الباب فتح وياسمين كانت قايلاها اسيل بس طلع اسامة....ياسمين م فتحت عيونها وقالت:اسيل تعالي
اسامة كان مفتكر انو دي اسيل بس الشعر شككو وقطع الشك باليقين لمن سمع الصوت وعرف انها ياسمين...وبدون شعور مشا ليها وقعد في السرير...وياسمين بدون م تفتح عيونها ختت راسها في رجلين اسامة وقالت:اسيل ممكن تلعبي لي بشعري؟
بصمت وبهدوووء تام يد اسامة امتدت لشعرها.... ياسمين كانت لابسة اسكيرت للركبة وبلوزة كت.....
كانوا ساكتين قريب عشرة دقايق وبعداك ياسمين قالت:اسيل عايزة اعترف ليك بحاجة
اسامة م فتح خشمو وياسمين واصلت:امممم صراحة كدة انا بحب اسامة م عارفة متين وكيف ولشنو....انا م بقول ليك كدة عشان تربطي لي معاهو لا انا بس قلت ليك كدة عشان انتي صحبتي واختي قبل م تكوني اخت اسامة.....ههههههه مع اني قلت ح اقفل قلبي بس اخوك كسر كل حصوني البنيتها ودخل قلبي....
اسامة كان حاسي بنفسو طااااير في السماء وحولو عصافير وفراشات كان فرحان شدييييييد لدرجة م عارف يعمل شنو....
ياسمين استغربت من سكوت اسيل وفتحت عيونها ويا ريت لو م فتحتها جات في عين اسامة طوااالي وهي كانت م لابسة عدساتها....اول م شافت عيون اسامة نطت زي جاكي شان....وهي بعد نطتها دي اسامة وقف على حيلو....
ياسمين من الخوف والاحراج م انتبهت لملابسها.......
اسامة وهو شوية ويطير من الفرحة:ياسمين انتي بتحبيني؟!
ياسمين بارتباك وتوتر واحراج:لا اقصد اي قصد ما عارفة
اسامة:ياسمين حتى انا بحبك وم عارف كيف دخلتي قلبي بالسرعة.... ياسمين دي اول مرة في حياتي احب لي بنت ولحسن حظي انتي كنتي البت دي
ياسمين رفعت راسها وقالت:قووول والله انك بتحبني
اسامة وهو كاتم ضحكته:والله
ياسمين انتبهت لكلامها ونزلت راسها..اسامة قرب عليها وقال:اللينسيس حلوة عليكي
ياسمين ببرائة:بس دي م لينسيس دي عيوني
اسامة باستغراب:بس عيونك سوداء
ياسمين:ديك هي اللينسيس
اسامة:ياسمين..
ياسمين:هلا
اسامة:بحبك
ياسمين نزلت راسها وانتبهت للبستها وطوالي جري طلعت برا وخلت اسامة وهو بضحك على جنونها.....
ياسمين وصلت جناح اسيل ولقت اسيل قاعدة...
اسيل:كنتي وين انتي؟؟
ياسمين بتوتر:في جناح الضيوف
اسيل:انا كنت هناك لكن م لقيتك
ياسمين بارتباك:شفتي الحمام؟؟!!
اسيل:اي
ياسمين:انا ما كنت في الحمام (😂😂😂 والله يا ياسمين يا حليلك)
اسيل وهي بتهبش راس ياسمين:ياسمين شربتي حاجة انتي اكيد م كنتي هناك
ياسمين:ياخ بطلي لقافة
اسيل:😒😒😒😒😒😒😒😒
ياسمين:ما تعايني لي كدة
اسيل:عموما ارح الغداء
ياسمين:يلا...بس انتظري البس العباية
ياسمين لبست عباية الصلاة ونزلت....
في السفرة كانو قاعدين ايان واسامة....
اسيل:ماما وين؟!
ايان:قالت شبعانة
اسيل:واسيد (يا جماعة اسيد دي بضم الالف للما عرفو يقروها)
ايان:جاي
شوية كدة واسيد جا وقعدو وكانت ياسمين قصاد اسامة...واسامة مد رجلو ولمس رجل ياسمين وياسمين كانت قايلاها كديسة بس الساعة التصرخ ليك صرخة هزت اركان الفلة:اااااااااااااااااااااااااااااااااااااااااااء
كلهم نطو واسيد قال بخلعة:في شنو مالكم؟؟😳😳
ياسمين بخوف:الحين انتو عندكم بسة وربي لمستني كمان
اسيل حضنتها عشان عارفة خوفها من الحيوانات...
اسيد:لكن نحنا م عندنا كديسة
ايان بهمس:اسمها بسة م كديسة🐈
اسيد:دا م وقتك 😒😠
اسامة:خلاص م حصلت حاجة وبعدين انا اسف بس دي كانت رجلي انا
ياسمين هدت شوية وقالت:لا عادي وانا اسفة عشاني خرعتكم
ايان:لا عادي وخرعينا كل يوم كان دايرة عسل على قلبي
الكل ضحك لانو عارفين هظار ايان الا اسامة قال:ايان احسن تبلع لسانك دا 😒
ايان وهو رافع حاجب:مالك بتغيير
اسامة قام عليهو وقال:انا الليلة بقتلك
ايان جرى على السلم وقال:امسكو مني شيريخان دا
ياسمين مسكت يد اسامة بدون شعور وقالت:هههههه خلاص خليهو
أنت تقرأ
عشقي الازلي 2❤️
Teen Fictionاذا اغلق الشتاء ابواب بيتك...... وحاصرتك تلال الجليد من كل مكان....... فانتظر قدوم الربيع وافتح نوافذك للهواء النقي...... وانظر بعيدا فسوف ترى اسراب الطيور وقد عادت تغني...... وسوف ترى الشمس وهي تلقي خيوطها الذهبيه فوق اغصان الشجر....... لتصنع لك عم...
