بي نقابك دا البتزوجك منو؟ النقاب دا حق المجرمين ،النقاب بكبرك، النقاب دا اسي بتستحمليه كيف؟ موضة الملابس كلها تفوتك؟ بالله اتأنقي وعيشي شبابك هي الدنيا دي بنعيشها مرة واحدة اهلك انصار سنة؟ هم اجبروك ع النقاب؟
وكثير من انتقادات المجتمع بس اهم شيء القناعة كل الانتقادات دي انا اتعرضتا ليها من الناس وصحباتي ف الجامعة من الاهل وكمية من الاسئله البتنطرح لي
(انا نسمه خريجة شريعة وقانون برتدي نقاب اهلي م جبروني عليه لبستو بي قناعتي لبستوو بعد امتحنتا الشهادة دخلتا الجامعة وانا متنقبه وضعنا كويس الحمدلله ابوي اسموو الطيب موظف ف شركة وامي اسمها سعاد نحن خمسه عندي اخ اكبر مني اسمه علي واخ اصغر مني اسموو محمد واختين اصغر مني واحدة ف تانيه جامعه بتدرس محاسبه اسمها مودة والتانيه اسمها هدى ممتحنة تالتة وكلهن م منقابات الا انا كنت منقبه وامي م منقبه)
_قضيت الخدمه وحاليآ شقالة ف مكتب وانا ماشه ع الشقل كنت واقفه للمواصلات ولقيت عربيه كانت مليانه الا المقعد القدام فاضي والسايق كان بسأل فيني عن الانتقدات البتواجهني.
السايق:ردك ليها كان كيف؟ معليش م عرفتك انا ابراهيم خريج هندسة زي م عارفه البلد مافيها شقل الشهادة قاعدة وشقال بالعربيه دي
_ربنا يسهل عليك ويرزقك ويوفقك ان شاءالله ردي لي الانتقدات اول شيء نحن بشر م معصومين من الخطأ اي زول عارف نفسه وربنا عالم بيه اذا كان نيتو سليمه او لا فأنا بعد اشوف واحدة منقبه م اظن فيها ظن السوء اقول هي احتمال واحدة م وكويسه وبتحقق اهدافا وغاياتا بحجة النقاب ف الخفا لأنه م معروف نحن م بنعلم ف الناس الما متنقبه فيهم الصالح وفيهم الما صالح كذلك المتنقبات كلنا بشر وبعدين الايمان واليقين ف القلب م بنحكم انه الزول متدين بالتياب البرتديها لأنه التدين م بالظواهر او المظاهر وربنا عالم بالسرائر ياريت الناس م تفكر بي سوء الظن ف بعضها وبعدين اي زول بنال جزاءو سواء كان شر او خير ههههه لكن دي حال المجمتع م بيرحم اي زول اما بالنسبه لي الزواج كل شيء قسمه ونصيب دا شيء مكتوب م بيدنا نحن مكتوب الزوله دي نصيبها فلان والنقاب م بمنع القسمه والنصيب لما انت تقول قسمه ونصيب مفترض تكون فاهم بيعنو شنو ومقتنع بيهم تمامآ اما بالنسبه لي اعيش شبابي واستمتع بي الموضة وم تفوتني دا شيء برجع لي انا انا شايفه الموضه ف الستر وما من الناس البتغريهم او بتأثرو بي الحوليهم وبروضو من وجهة نظري الواحدة لما تلبس ملابس اهم شيء يكونو ساترات وواسعات م تلبس ساي اتباع لي الموضه والتطور مهما اتجددت الموضه والعالم تطور تكون ملتزمه بي اخلاقها ومبادئها تعرف الصاح من الخطأ اما بي اني بستحمل النقاب كيف؟ انا شايفه راحتي بي النقاب م حصل شكيت منه او اضايقتا بالعكس بكون مبسوطة بيه شديد
وبي النسبه لي قول انه بكبرك دي ضحكتني هو الكبر دا بي النقاب؟ م كنا صغار وكبرنا هل كبرنا النقاب؟ اما بي النسبه لي انه حق المجرمين صاح ف ناس بستقلو النقاب دا لي غايات اجراميه و للسرقه بس م يعني انه اي واحده لابسه نقاب من المجرمين اي زول ونيتوو المتنقبات بشر فيهم السيئات وف الملتزمات وف المسلمين ف الصالح وف الطالح م صاح نحكم ع اي زول او اي متنقبه حكم م صاح اذا م كنا عارفين عن الشخص دا حاجه وبي النسبة لي الناس البتقول النقاب تعقيد انا م بواجه اي تعقيد باكل وبشري عادي بعد اكون ف اي مكان بكون مطمأنه من نظرات الرجال وكلامهم المعسول ربنا يثبتنا ويقوينا ويهدينا.
ابراهيم:والله ماشاءالله ربنا يحفظك وانا سعيد بي الكلام القولتيه وياريت لو كل الناس بتفكر كدا
_جزاك الله خير وقف لي هنا لو سمحتا (نزلتا ومشيت الشقل كالعادة بلقى الخالات قريب مكان لي مكان الشقل بسلم عليهن وبلقى منهن دعوات حلووة ربنا يقويك وربنا يوفقك يابتي وانا بدعي ليهم ربنا يساعدهم ويزرقهم برتاح بي شوفتهم وهم كمان بحبوني ❤)
يتبع......
