لحظة عمر بقلم شيماء المشهداني الناشربارق العراقي

الجزء الثالث

#لحظة_عمر
الجزء الثالث ...٣
بقلم شيماء المشهداني
الناشربارق العراقي

ضحى ..
اني وين ااااه
كعدت فتحت عيني شويه شويه لكيت واحد نايم على كرسي يمي شكله غريب عليه مشايفته.. زين شجابني هنا اني صحت مرة لاخ بعد ماحسيت الالام براسي ...
كعد هو على صوتي وراح للطبيب
دكتور .. بدت تصحى ..

الدكتور .. اجا لغرفتها
سلامااات شتحسين

راااسي نطوني شي يهدا راسي بيه يوجعني وثكيل ..

فتحت عيني وبدت الرؤيا تتضح عندي احسن
اني وين ... وانت منو
سرمد .. انتي بالمستشفى
ضحى ..
ليش شكو شصار وشجابني هنا بهاي المستشفى .

سرمد بعد مااستاذنت من دكتور حتى اسالها ..
اختي الله يخليح بس نطيني عنوان اي احد من اهلج واسمج اريد أبلغهم صار اسبوع انتي هنا ومحد سال عنج .. واني نقلتج بهالمستشفى وهي خاص حتى تتحسن حالتج لان هاي المستشفى بيها كادر ممتاز من الأطباء للأعصاب وانتي ضربتج بالرأس ..

ضحى ...
بعد ماضلت صافنه عليه .. بس ماكتلي انت منو ..
سرمد .. وهو خجل وكال بصوت ناصي اني ....
اني الي صدمتج بسيارتي بس مو ذنبي انتي نزلتي من الرصيف واتجهتي على الشارع ... بس كوليلي اسمج عنوانج ..
ضحى ...
اني .. شنو اسمي .. ماادري مدا اتذكر
سرمد .. شنوووو ماتدرين
الدكتور .. لحظه سرمد

الدكتور .. يعني متذكرين اي شي ..
ضحى ... لا ماادري كلشي ماادري بس راسي شبي ليش هالوجع نطوني شي اريد ارتاح ..

سرمد ... شلون دكتور شنسوي خاف عدها زوج و اطفال خطيه واكيد اهلها قلقين عليها اني شسويت بيها .. وكلشي مشايله بجنطتها حتى موبايل ماكو اكو احد هسه مشايل موبايل لو هذا حظي ..
الدكتور .. انتضر خل يجي دكتور رضا ونشوف حالتها ان شاءالله تتحسن المهم صحت وعلى هاي الصدمه توقعتها متفيق بهالسرعه بس ربنا لطف بحالها .. باوعت عليها رجعت نامت وانكسر خاطري عليها ..
طلعت من غرفتها اتمشى بالممر بعد ماورثت جكاره وشفت حال الناس بالمستشفيات حمدت الله وشكرته على. نعمه العافيه ..
منو هسه يخابر ماكو غير سراب ومشاكلها الي ماتخلص ..
اتفضلي ..
سراب .. يعني مراح تجي تاخذني الا اني اجي ..
سرمد ..سراب انتي ارجعي اني هسه بمصيبه وحاير بروحي البنيه طلعت فاقدة الذاكره .
سراب .. المهم كعدت شيهمك بعد واني سيارتي مخلصت من التصليح مااكدر اجي
سرمد .. يعني غير اني السبب شلون شيهمني كوليلي وين اوديها اعوفها بشارع وهي كلشي متذكر .. وشعجب تريدين تجين بهالسرعه
خلي اخوج يجيب السيارة اني مشغول وتعبان ..
سراب .. لعد خوما تجيبها للبيت واحنا مانعرف كلشي عنها ..وتشاركنا حياتنا
سرمد .. اسمعي داكولج اني تعبان كافي تلحين روحي لاتتصلين بعد وانتي ارجعي اني حاير بمصيبتي. .
....
اني جنت اروح للشغل الصبح اشتغل اني واصدقائي شراكه بمكتب صيرفه.. واموري زينه الحمدلله ورايح جاي على البنيه اسال واشوف حالها ..
وارجع للمكتب ..
اجا الدكتور على غرفتها عرفت هذا دكتور رضا ...
نقلوها على الرنين وسوولها فحوصات كامله وبعد يومين نطاني الدكتور نتيجتها أنه البنيه فاقدة الذاكرة ومو سهل أن ترجع ذاكرتها بسرعه وكتبلها علاج وكال تكدرون تطلعون اليوم ..
باوعت عليها تألمت .. وكالتلي .. وين اروح هسه اني معقوله ماكو احد يسال عليه ..
سرمد .. لا اكيد يدورون عليج بس المشكله الوضع تعبان وهواي مفقودين .. المهم نطلع منا اخليج وي امي لحد ما ادور عليهم اني ..
خاف اسبب الك احراج ..