#لحظة_عمر
الجزء الخامس..... ٥
بقلم شيماء المشهداني
الناشربارق العراقي
بعد ماكعدنا كملنا الاكل .. وسويت الجاي اجتي
سراب يمي.. خاله مخليتج تخدمين بالبيت احسن من مانجيب خادمه على الاقل لكمتج بلاش
ميس .. حسيت حجايتها دكت بكلبي بس كتلها بهدوء المهم اكدر اجازيهم مااقصر وياهم لان كلهم يحبوني
وعفتها واجيت كعدت
سرمد .. عاشت ايدج ميس الاكل طيب
الف عافيه
سراب .. حبيبي سرمد اليوم ضايجه اريد اروح لصديقتي
سرمد .. باجر روحي اليوم اجيتي
وشنو فرق باجر عن اليوم
خلي نشوفج مصار ساعات من اجيتي .. وبدت المشاكل بينهم وعلى صوتهم
ام سرمد .. سرمد خليها تروح .. روحي لصديقتج الله وياج
سراب .. مافد يوم طلبت منه شي وقبل بيه لازم ....
قاطعتها الام .. سراب كومي روحي بلا حجي
سرمد .. يوم ميصير هيج
الام .. سرمد خليها تروح ابني
وصعدت لغرفتها بدلت وطلعت وجتي باست سرمد من خده باي حبيبي
باوع عليه سرمد جان واضح عليه أنه ضجت حاولت اكتم مشاعري وبعدها استأذنت وصعدت لغرفتي..
....
حسين ..
اندكت باب بيت ام ضحى .. الام وهي دتطبخ وتنعي وتلولي على بتها سهاد الماتت وعلى ضحى الي طلعت ومارجعت .. اي اجيت منو
اني يمه اني حسين
يومه وليدي ركضت للباب وفتحتها وشهكت بصوت يمه وليدي ونظر عيني وشبكته وكامت تبجي وحسين يبجي صار أكثر من ٥ سنوات مشايفته لابنها ..
ابو ضحى .. اجا يركض ويصيح وليدي حسوني و يببجي والعالم التمت على صوت بجيهم ...
طبوا بالبيت والناس رايحه جايه عليهم جانوا بيت ابو حسين الناس كلها تحبهم وتنقهر عليهم حسين وهو يسلم على الناس ويسمع صوت النسوان وهي تحجي بيناتها مافد يوم طلعت منهم العايزة بيت ابو حسين وخطيه ضحاوي يكولون راحت لو بانفجار لو عصابه خطفتها ورادت فديه العالم ماعدها منين تجيب .. ويسمع غيرهم تكول .. شلون معلمه كل طلابها يسألون عليها وجانت تساعد الطلاب اليتامى والفقراء وهسه الطلاب يبجون عليها و من تمشي مدنكه ماترفع عينها بنيه ذهب .. وضلت العالم اسبوع رايحه رادة تسلم على حسوني ..
وبدا حسين يتفرغ يدور على أخته ..جان جاي كله حماس او واثق أنه راح يلكى شي بس من شاف وضع البلد والخطف والقتل والتهجير تعب وحس أنه يدور على. إبرة بالقش مثل مايكلون .. او وين مايتوجه ابو ضحى يكوله سالت ودورت بهالمكان .. بس ابو ضحى كعد بيوم الصبح وكال لام ضحى .. بنتج راح تبين بهالايام وربج مينسانا ..
....
سهير ..
اليوم اني ماعندي شي شنو رايكم نطلع
سراب .. اي والله ضايجين
بس بالليل نطلع مو هسه لان لازم اسبح واصفف شعري ..
سهير ..
ميس ويانا حضري نفسج
لا والله احس روحي تعبانه
سراب .. لا لا اني مااطلع اذا انتي متجين
سهير بداخلها هاي شبيها شنو هالتغيير .
سرمد اجا وجان منفعل وتعبان .. ودخل سلم وكعد يتأفاف
سراب .. شبيك حبيبي
مااعرف تعبان
اسويلك غدة
سرمد باوع عليها
ضل غدة الساعه خمسه
اسويلك جاي
سرمد ياله بين مااسبح وصعد لغرفته وهي تمشي وراه ..
سهير .. ماما دتشوفين الي دااشوفه
اي يوم اني شاريد غير سعاده ابني
ماما جان عمي انسعد وي ام سراب شو خالات سراب يوميه زعلانات وهنه بيبيات
لا يوم .. تتغير سراب خما تبقى هيج ..
أنت تقرأ
لحظة عمر بقلم شيماء المشهداني الناشربارق العراقي
Romantizmزوجة يخونها زوجها مع امراه اخرى وهي زوجة اخوه تخرج وتتعرض لحادث تفقد ذاكرتها وتمر بضروف صعبه
