tann ki par mann ka na hai koyi.
Dekho aisi ek rajkumari jo ban bethi veragi ke saman sati.
Shaant jiskai antarmaan ko swayam Narayan hai karne padhare, uss virangana ko chahe Panchali kaho ya bas kehdo Draupadi..
Ek dhanurdhar bhagya tumhara, yahi kaha tha na tumne, Kanha , Pandu ka tritya deepak ke liye janam huya tihara.
Asmanjas main padhe Girdhar Gopal, sakhi ki peeda ka kaise kare nivaraan?
Bati vo Krishnaa Panch bhratao ke beech.
Naam tumhara jag main har koyi gayega, samragyni keh kar tumhara maan badhayega. Krishn ki vaani lagti usse uphaas.
Ardhangini Arjun ki hai mujhe kehlana, us veer ke saantano ko apni godh main hai khilana, nahi lalasa aise raaj ki. Pran harlo mere, sabke pranpati.
Paarth ki tum sarvapratham sadev hi rahogi, dharm karya hai ye, dharmraj ki bhi sangani banogi,
Pandavo ki tum hi priye ho sakogi.
Nahi bannana mujhe priye anek ki, main hun keval ek ki,
Jiske aane sai mera hridya dhadakta hai, uski virah ye kaise sahungi?
Nayan mere jisse dhoondhte hai, us par ja kar
vo rukte hai, prem hai ye Gopivallabha, tum toh samjhte sabhi,
Jaha ek our kare Panchal ki kumari vivaad vaha doosri our Pandav aur Kunti bhi pade kashmkash main.
Jyest ki patni hoti janani saman, anuj ki toh putri pujaniye, kaise maanu main usse apni bhi dharmpatni? Vrikodara ka kehr barsa tha,
Kunti ke maathe pe chinta ka badal udelta tha,
Maa ke mukh sai shabdh jo nikle, veh toh hai ishwar ka kathan,
vo, jiske aate hi saamaagr aaryavarth pighalta hai, aavashya bandhegi ham sab ki dor se.
Dharm Dev ka putra nai jab ye sab bola,
Indra ka vo bhola balak bilakh bilakh ke roya tha.
Varan uska kiya maine, tann, mann aur dhan sai main tuchh dhanurdhari, maan chuka usse apne jeevan ki nari,
Arjun ke bol muh sai bahar na aate hai,
pita ki aakhri iccha pal pal tadpave hai,
Yudhisthar hi tum sab ka hoga karta dharta..
Kunti ka dimag ab kare vicharan, putro ka nahi tutna chahiye anurag apar.
Nakul Sahdev toh mon hi bethe, jo Jyest kahe, vohi dohrate rehte.
Arjun ki netra neer uchalte, jis kanya ko jeeta tha, uske saath ye kaisa aapradh?
Sunn Manmohana ki veeprit paheliyan, Draupadi na huyi sthayi,
saiyam khoye mera, Govind,
vaastu nahi,
main stri roopi sai jaayi,
Krishn sai adhik shaktishali ho, stri ho, jagat ki palika ho,
Main toh ek gwala, par tum to kanya Agni ki, shadiyantra nahi ye mahatyaag hai, kareke bano mahaan.
Sita ki jo huyi thi Agni pariksha, kya tha uska parinam? Bhej diya usko bhi kaatne vanvas, aadarsh nahi paap purna ban jaungi main, paanch pursho ki ek patni? Ye kaisa hai aatyachar?
Naitik anaitik nahi jaanu main, par prabhu ka yehi he khel, tyaagmayi yagysaini ki kathae anekanek,
Reh reh kar dwarkadeesh bataye, duvidha ye kaisi aan padi,
bati Krishnaa panch bhrato ke beech..
Putriyon ki mataye hongi mujhse bhaybheet, pitao ke aankho sai niklenge ashru lahu mugdh,
apavitra aur ashudh bani ye Draupad ki putri jisnai rakhi Arjun ke saath nav neev.
Prem jo mera khoya hai, hridye jo ye roya hai, apne pita ke anukul kya lun main nirnaya, apni mata ki aasunyo ki aarthi par kaise ban pave ye nayi reet?
Amar hai prem, ekjoot nahi rehena aavashyak, yadi karogi balidaan bada, mil pavega vardaan bada, mang lena, kisi aur baras main us Kumar ko, jiske pichhe kho kar bethi sudh budh sabhi.
Krishn ke sang Krishnaa ko dekh
vo tritya Krishna muskaya, pranaya ka ye laage ab parityag nahi par dharm nai hai chakraya.
Rahogi tum sadev meri, tann na ho yadi saath, par mann sai toh tum bharya meri,
bhatr sneh jo jeet gaya hamare atulya anukriti ke saamne, nahi sochna ye, oh! Draupadi,
Arjun ka toh sukh tumhare hi sameep.
Krishn Paarth ki ye jodi niraali, dono mujhe hai bhaave,
main agnisuta sambhalon Agni ke pran ko,
swaach sansaar ko mujhe hai karke dhiklana,
hum dono ki iss preet kahani ke banno re oooh! Krishn, tum saarthi.
Main Draupadi, pran hu ye leti, sampoorn jeevan ko jo tyag gayi main,
Pandu ke vanshajo ki main sewa abse karungi.
Paruntu prem na mujhe hove ga, ek baar hridye jo main hun de chuki, samman aur aadar hi bane inn samdhandho ke praan abhi,
Keshav nai phir jo liya apne haath main dono ke vo sundar haath,
dharm yuddh hai ye, dharm ki hi vijay hogi,
Oh! Arjun aur oh! Panchali, main dunga tumhe peedaye sabhi, ban jana ab tum bhi sabke liye Prerna ka ek stotr , jaisi the Siya ke aadarsh pati.
आप पढ़ रहे हैं
The Divine Woman
أدب تاريخيWritings about the infamous game of dice of the Mahabharata, the unfortunate sharing of Draupadi and the swayamvara. (Fiction) (HINDI)
