(بـಿـين آلمــآضــي وآلحآضـಿـر)

البارت الثالث

البارت الثالث

نزلت والخوف ماكلني لكيت الباب مفتوح فتت باب الديوانيه مفتوح واصوات زلم عاليه وخوالي وعمي جاي من بغداد واولاد عمي. بعدني مفايته خطف يمي رجال كان مدنك وبيده سبحه منتبهت عليه لان اني هم مدنكه فتت من باب المطبخ لكيت ماما وخالاتي واختي مخبوصات فتت سلمت
ميار:ماما شنو صاير شنو هزلم وخوالي وحته عمي جاي صاير شي
ام هدى:وعيونه مليانه دموع كعدي هسه افهمج
ميار توني ارد اكعد سمعت صوت بابا يناديني
ابو هدى:بويه لمار تعي لديوان

اني بصدمه شون افوت وزلم موجوده
ابو هدى:بويه محد غريب كنه اهلج وصيحي لامج وياج صحت لماما وفتنه سوه
سلمت سلام جميع وكعدت بصف خالي وبصف بابا ماحس الا صوت رجال جبير تعي بويه تعي ياريحه الغالي كعدي يمي اشوفج
اني بصدمه شنو ديحجي هذا
باعيت الماما دنكت ومحجت بس دموعه تحجي باعيت البابا كان مكابر مينزل الدموع بس حسيت بكسرته
الرجال الي حجه
ابو ازاد: بويه راح احجيلي بختصار وانتي حكمه
اني بنضره خاطفه وكلت اي تفضل عمو احجي
ابو ازاد: بويه هاي القصه قبل سنين من جان عمرج سنتين احنه كنه عايشين كنه سوه لاكن ابوج كان مطلوب من قبل الحكومه مشتبهين بي من الاحزاب. فكانت توصلهم تهديدات ابوج. كسر كلمت جدج وزوج كرديه حبه وزوجه وسافر لبغداد بيه ولدتج بس هشي كان اهل ابوج ميحجون ويا يعني ميكدر يجينه فنكطعت اخباره فجأه وره فتره سمعنه ابوج وامج نقتلو حرق بلبيت واحنه تندمنه شون ما سامحنا وجبنا عدنه وره فتره عرفنه خلف بنيه وبنته بعده عايشه دورنه وسئلنه الجيران فكانو يكولون علاقته كانت كلش قويه بيت ابو هدى سئلو عنهم بلكت تعرفون شي ورحنه دورنه وسئلنه لكيناهم راجعين للبصره ومخلينه مكان بلبصره يعتب علينه ودورنه. لاكن بفضل الله كدرنه نوصل لشخص ودلانه على بيت جدج بعد هسنين لكيناج. وهو بدموع يحجي

اني بصدمه واحس صوتي اختفه والرجفه بيدي اباوع لماما ولبابا ولخوالي ارد احد يحجي لو حرف الكل ساكت الكل عيونهم علي ينتضرون رده فعلي.
اباوع بلوجوه ارد اصدك مداصدك شنو صاير استجمعت قوتي وبصوت واحد هشي كذب كذب مداصدك شنو بتكم شنو اهلي شنو ربيت بيت غربه ارد افهم فهموني فهموني بصياح وبجي

ماما: بدموع بنتي كعدي خفهمج
ميار: شتفهميني ماما شتفهميني. كوليلي هلحجي صدك ماما كولي

ام هدى:اي اي ماما صدك بس مهما كان انتي بنتي اني ربيتج تعبت عليج ولج شون اتخله عنج بهسهوله
ميار: حضنت ماما وبدموع