(بـಿـين آلمــآضــي وآلحآضـಿـر)

البارت الثالث عشر

ميار الكل كعدو يسولفون ويضحكون كل شخص مسوي مجموعه ودك سوالف اني بتعدت عنهم وفتحت جهازي بديت اراسل اهلي وصديقاتي وحجيت لصديقاتي عن ازاد طبعآ فرحو وبدو نصايح العشاق هههه شفت فهد عيونه علي مبتسم شنو هجرأه هاي ولا كنما احد موجود ابد مامهتم اما ازاد مسوي لا مبالاه ولازم سبحته ويكلم عمامي بأمور العشيره

ازاد:نور نور
نور: ها خويه
ازاد:روحي جهزي ملابسي باجر راح التحق
نور:نشالله خويه
الكل عارض وكله بعده وكت بس هوا مدري شبي ضايج باوعتله كنما اكله لتروح بس ابد ولا خله عينه بعيني عكس فهد الي بكل حركه يباوع كنما يتفنن برسم تفاصيلي شكد نغثيت من وجوده ونزعجت

جدو يلا بويه تصبحون على خير. عجايز لزوم نام من وكت
الجده: اي وانا بعد اروح انام
الكل وانتو بخير اجمعين
عمي ابو ازاد وزوجته وعمي ابو فهد وخالتي هم راح نامو وعمتي ام ليث وعمتي ام ثامر من زمان نامو وعمامي بقو الشباب
استبرق: بنات اليوم خلي نام كلنه بغرفه وحده
نور:اي والله. فد وناسه بناتيه هههه
سما:اي اي حبابات وبعد نحجي عن حياتنه وهيج فضفضات
بتول:يو انا مابيه لحجيكم راسي مصدع ارد انام
سار:جا شعدج ماتنامين. احنه نريد نسهر
استبرق بصوت ناصي ووف هلقيفه ويانه شكد لزكه
نور:هههه سكتي ولج لاسمعج وشيفكنه من لسانه

نور:وانتي ميار مكلتي رئيج وخروني من صفنتي ومنتبهت
نور:بينن دتفكرين عمي هنياله الماخذ عكلج كدام الكل
باوعت لازاد اشوفه ولا هامه الوضع ليش يالله شبي شو الصبح كلشي مابيه ليش هسه هيج صار
ميار: حبيبتي نور وين متكونون اني وياكم ههه
الكل بده يسولف

زيد:لعد اذا البنات تفقو احنه هم نريد نام كنه سوه
الشباب هم تفقو ينامون سوه بس ازاد ماقبل. كال تعبان وارد اريح بغرفتي
نتبهت على زيد وهو يباوع لستبرق بنضره كله شوق
ضربته علجتفه وكتله ها ها نحن هنا الحب يجري من جوانه هههه
استبرق:يا خيه سكتي ليسمعوج هههه فضحتينه بعدين احجيلج
ميار:امم اوك
ميار رحنه للغرفه وبده الكل يسولف عن حياته ويحب منو

استبرق: والله ياجماعه انا احب زيد وهو من نضرته مبين يحبني يمه من اشوفه جني ثلج واذوب نضرته وسوالفه وحركاته يمه فديته ابو بيتي هذا
الكل ههههههه طلعت الاخت مطركعه بلعشك

نور:اووف شحجيلك عن حالي 😍احب ثامر يمه هثامر هذا ماخله عكل بيه دوهبني من طوله وهيبته وشواربه اموت عليهم احلى شي بي ومن يكول اسمي بحلكه احس بس هو حلو يكوله يمه اروحله فدوه ونذر احبه اعسكه بوياي

وهم ضحكنه عسوالفه وصفه لثامر بس صدك لايكين البعض
بتول:جا بقت علي وانا احب هم غيث ويلي هلغيث هذا اعشكو اموت بي ماسولفلكم شسوالي امس يمه يمه لزمني بلمطبخ وكلي ضمي شعرج هذا حكي محد يشوفه لو انا معت من سمعت هيج جا غديت ماي من الخجل
ميار ههههه قصصكم حلوه سما وانتي احجينه واكعه بحب منو ولدكولين ماحب من عيونج مبينات

