عشقي الازلي 2❤️

* 25 *

اسيل كانت بتفتش في ياسمين واي زول سألتو قال م عارفها....اثناء م هي بتفتش فيها لاقاها سامر.....
سامر مسكها من خصرها وقربها ليهو وقال:مرتي السمحة
اسيل وهي بتلعبت بزراير بدلتو:نعم يا راجلي البكاش
سامر ضحك وقال:والله م بكاش
اسيل:اها داير شنو؟؟
سامر:في وحدة بتقول لراجلها داير شنو؟؟
قاطعهم صوت ايان وهو مغمض عيونه و بقول:لالا انا لسة صغير على الافلام المكسيكية دي
سامر فك اسيل وقال:انت اصلا بتعاين لينا ليه😒
ايان:عشان اجي اقول ليك الرجال دايرنك
اسيل:سامر م شفت ياسمين؟!
ايان:شفتها قبيل مع مزن وفهد
اسيل:اسي مزن وفهد برضو ماف
سامر:اضربي في تلفونها
اسيل:تلفونها معاي
ايان:اضربي لفهد
اسيل:هي نسيت
ايان:عشان تعرفي انو اخوك ذكي
سامر:قصدك شنو يعني مرتي غبية؟!😠
ايان:لا ابدا م كدة
اسيل:خلاص تلفون فهد برن....

في المستشفى......
الدكتور:م تخافو بس اغمي عليها عشان الصداع
مزن:والصداع دا من شنو؟!
الدكتور:عشان الحادث الضربة في راسها كانت شديدة
فهد:طيب ممكن نتدخل ليها؟
الدكتور:اي اتفضلو عادي وكان عايزين تسوقوها سوقوها
فهد:شكرا يا دكتور
الدكتور:دا الواجب
قبل م يدخلو ليها فهد تلفونو ضرب......
فهد:الو
اسيل:فهد كيفك؟!
فهد:تمام وانتي
اسيل:بخير....عايزة اسألك ياسمين ومزن معاك؟؟
فهد:اي معاي
اسيل:الحمد لله
فهد:م تخافي جايين في الطريق
اسيل:خلاص تمام
فهد قفل من اسيل ودخل لياسمين وبعد ربع ساعة كدة طلعو على النادي...
الحفلة مرت واي زول رجع بيتهم.....ناس مبسوطة......وناس زعلانة.....وناس حاقدة....وناس وناس.....

بعد اسبوع......
اسيد ضرب لرنا:السلام عليكم
رنا:وعليكم السلام منو معاي؟!
اسيد:انا اسيد
رنا:اسيد كيف حالك؟
اسيد:بخير م دامك بخير
رنا:.......................................
اسيد:رنا انا عارف انك م متقبلاني اذا في حاجة زعلتك كلميني....صحيح اننا م بنعرف بعض وكل عرفتك بي اني ولد خالك......اذا انتي مجبورة كلميني...صحيح اننا مخطوبين بس نهائي م زي المخطوبين.....اسبوع كامل وواحد مننا اتوىصل مع التاني مافي....انا قلت اخليك على راحتك...واظن كدة كفاية...رنا نحنا في بداية مشوارنا قبل م الموضوع اتطور وريني اذا انتي مجبورة...
رنا:.......................................(كانت بتبكي بصمت)
اسيد:رنا انتي معاي؟؟!
رنا بصوت باكي ومخنوق:اي معاك
اسيد بحنان:حبيبي ليه بتبكي
رنا فكتها ليك بكية بصوت عالي واسيد بس كان مستمع ليها ولا قاطعها نهائي اما رنا كانت بتبكي وبتتكلم:انا م عارفة نفسي حبيتو ليه علقت نفسي في سراب وهو في النهاية طلع بحب تومتي واختي بس اقسم بالله من يوم خطب ربا انا تاني م فكرت فيهو نهائيا..افتكرت انو انت انسان صعب وم بتتفاهم وكرهتك شديد في الاول اضافة لي انو اختي حبيبتي بتحبك.....بس اسي..اذا انا كنت بحب زاهر حالتي المعاك اسي دي بتتسمى شنو؟؟؟
اسيد بابتسامة:تسمى عشق
رنا:بجد انا مش بعشقك وبس انا بتنفس هواك
اسيد:وانا بموت في التراب الانتي بتمشي فيهو
رنا بضحكة:انت بتحضر مسلسلات تركية كتيرة
اسيد:انتي يا رنا الرومنسية عندك معدومة كان اعرس ربا احسن لي
رنا:عشان اضبحك 😠🔪
اسيد بضحكة:يا ناس بموت انا في البغير
رنا: هههههههه

