ميار صار فضول عندي اعرف من بيت ابو فهد وربي فضول قاتل نزلت جوه بكيت الكل كاعد سلمت وكعدت يم جدي
ميار :جدو عندي موضوع وياك اتمنى جاوبني بصراحه
الجد احجي بنيتي اكيد اجاوبك
الكل نضرتهم تعجب وفضول يردون يعرفون شرد احجي
ميار:جدو ممكن اعرف منو بيت ابو فهد
الجد :بصدمه شنو هلحجي ومين تعرفينهم وماريد هلموضوع ينفتح من جديد
الكل نضرتهم تغيرت بين المعصب وبين الضايج مقهور
باوعت لخالتي ام ازاد تعضلي شفه معنها اسكت
ميار بنفس النبره الكلي قوه ومهزني صياح جدي
جدو بس لازم اعرف منو هما وسويت روحي ابجي
ازاد:يابه انتي ماسمعين حجي وعنيده وكل احترام ماعندج موكلج ماريد تفتحين الموضوع يلا انلصمي وصعدي لغرفتج بساع بصياح
ميار:ضليت ابجي من صدك لان صوته وعصبيته خوفتني
الجد:ازاد شنو هصياح دام انا موجود دمعه من بنت الغالي ماتنزل فاهممم
ازاد:دنك وضل يحرك بسبحه صار بويه
الجد تعي بنيتي تعاي صوبي دامج فتحتي جروح قديمه لجن تعي احجيلج منهم هما وقصتهم شنهو
ميار:بفرحه كربت صوب جدو وكعت
الجد هاي قبل سنين قبل لاصيرين انتي عدنه جوارين اكراد مخلوطين عرب واكراد كانو نعمه الجوارين لجن بيوم من الايام ابنهم هجم علينه وسوانه مشكله جبيره ماتحله اكبر عشيره بهشي عاديناهم وعادونه لجن عمج الوسطي ماخله عبره لوجودنه وحب بنت الاكراد جالي وكلي اريد ازوجه وانا ماوفقت يابنيتي عبن احنه بينه ثار عصب وكال اذا ماخطبته اعوف البيت واشرد انا وياه لبغداد كلت طيش شباب ومايسويه لجنه سواه ونهب الحرمه واخذه تزوجو بغداد الناس بدت تعايرنه واهله هجمو علينه وكبرت المشكله اهله سافرو للخارج وبقت اخته الصغيره عبن متعلقه باخته عكب وفات امه وصارت اخته مثل امه خلته يمه انا بهاي اللحضه تبريت منه لان نزل روسنه بين الديره ومرت السنين وصار عدهم ولد وبنت ابوج بهلحضه كبر وحب يدرس بغداد ماقبلت انا وكتله مجانك بين اهلك وكاعك لجن هم عاند وضل يدرس بغداد ويسكن بيت اخو ويمر علينه ابوج حب اخت الكرديه جوالي نفس عمج اخطبه الي ماوفقت وهو لح كتله روح متبري منك انت واخوك ليوم الدين هنا جدي دموعه عشره عشره ويناشغ مثل الطفل والكل يبجون وانا دموعي وياهم
ميار:جدو كافي فدوه اسفه والله مكان قصدي أذكرك
الكل:بويه كافي الماضي راح فدوه ماهو زين الصحتك
الجد لا تركوني اكمل البديته
وبده يكمل بويه بعد من كلت هجي لبوج هو ا ضل يبجي وكال انت ابوي وتاج راسي مستحيل اعوفك وفرحت بهاي جلمته ضل يمنه بس بدت حالته تتعب واكله قليل كلت أخ شسوت بيكم هلكريديه نقهرت عليه وهو بزر الجعده كتله بويه روح محلل ليوم الدين تزوج الي تعجبك ومن صدك كان فرحان لجن كتله انا راضي عنك لجن عرسك ماوصله وحاول يقنعني لجن انا قافل وراح ابوج لبغداد تزوج وكان شغله بلاحزاب يابويه كنه ماكنه ندري شنهو شغله ومرت الأيام سمعنه امج خلفت بنيه فرحنه وكناله تعال للناصريه نشوفكم لاكن رب العالمين مكان قاسمله يشوفنه وصار الحادث الي سمعتي قبل كم يوم بهلحجي عمج وزوجته وجهالهم سافرو للخارج ومن سمعو بهلحادث اجو حضور العزا هنا كلبي لان علابني ردته يجي يبوس راسي ويكلي بويه انا اسفه سامحني وداعت علعكال اسامحه بس اووف سمعنه بنتنه عايشه ودورنه عليج بكل بغداد لين ملينه ونسينه قصتج بس هلشوفين هذا مكان ناسي قصتج ابن عمج ازاد مابطل وهو يدور عليج لين اجالنه خبر انتي عايشه وبلبصره والحمد الله لكيناج والحد هسه عمج وخالتج مايدرون انتي عايشه وهلشوفين ابو فهد هو عمج وان فهد خالتج ام امج يابنيتي
ميار:اني الصدمه بعده بيه ودموعي امسح وحده توكع عشره والكل يبجي ومنقهر
كلت الا ارجع هاي العائله من جده وجديد وافتح حاجز الحقد والكراهيه اعرف جدو يريد عمي وجدتي ميته علشوفتهم بس الله كريم لكل حادث حديث
يتبع😶😎
أنت تقرأ
(بـಿـين آلمــآضــي وآلحآضـಿـر)
Romansaقصه حقيقه من واقع حال القصه تتكلم عن فتاه تتغير حياته بلمحه بصر وتتغير اسرته وطباعه بين الحب والانتقام والماضي والحاضر ذكريات لا تنسى الخيانه والغدر من اقرب الناس لك وحب يائتي بعد زمن النسيان تابعو معنا القصه ونرجو الدعم باليز 😊😍