طبعآ هذا الحجي كله نحجي وساره واخته ماكو ضاجو من كلمت استبرق ونامو بغرفتهم بعد احسن
سما: اني شحجيلكم عن حالي من صغري وانا احب من بعيد شخص هو مايباوع حته بوجهي بس شسوي كلبي عشكه. ومن اشوفه ماحس بكلبي كثر رجفته اتمنه بس لحضه نوكف يم بعض واشتم عطره مثل الحلم كلش بعيد تفسيره

ميار:يا لعد منو هذا سعيد الحض الواكعه بي.
نور:اي عيني احجينه واحنه نجيبه سحل الج ونخليج تشوفينه وتشمين عطره وهديه حته تبوسينه
البنات:اي اي كولي منو صار عدنه فضول
سما:الي احبه ابن عمي ازاد وروحي من الدنيه

ميار:احس راجدي ونصبت علخدي معقوله لا اني بحلم مو حقيقه بنت عمي تحب نفس الشخص الحبيته لا لا ياربي مستحيل باوعت النور الي مثثلي بقت صافنه ورجعت باوعتلي كنما متعرف شتحجي

استبرق:يا تحبين ازاد ولج هو هذا مال حب نطي عصبيه وحجي وتحكم بس
بتول:والله واختي صادكه ازاد ماعتقد يحب بحياته
نور:ها ولكم تحجون على اخوي تره
استبرق هاي شبيج نشاقه هههه
نور:بس ياسما انتي تحبينه من طرف واحد زين لو طلع يحب وحده ويريد يزوجه شحتكون رده فعلج
سما:عادي صح انقهر بس الله يهني لن من يفرح محبوبك تحس الفرح الك مو اله ودام يحبه وراح تسعده فاكيد افرحله
نور:ها مادري والله

ميار:الحب يجينه صدفه وين وليش وشلون محد يدري يجينه واحنه مامجهزين اله ويخرج من حياتنه ويترك جرح بينه واكو من يوفي ويسندنه ويوكف كربنه فياحبيبتي حاربي حاربي لجل حبج اذا تحبي من صدك اني هنا دست علكلبي ونطيته لبت خالي صعب تتخله عن حبك بسهوله بس لمن شوف شخص اخر يحبه اكثر من حبك فراح تتخله. اعتقد الكان بيني وبين ازاد بس اعجاب واذا كان حب فيارب يسر طريقي وابعد عني كل عقبن امين

خلصو حجي وكلمن بفراشه واني هم ارد انام بس النومه طارت من عندي كلت اروح اسويلي شي اكله لن جعت كنت لابسه تراك طويل سمائي نزلت ورحت للمطبخ فاتحه الثلاجه ودادور شي اكله ماحس الا نسحبت وايد حاوطتني وايد الثانيه علحلكي ارد اصرخ معقوله حرامي ياربي سترك بس لا صدك حرامي ربي ساعدني
كانت انفاسه تضرب بركبتي وايده رتخت من جسمي ويحجي بهمس كنما يطمني راح اوخر بس اذا صرختي ياويلج اني هنا سكتت صرت صنم وهزيت براسي اي بده يوخر ايده شوي شوي وضلمه المطبخ دارني علي ارد اشوف وجه عكس عليه ضوج البره من الشباك معقوله لاياربي معقوله فهد

ضل محاوطني وساكت احس الهدوء صار سيد الموقف اباوعله بتعجب انت انت بعدني محاجيه واخذ شفتي بين شفافه انا هنا ماحسيت علروحي الا واني ابجي بهدوء ارد اوخر عنه لازم خصري حيل واذا صيحت راح انفضح والم الناس علي مستحيل بين نارين ضليت. وخر عني وكرب يم ركبتي بهمس هاي كانت فركه اذن صغيرونه الج والخير ليكدام واذا الي صار هسه ينحجي الاحد فمارح ضرين بس نفسج. وهسه ياحلوه باي وبضحكه خفيفه وخبيثه

اني شسويت ياربي معقوله سكتت علغلط ياربي ساعذني اني بين نارين نار حبي ونار حقد فهد ياربي ساعدني وابجي رحت علمغسله غسلت وجهي وصعدت حته ماكلت واني داصعد لاكيت

يتبع