خابرت امي تبجي ،، ابويه كللها كولي يامره شبيج كلتله جنت داريد ارجع من الدوام ودعمت واحد وجوي العالم حطو بالسياره واخذته للمستشفى كللها ثواني واني يمج ،، راح ابويه ضلينه اني وتبارك ندك ونلطم ونبجي طبعا اني خايفه حيلل ع امي تقريباً جانت ب12 الضهر من خابرت امي مرجعو امي وابويه غير ساعه ب9 بليل ضلينه متلهفين بس نريدهم يحجون وجانو وياهم عمامي وخوالي وكالو انو الولد توفى ، حيل نقهرت عليه وع امي الي مرتفع السكر مالتها كتلهم وهسه شحتسونن ؟ كالوو انطونه عطوه اهل الولد ع متخلص الفاتحه ،،
،،،،،،،، ___________،،،،،،،،
هلاو اني سيف عمري 29 سنه طبعاً اني متزوج زوجتي ع حب ف باثناء الولاده توفت حيل نقهرت عليها ماعرف شصار بيه فقررت بعد مااتزوج واضل ع بنتي لان هي الذكرى الوحيده الي ضلت الي من امها طبعا اني جبير اخوتي عندي 3 اخوان علي الوسطاني ومرتضى وحسوني الصغير صف اول ابتدائي مواصفاتي اسمر وطويل وملامحي حاده يعني عبالك خليجي وخصوصاً من البس الزي العربي طبعاً بيوم جنت راجع من الدوام ف خابرني ابويه وكلي انو علي متعرض الحادث عقل مضل براسي هاذا اخويه ورحنه للمستشفى والي فهمته انو مرا داعمته ورا تقريبا ساعتين طلعت الدكتور كلنا ركضنا اله كاال البقاء لله اني هنا نهد حيلي على اخويه وسندي تهسترنه كلنه وانطينه لاهل المرا عطوه طبعا جان عمرها يطلع ب45 سنه انقهرت عليها لان هي اصلا جانت فاقده الوعي ،، خلصت الفاتحه وصارت الكعده طبعاً اني كلت الهم ماكو الدم بالدم هي المرا قتلت اخويه انطوني ابنها اكتله عاد عمهم كال صلي ع نبي ابني مو هيج الحجي بعدين هي المرا اصلا معدها ولد بس بنات ابويه كال خلاص ناخذ منكم مرا فصليه وهذا هوا باوعت لأبويه بتعجب ! اتفقو هم وراحو رحت لابويه كتله يابه والفصليه المن جايبها الخاطر محمددد احجي بعصبيه كال الك مثلاً المن ؟ كتله وحق الحق اني الفصليه مالي دخل بيها ولا ادخلها بيتي !! كالل لك شنو تكسر كلمتي ؟؟ ع الاقل جيبها تخدمك وتدير بالها ع بنتك كتله هاذا هوا ،،،
_________________
نور جنت مكابله ماما وكاعده وابجي عليها لانو فاقده ومعلكيلها مغذي فات ابويه شافني كال بابا حبيبتي ادعي احسن من مكاعد تبجين وهسه خلي امج ترتاح يلا حبيبتي صدك اني مكلت لا رحت وفرشت السجاده وضليت ابجي وادعي خلصت الفاتحه وراحو ابويه وعمامي وشيخ عشيرتنا ورجعوو وابويه احس هموم الدنيا عليه كتله هااا يابه بشرر ؟؟ كال تدرينن شطلبو ؟ كتلهه شنوو ؟ واني عيني مليانه دموع كال طلبو عيني مني ! ونزلت دمعته عمامي كلها ضلت تصبر بي وكلوله فترا وترجع اني مفهمت كتله يابه شطلبو ؟؟ كال طلبوج فصليه لابنهممم !!! اني هنا نهاريت من البجي واختي تبارك حاضنتني وتبجي وتصبر بيه وكلتلي ميخالف حبيبه فترا ويرجعوج لعد احسن يكتلون ماما ؟ كتلها لا خلص هذا هوا اضحي بروحي علمود امي كالت اي وانتي سباعيه وهسه امشي للسوك خلي اشتريلج غراض ومكياج واخذج للصالون ودتني واني كارهة روحي اشتريت كلشي مخليت شي بنفسي وحفيت وصبغت شعري لون سلفر ورجعت ابويه شافني صلى ع نبي كتله ههههه يابه غير اني اخبل حاولت الطف الجو لان كلها حزينه حضني وكام يبجي كال باجر يردونج كتله ايي مستعده ضليت اليل كله يم امي وهي تكلي سامحيني حياتج تدمرت بسببي كتلها ابد ماما اسكتي فدوا الج بستها وصعدت نمت كعدت الصبح ساعه ب8:30 طبيت سبحت ولبست فستان طويل اسود وكعب ويا ولفيت الشال بعدم اهتمام وحطيت شوي كحله وحمره خفيفه طلعت اخبل فديتني هههه،، سلمت ع تبارك و ع امي وطلعت ابويه وصلني لبيتهم طبعاً جان بناءه عادي جان اكو واكف رجال جبير بباب البيت ولد شاب منتبهتله ولا باوعت بوجهة ضليت حاضنه ابويه شويه وابويه راح للشاب كله هاي مدللتي دير بالك عليها كله نشالله يابه راح ابويه واني عيني عليه وكلها دموع وضليت واكفه بشارع محسيت غير ايد جرتني بس شنو احس ايدي رادت تنخلع كال فوتي جتني مريه تطلع بكد امي شافتني ابجي جتي حضنتني وصلت ع نبي كالت شهالجمال حبيبه كتلها تسلمين خاله عيونج ورا شوي اجه هاذا الجرني كال لامه يلا يمه شوكت يجي السيد اريد اعقد واروح كلتله اي يمه هسه كلتلي اي حبيبه عرفيني عنج شسمج شكد عمرج كتلها اسمي نور عمري 16 كالت عاشت الاسامي والعمر كله كتلها تسلميلي شوي واجه السيد عقدلنه
،،_______،،،،،
سيف طبعا ابويه كلي اليوم بات هنا لان باجر تجي الفصليه حته تاخذها وتروح لبيتك مكلت لا بتت يمهم واجه صبح كعدت سبحت ولبست الزي العربي ساعه ب9:30 جتي سياره عاليه نزل الرجال الي طلبنه بنته فصليه بس شنو ملاك ونزل من السياره عباره عن كيكه وتتمشى ضلت حاضنه ابوها وتبجي شوي واجه ابوها وصاني عليها كال دير بالك عليها ترا هاي مدللتي كتله انشالله يابه وراح ضلت هي واكفه بالباب وتباوع ع سيارتهم وتبجي لاف ابوها وراح وهي ضلت واكفه وولد المنطقه رايحين جاين يباوعون عليها وهي ولايمها سحبتها كل قوتي وكتلها فوتي شعندج ضليتي برا هي كالت اي ايدي شبيك ؟؟ بس موصوت كارثه كله انوثه شوي واجتها امي شافتها تبجي حضنتها وصلت ع نبي كلتلها شنو هالجمال حبيبه كلتلها تسلمين خاله عيونج كلت لامي يللا يمه ماجه السيد اريد اعقد واروح كلتلي اي يمه هسه امي سئلتها ع اسمها وع عمرها نصدمت بعدهي صغيره بس شكلها ولاكان عمرها 16 حافه وجها وجسمها بارز عقدلنه الشيخ وكتلها يلا يمه اني اروح محتاجه شي كالت لا حبيبي بس اخذ مريتك وروح الله يسعدكم ضحكت ع امي من كل عقلها اني احب هالزعطوطه ؟؟
،،،____،،،،،
للكاتبه،، بنت _ العز
قراءه ممتعه يعمري
يتبع ،،،،
