خنت منقبتي
الحلقة 10
بقلم ✍ حسن ابراهيم حسن
قاعد مع بتي و هي وزوجتي جمبنا قلت ليها ليه لابسة نقاب و انتي في بيتك قالت لي انت بقيت حرام تشوف وشي ضحكت بعفوية افتكرتها بتهظر وشك شنو يا بت الناس انا شفت فيك اماكن اعمق من وشك قامت جات قريب مني و باصبعها قالت لي هوي شفت يا حسن احترم روحك احسن ليك يخ زولة بريئة لدرجة ما تستاهل اخونها و اكسر قلبها بس الحصل حصل ما عرفت اضحك و لا ابكي قلت ليها طيب قومي جيبي لي موية قالت لي ما ماشة و قوم اشرب براك ختيت نورهان طرف و قمت علي حيلي قلت ليها بحزم امل وقت الجد جد انتي كدة بتخربي البيت و بتهدي كل البنيناه قالت لي البيت انت هديتو لما شفت لغيري لما يدك لمست حرمة غيري لما نفسك سولت ليك تقبل غيري قلت ليها طيب تاني ما بقبل غيرك و اوعدك تبقي زوجاتي الاربعة قامت خشت غرفة النوم و هي بتقول قال الاربعة قال لحقتها كانت بتغير في ملابسها شافتتي طوالي خطفت ملاية السرير و غطت بيها نفسها حاولت اقرب منها قالت لي نحن حكايتنا يظهر انتهت يا حسن ما اظن اقدر اتخطي الموقف دة قلت ليها طيب و مستقبل نورهان طوالي جاتنا خاشة و شايلة سمكة بلاستيك جابها جدها بتلعب بفرح ماشة علي امها و بتضحك قالت لي بعد عاينت ليها نورهان بتربي عادي ما ضروري امها و ابوها يكونو معاها في ردودبتخليك تتهور من شدة غبائها قلت ليها يعني قصدك عايزة تتطلقي؟ قالت لي بالضبط كدة و اسي لو سمحت اطلع خليني اغير ملابسي حتي وشها بقت ما بتخليني اشوفو بعد كنت مسموح لي اتفحص كل الاماكن السياحية فيها و انا هامي بالطلوع قالت لي لو سمحت شيل معاك نورهان و قالت ليها امشي لبابا جات علي قربت ابكي من الوجعة بتشبه امها في كل شي حتي الملامح الحرمان صعب شلتها و طلعت برة بفكر براي سويتها في تفسي و امل راسها قوي و دايما بتسوي الفي راسها بس انا معترف لروحي اني بلاها ما بقدر اعيش و ما قادر اعترف ليها بسبب كبريائي و رجولتي فجاءة قمت و جريت علي الغرفة خشيت بدون ما اطرق الباب لمحت جسدها و انوثتها و في ثواني قلت ليها لكن انا بحبك!!!صرخت ووووواي و فنتني بفرشة شعر ضربت في الباب ووقعت
لنا لقاء
