السلام عليكم ورحمة الله وبركاته
هلو شلونكم احب اعرفكم بنفسي حلقة وصل طبعا مو اسمي الحقيقي اني ام ال أربعة اطفال احب كلش الكتابه ومن اني صغيرة اكتب اول مرة كتبت جان عمري ١٢ سنه
مااتذكر اسم القصه بس اذكر جانت قصة حب واني خايفة كلش من امي لتروح تشوفيني وخلصتها بيوم واحد وجنت كل شوي اقراها وبعدين اجانه خالي كال يلا ناخذكم يمنه لان امي دازة عليه يجي ياخذنه علمود اروح لبيتهم واني جنت حايرة وين أضم الدفتر اريد مكان محد يندلةفرحت للمطبخ وخليته بالترمز مال المي لان جانت الدنيا شتاء فمحد يستخدمه وطول ما اجانه بيت خالي اكول ياربي الدفتر القصه عبالك مو قصه عبالك دستور 🤭🤭🤭🤭عقل جهال بعد
وبعد مارجعنا من بيت خالي كبل رحت ع الدفتر مالتي
ومالكيته 🤔😣😣😣😣😣
وكلش انقرهت حتى ما سألت بيت جدي لان استحي
وجانت هاي اول مرة اكتب بيها
ومن زوجت زوجي هو شاعر دائما اشوفه يكتب وهو شجعني وكتبت
حبيت انطي معلومه اني كل القصص الي اكتبهن من وحي خيالي يعني مو واقعيات بس اتمنى اكتب قصة واقعية حقيقية بس اني ماطالعةمن البيت او ماعرف أحد
والي حفزني انشر قصصي هو وجود الواتباد حلو هيج برنامج واحب أيضا نازك البور كلش احبها أفضل قصة عندي
قضبان الجنوب
أنت تقرأ
ذهب نادر
De Todoفي يوم وليلة تتغير حياتك ولا تعرف الي اين يذهب بك القدر ام الزمان هل .......... إلى الأفضل ام ................ إلى اسوء