في فلة ناس اسيل......
اسيل كانت قاعدة في الصالة وبتتكلم مع سامر....كان في هي بس في البيت امها واسامة في الشغل...ايان طلع مع اصحابو....واسيد كمان طلع...
اسيل: هههههههه سامر خلاص كفاية
سامر:والله العظيم
اسيل:انت بكا.......وقطعت كلامها لمن شافت الزول الواقف قدامها
سامر:الو اسيل انتي معاي؟؟
اسيل:حبي برجع ليك بعدين....وقفلت الخط في وشو..
قامت على حيلها بكل كبرياء وقالت:خير عاوز حاجة؟
:م عرفتيني يا اسيل
اسيل بسخرية:ابدا حضرتك تطلع مين؟!
: اسيل انا ابوك
اسيل ضحكت بسخرية وقالت:بس انا ابوي ميت ليهو اكثر من تمانية سنين
خالد بغضب:اسيل احترميني أنا ابوك
اسيل:بس انا م بعرف ابو غير اسامة ابوي واخوي وسندي
خالد:اسامة الانتي معتبراهو ابوكي دا الولدو منو م ولدت انا
اسيل:م لي دعوة
قاطعهم ايان وهو جاي من برا وبصفر....وقف لمن شاف ابوهو.....
ايان بصدمة:انت منو؟؟😳😳
خالد:انا ابوك يا ولد
ايان:قول اقسم انا ابوي مات ليهو تمانية سنين او اكتر
خالد بغضب:يا ولد
ايان قاطعو وقال:امي ماتت لمن كان عمري تلاتة سنين وابوي لمن كان عمري سبعة سنين تمام انا م بعرف ام غير امي مها ولا بعرف ابو غير اسامة وضح؟!(ورررررري يا ايُون👏)
خالد:اياان
ايان:كلامي خلص معاك يلا اطلع برا لو سمحت
خالد:بتطردني انا يا ايان
:خااااااالد
كلهم اتلفتو لاسيد الواقف مخلوووووووووووع....
خالد:انا الصق لي ورقة في جبهتي واكتب فيها انا ابوكم يعني ولا شنو
اسيد:ابو منو؟!انا ابوي مات..ابوي اسامة وبس
خالد بن جنونو كلهم بكررو نفس الجملة......
خالد:انتو م مربيين ولا شنو؟؟
اسيل:مربيين من قبل م نعرفك
خالد:انا والله جئتكم راجع بعد ما عرفت غلطي
اسيد:جيت بعد شنووو
خالد:انا جيت قبل اسبوع بس عملت حادث بسييط
ايان رمى القنبلة:يا ريتك لو مت زاتو....
(في اكعب من كدة....في اكعب من انو ولدك من لحمك ودمك يتمنى ليك الموت...)
قاطعتهم صرخة اسامة الهزت اركان القصر: ايااااااااااااااااااااااااااااااان
ايان بلع ريقو بخوف وسكت.....(كتمممممممممممت😷)
خالد:الحمد لله ولدي الكبير عاقل
اسامة اتلفت وراهو واشر على نفسو وقال:انت بتتكلم معاي انا؟!
ايان واسيل كتمو ضحكة (عاد حتالة البيت الما بضحكهم شنو😒😂)
خالد:يا اولاد
اسيد:خلصت يلا اطلع برا
خالد بغضب:انتو شنو الليلة شغالين فيني اطلع اطلع.....تطلع روحكم أن شاء الله
اسيل بسخرية:شفت انت براك اسي بتداعي فينا...انت ابقى ابو كويس اول وبعداك نحنا بنبقى اولاد كويسين
خالد:انا لكن عرفت غلطي وجيت عشان اصلحو عشان ارجعكم لحضني تاني..
اسيد:انت بتهظر ولا شنو..انت لمن خليتنا انا كان عمري 14 سنة اسي انا 22 سنة...اسيل خليتها 10 سنين اسي هي 18 سنة...ايان خليتو 7 سنين اسي هو 15 سنة....ودا كلو م بسببك بسبب امي واسامة انت م ربيتنا ربتنا امي تمام....م انت الكنت بتودينا الملاهي لمن نطلبها لا كان اسامة..فهمت يعني انت لا ابونا لا بنعرفك
خالد:يا ولد
ايان:اسيد كلامو صاح مية في المية...لانو ما انت الكنت بتواجه المشاكل في المدرسة م انت البقولو عليهو نحس لانو امو وابوهو خلوهو فهمت...م انت الكانو بقولو عليهو طفل مايقوما..
خالد:بس يا............
اسامة قاطعو:اظن كلامهم واضح
خالد:حتى انتي يا اسامة
اسامة ببرود:اي
خالد:اسامة انا.......
اسامة قاطعو:خالد كلامنا خلص
:اولادي م ليك بيهم دخل
خالد:مها
مها:اي مها في مشكلة
خالد:كيفك؟؟
مها:م تمام واتفضل خليني انا واولادي في حالنا
خالد:طيب تمام اولادك ديل اشبعي فيهم بس انا عايز ولدي
مها:ولدك منو.؟!؟؟
خالد:ايان.....

يتبع......❤️