تنهد كاسبر بعد ما تطمن على إيلان وطلع من غرفته متوجه لـ غرفه إثم وفتح الباب بلا مقدمات لينرسم أمامه إثم اللي كان يغير ملابسه
ندوب،حروق ملت جسده
وخلت كاسبر يوقف للحظات بصدمه وعيونه تقابل عيون إثم اللي كان بلا رده فعل الا ان استوعب وقفل الباب
إثم:اخذ نفس عميق قبل لايلبس ويفتح الباب-تفضل
كاسبر:دخل بهدوء-معليش على ان....
إثم:قاطعه-حصل خير بغيت شي؟
كاسبر:تذكر قربه من إيلان وبلا وعي سأله-عجبك؟
إثم:ايش اللي عجبني؟.
كاسبر:إيلان
إثم:الحين مخليني اهتم له بالأخير تقول لي عجبك؟
كاسبر:قلنا اهتم بس مو بهالقرب يا إثم
إثم:قرب منه رغم تراجع كاسبر للخلف الا ان وقفه الجدار وماعاد يفصل بينهم الا القليل
كاسبر:حس ب انفاس إثم اللي تلامس ملامحه-انت مجنون؟
إثم:كانت عيونه تراقب عيون كاسبر الرماديه وفكه وملامحه الحاده وبشرته اللي بلون الثلج
كاسبر:ابتسم وهو يشوف إثم يتأمله-
إثم:عقد حواجبه-ليش تبتسم؟
كاسبر:كنك كنت معصب من شوي؟
إثم:حس بضعف قدام عيون كاسبر-كنت اشوف رده فعلك بس
كاسبر:واللي عدل وقفته وحط يده على خصر إثم-اعتذر على التطفل لكن من شنو الندب اللي بجسمك
إثم:رفع عيونه لرسمته المعلقه على جدار الغرفه
رسمه منزله القديم
ورجع لورا بذاكرته لحياته ومأساته السابقه.
كاسبر:حس ب انزعاجه-اذا ماتبي تتكلم عا...
إثم:أنا لقيط
كاسبر:وقف بصدمه من كلمه إثم اللي نطقها بلا مشاعر وكأنه شي اعتاده
إثم:عشت بميتم
كنت اتعامل أسوء معامله بسبب اني لقيط
ماكنت احس بالمعاملات السيئه كثر ماكنت أحس بكلامهم وقت يمر من جمبي شخص ويقول لقيط
مسكين،
او حسبي الله ونعم الوكيل
تحس بالخجل من غلطه ماكانت غلطتك
منبوذ وبلا مأوه
ومرت الأيام الا ان تبناني رجُل تقدر تقول كان كبير بالسن
دخلني مدرسه ورغم انه ماقصر بحقي
كنت أحس بالنقص
وقت يحكون عن اهلهم او عن موقف بسيط يوصف في حنان العائله اللي انحرمت منه
ماقدرت انسى يوم كانو يسألوني كم عمرك؟
كنت افكر قبل أجاوبهم هل انا فعلاً ولدت بهذا اليوم او هاليوم وجدوني فيه
ملامح ماعرف تنسب لمن او تشابه من
لكن ايقنت بعد عمر طويل انها كانت تشبه الموت
.
موت على قيد الحياه
تناقض كبير يوصف هالجملة المتناقضه
وقت ينقتل شعور الفرح وشعور الحياة بكاملة من داخلك
تبقى مجرد جسد ممتلئ أحزان.
