في مطعم*****
ياسمين واسامة وايان وخالد كانوا قاعدين وساكتين واي واحد بعاين للتاني.....في النهاية ياسمين حست انو اسامة وابوهو دايرين يتكلموا براهم فقالت لايان: ايُوني تعال معاي نفسي في اسكريم
ايان:عشان ايُوني دي بس يلا ارح
ياسمين:اسامة ممكن مفتاح عربيتك
اسامة:شيليهو
ياسمين وايان قامو وخالد قال لاسامة:ظريفة ياسمين دي مش؟
اسامة كان داير يرد ليهو بس اتذكر كلام ياسمين في العربية"اسامة اتذكر انو دا ابوك وانت ولدو الكبير فبلييز م تغلط عليهو وحاول اتوصل معاهو لحل لانو اهلك كلهم قرارهم من قرارك" فقال ببرود:اي
سكتو تاني واسامة صبرو نفذ:ح تتكلم ولا لأ
خالد نزل راسو وقال:اسامة اعترف اني غلطت عليكم وخليتكم وانتو صغار شديد ورميت على كتفك مسؤولية كبيرة بس انا كنت مسحور م عارف من شنو بس.....
اسامة قاطعو:اسمعني هنا حنك مسحور ولابسني جني دا م بنفع معاي عرفت..
خال بقلة حيلة:احلف ليك بالمصحف يا اسامة انا كنت مسحور والله العظيم انت بس اديني فرصة تانية وانا ح اثبت ليك..
اسامة:وكان عملتها تاني؟!
خالد:ممكن تقتلني
اسامة عاين ليهو كدة😒😒
خالد بتوتر:قصدي يعني..امممم...نزل راسو تاني..
اسامة وجعتو انو دا ابوهو..بس م قادر يتكلم معاهو فقرر انو لمرة وحدة بس يتنازل عن كبريائو كان م عشان خالد...عشان اخوانو...
اسامة مسك يد ابوهو وقال:مسامحك يا ابوي
خالد رفع راسو بفرحة وعيونو دمعت وقال:قول والله اصلا انا كنت عارف...كنت عارف قلبك طيب وح تسامحني..
اسامة ابتسم وضرب لياسمين وكلمها وياسمين من شدة الفرحة مسكت ايان وقربت تشيلو..
ايان ضربها في يدها بخفة وقال:ياسمينة براحة يعني برستيجي
ياسمين ضحكت وباستو في خدو...
ايان مسح خدو وقال:هييه انتي اكبر مني بتلاتة سنين بس م تلتين سنة
ياسمين ضحكت وقالت:يلا ارح نرجع ح ترجعو عائلة من جديد
ايان بفرحة:يعني ح ارجع لامي مها اقسم بالله اشتقت ليها
ياسمين:هي كلها خمسة ولا ستة ساعات😒
ايان:ياخ حاجات زي دي كبيرة عليك يلا نمشي ليهم
فجأة جات بت لابسة ضيييييق شديد لمن م قادرة تمشي...
ياسمين:اللهم لا تعولقنا ولا.......
ايان تماها وقال:تخولقنا
ضحكو الاتنين والتلات والاربع والخميس والجمعه والسبت اجازة😂😂😂😂😂😂
احم المهم ياخ رجعو ليهم وبعداك مشو بيتهم وطبعا كلهم فرحو شديد بس اسيد كان شوية متحسس...المهم العائلة كلها عرفت بانو خالد رجع وعمت الفرحة والسعادة العائلة من جديد...(😂💔)
طبعا م كلمتكم اسيل محبوسة لانو عرسها بعد اسبوعين وياسمين كانت معاها في البيت هي ورزان ومزن....
اخر فترة دي اسامة وسامر كان عندهم شغل كتير شدييييد في الشركة فكانوا قاعدين في فندق جمب الشركة.....
وفي يوم.....
اسامة كان قاعد في للفندق براهو وكان في الحمام..قام سمع صوت الباب فتح افتكرو سامر لأنو قال ليهو انا الليلة جاي بدري المهم خلص حمامو ولبس البنطلون بس وطلع ولقا مصيبة صدمة.....
عند ناس ياسمين......
مزن:ضروري تمشي يا ياسمين
ياسمين:يس والله حبيبي اشتقت ليهو
رزان:هوي احترمي نفسك...زايد انو الليلة الحنة
ياسمين:هههههههه لازم اوصل البدلة لسامر..
ياسمين طلعت من الفلة وركبت عربيتها واتحركت على الفندق النازل فيهو اسامة وسامر..
المهم وصلت وطلعت على جناحهم وفتحت الباب وشافت.....
أنت تقرأ
عشقي الازلي 2❤️
Teen Fictionاذا اغلق الشتاء ابواب بيتك...... وحاصرتك تلال الجليد من كل مكان....... فانتظر قدوم الربيع وافتح نوافذك للهواء النقي...... وانظر بعيدا فسوف ترى اسراب الطيور وقد عادت تغني...... وسوف ترى الشمس وهي تلقي خيوطها الذهبيه فوق اغصان الشجر....... لتصنع لك عم...
