في المستشفى.......
اسامة كان قاعد تحت وهو ببكي وسامر واقف ودموعو نازلة م عارف يعمل شنو وبتذكر في لحظاتو مع اختو وبتو.....
فوووق في غرفة ياسمين....
سام دخل وهو م شايف حاجة من الدموووع.....
ياسمين اتصدمت م اتوقعتو جا....
سام ودموعو نازلة:دي أسيل التعبانة شوية مش....ياسمين انا سام من متين بنخبي من بعض....انتي اصلا كيف خطر على بالك انك تدسي مني مرض زي دا...م فكرتي فينا...م فكرتي فيني انا..انا كيف ح اعيش بعدك وريني كيف...فهميني ياخ... حرام عليك والله حرام عليك...
ياسمين قامت على حيلها عايزة تجيهو بس راسها لف وكانت ح تقع لو م فهد ثبتها....
محمد:خليك مرزوعة في محلك...
سام جاها ومسكها حضنها شدييييييييييييد وهي زاتها حضنتو وهي بتبكي بصوت شوية عالي.....
بعد مسافة زحت من سام واسيل جاتها ومسحت مكان الكف الادتو لياسمين وقالت:ح تعملي العملية....
فهد رجع مسك يدها تاني...اصلا هو فكاها لمن حضنت سام بس.....
محمد:يا زفتة كان م عشانك عشانا نحنا
رزان: عليك الله يا ياسمين بلييز اعمليها
ياسمين عاينت لاياد وهو قال ليها:ح تعمليها ولا بفلقك بالطوبة
سام:عشاني وعشان ماما وبابا وعشان سامر واسيل ورزان ومحمد وفهد واياد و...سكت مسافة وقال....عشان اسامة..❤️
ياسمين:طيب
اسامة جا داخل وقال:كويس انك اقتنعتي..
سام اشر ليهم عشان يطلعوا...واسيل ورزان باسوها في خدودها وفهد بدون خجل باسها في راسها....
محمد عاين لاسامة وقال:ممكن
اسامة:شنو هو
محمد:ممكن ابوس ياسمين
اسامة نطط عيونو وقال:شنوووووووو
محمد بسرعة:في راسها م تفهمني غلط
ياسمين ضحكت وقالت:تعال اصلا انا مهمة
محمد باسها في راسها واياد جاها وقال:م داير ابوسك انا داير افلقك بالطوبة..
اسامة:يا شيخ بوسة راس تمام لكن بقى فيها فليق اتقي الله
اياد باسها في راسها وقال:ابقي مرة غيري رايك في العملية...
سام اتقدم وحضنها وباسها في راسها وقال:حياتي ديري بالك على نفسك
ياسمين:حاضر...
بعداك كلهم طلعوا وقفلوا الباب وراهم...اسامة عاين ليها وقال:ليه كدة؟
ياسمين نزلت راسها....اسامة جا رفع ليها راسها وحضنها وهو ببكي وبقول:انا اعمل شنو اذا حصلت ليك حاجة...اعيش كيف..انا يا دوب حياتي بدت امبارح لمن انتي سامحتيني....وعايزة تمشي منها طوالي كدة...
ياسمين حضنتو وقالت:انا بحبك يا اسامة...والله بحبك انا م عارفة كنت عايشة كيف قبل م اعرفك طول السنين دي وانت قدامي بس م حبيتك الا متأخر سامحني يا حبيبي
اسامة خاف عليها وزح منها وقال:ياسمين ليه عايزة تعملي شنو انتي ها وريني عايزة تعملي شنو...
ياسمين:ولاشي بس الله اعلم اذا ح اطلع من العملية حيـ.....
اسامة قاطعها:لا ح تطلعي كويسة أن شاء الله ح تطلعي وح تدخلي الجامعة وح نجيب اولاد وبنات ح تبقي ام وح ابقى ابو....
ياسمين:م معروف...بليز يا اسامة انا كان مت اتزوج وعيش حياتك عادي طيب وكان جبت بت سميها ياسمين
اسامة: ياسمين انتي بتقولي في شنو.....
قاطعهم الدكتور وهو بقول ليها تتجهز عشان العملية....
ياسمين باست اسامة وقالت:استودعك الله الذي لا تضيع ودائعه.....
جو الممرضات عشان يجهزوها وبعداك ساقوها لغرفة العمليات....
ياسمين رقدت في السرير وسمت بالله واتشهدت....
ديك كلهم كانوا قاعدين برا على اعصابهم...
أنت تقرأ
عشقي الازلي 2❤️
Teen Fictionاذا اغلق الشتاء ابواب بيتك...... وحاصرتك تلال الجليد من كل مكان....... فانتظر قدوم الربيع وافتح نوافذك للهواء النقي...... وانظر بعيدا فسوف ترى اسراب الطيور وقد عادت تغني...... وسوف ترى الشمس وهي تلقي خيوطها الذهبيه فوق اغصان الشجر....... لتصنع لك عم...
