نور : بعدماا ضربتني الممرضه ابره مهدء نمت وبعد محسسيت بشي ماعرف شكد وكعدت جانت دنيا صبح هستوه طالع النهار كعدت لكيته كاعد ع كرسي مقابيلي ونايم شكد كرهته درت وجهي منه وضلت دموعي تصب واشهك هوا راسا فز كال ها كعدتي مجاوبته كتله اريد اطلع للبيت كال اروح اسئل الدكتور واجيج راح سأل الدكتور ورجع كال يلا كومي كمت بس حسيت دوخه ورجعت كعدت كال ها ؟ كتله دايخه كام واجه راد يشيلني مخليته كتله وخر لا هسه اسوي بروحي شي محجه بس يباوعلي ويريد يعتذر مني احس نضراته مال واحد متندم مهتميتله رحت صعدت هوا اجه وصعد طول الطريق محجينه اي شي رحت ونزلت وعفته كبل رحت سبحت بس كوا اتحرك لان دايخه سبحتت ونمت مكعدت غير ساعه ب5 العصر بدلت ونزلت لكيت عمتي شافتني كالت حمدالله ع سلامه حبيبتي بوستني كتلها الله يسلمج طبعا الريحه مال بيت تلعب النفسسسسس كتلها خاله عفيه ريحه البيت مطيبه شوو كالت والله مادري جتي هاي شيماء الحيه كالت ها حمدالله ع سلامه مجاوبتها كتلها خاله شنو مسوين غدهه جوعانه شو جتي شيماء كالت كعدي حبيبه لتتعبين نفسج انه اصبلج غده اني راسا حطيت رجل ع رجل وكتلها بسرعه بلا زحمه عليج 😂😏 راحت صبتلي وجابته بأثناء مدتخلي الصينيه جان تهمسلي كالت اليوم راح اهجج من البيت واليوم كدام عينج راح اخلي يدخل غرفتي من كالت هيج لزمت الصينيه وركعتها بالكاع وكمت لزمتها من شعرها وسحلتها سحل برردت كلبي عمتي كالت كافي صلي ع نبي عفتها ورحت الم بالكزاز كلت معقوله صدك لا لا اكيد هاي جذابه وتريد تضوجني شحداا حته اله اعوفه اذا صدك يروح يمها لميت الكزاز ورجعت كعدت سوالف اني وعمتي شويه واجه سيف كال سلام عليكم عمتي ردت بس اني مرديت ضل ساكت شوي وصاح شيماء جته تركض وتبجي وكعدت تشتكي اباوع علي صار نار واني ولا يمي كاعده وحاطه رجل ع رجل وداشوف المسرحيه الي داتمثلها ست شيماء كللها كافي اني اطلعلج حقج بس سويلي جاي بلا زحمه عليج اني راسا طفرت وكتله شنو لازم مو بعينك وكمت تطلب من الخدم شمدريك بيهم جوز مو نضيفين اني اسويلك شو هاذا عاط بيه كال نوررررررر كافي زووودتيههاا ترااا وكام ضربني راشدي ضليت اعيط واكمز وابجي وامه تهدي بيه كالت تعاي يمي بغرفتي عوفي من كسر بايده طبعا احلا شي امه طابكه ويايه همزين اكو احد بالبيت يساندني ضليت بغرفتها وابجي سوو عشه كالت تعاي اكلي كتلها لا خاله ابد ماكل بعد منه خلي ينطي لزوجته اني الخدامه واني الفصليه شكلي نسيت نفسي كالت نجبي وكومي كمت لخاطرها بس م اكلت ضلينه كاعدين وناس تباوع ع تلفزيون وناس بالموبايل صارت ب11 جان شيماء البومه تروح لغرفتها شو هاذا راح وراها ضليت كاعده كلت يجوز ديحاسبها صارت ب12 لاسمعت عيطه لا شي يعني اكيد مديكتلها شوي وطلعت سبحت عرفتها حققت كلامها كمت اعيط وابجي واملخ بشعري هوا اجه وحظني كال كافي كافي مدري منين اجتني قوا دفعته حيلل وصعدت ركض لغرفتي وابجي والم بملابسي كال هاي شنو وين كتله اششششش ورفعت اصبعي كتله ولاحرف لا كال مو انتي التعلميني شلون اتصرف ودفعني وطلع شفت ناسي تلفونه ستغليتها فرصه وخابرت ع امي حافضه رقمها كتلها باجر جيبي ابويه وتعالي بعد ماضلل يمه دقيقه كالت ليش وشصاير كتلها مثل مداكلج محجت رجعت شمرت تلفونه وضليت اتكلب شوي وطب للغرفه سويت روحي نايمه اجه حضني حيلل وضل يتنهد ونام ضليت صافنه بوجها لان يمكن هاي اخر مرا اشوفه مدري شلون نمت كعدت الصبح كل غراضي حطيتهن طبعا هوا دائما يداوم ب7 ف نزلت ب8:30 كلت لامي تجيني نزلت لكيته امه شافتني جان تشهك كالت هاي شنو وين كتلها خاله بعد ماضل هوا الخسرني كدام عيني دخللها بعد مالي ضله هنا كالت لا خاله دخيلج والله سيف يتخبل علينه كتلها لا والله ابد بعد ماضل طلع ابو وكال شنو هاي بنيتي وين رايحه كتله كااافييي كله منك انته هجمتني وهجمت بيتي مالك دخل ب9 اله عشرا اجتي امي دكت الباب هي وابوي راح عمي فتح الباب الهم واستقبلهم دخلو واني شفتهم وركضت شمرت روحي بحضن امي واشهك ورا شوي وخرت منها وسلمت عليها و ع ابويه وامي راحت سلمت ع ام سيف ضلو نص ساعه جان يندك الباب طلع عمي دايفتحه وشفت اخر شخص اتوقع اشوفه ،،،،،
قراءه ممتعه يــ؏ــمري والله اعذروني ع هالغيبه لان ممنزله بارت حقكم عليه بس والله امتحانات وهسه باجر امتحاني واني كعدت اكتب بارت لان شفت تشجيعكم الي فمحبيت اخليكم تنتضرون اكثر وهاذا بارت لعيونكم رغم ادري قصير بس اعوضكم ع العطله وهسه اريدكم تدعولي انجح وبسس 💙💙.
للكاتبه،،،،، بنت_العز
يتبع،،،،،
