بعد وصلتا مكان شغلي لاقيت الخالات قعدتا اتنوستا معاهن باركو لي الخطوبة دخلتا المكتب بديت شقلي بعد م خصلتا اتصلت بي مودة وكانت بتبكي لمن م قادرة تتكلم قالت لي انا ف الجامعة وقفلت خوفتا عليها ياربي الحصل معاها شنو؟ مشيت ليها ف الجامعة اتصلتا ليها عشان تحدد لي المكان القاعدة فيه لقيتا قاعدة ف بينش تحت الشجرة وبتبكي ._مودةالحاصل معاكي شنو؟ .مودة:عمار قال لي انا كان بعرس م بعرس واحدة زيك م محترمة وكلامي معاكي دا كله كان تقضية وقت م اكتر ي نسمه انا م محترمة؟ ._هو قاعد ف الجامعة دي؟ .مودة:اي ._اديني رقمو (سجلتا رقمو واتصلتا ليه قولتا ليه ممكن تجي اسي حددتا ليه المكان قام جي)عمار:سلام عليكم._وعليكم السلام البت دي م محترمة؟عمار:جبتيني من هناك عشان تسأليني السؤال دا._اي جاوبني عليه.عمار:اي م محترمة._م محترمة عشان وثقت فيك؟ م محترمة عشان بنت احلاما عليك؟ م محترمة وقت تطلع تقابلك وقت ترجع البيت م بتهتم لي اهلها الحيعملو فيها شنو او الناس حيقولو عليها شنو بعد يشوفوها معاك؟ .عمار:هههه ي شيخة لو هي محترمة م بتلبس لبس زي دا._مودة سمعتي دا البتقولي انه بقول ليك لبستك حلوة جي اليوم بكل بساطة طلعك م محترمة عشان اللبس الكان بقول عليه حلوو ع فكرة البقول ليك الحاجة دي حلوة وهي اصلآ م صاح دا م مفترض تسمعي كلاموو لأنه واحد تافه ليس الا لأنه لو كان بحبك صاح كان بكون ليك ناصح كان بخاف عليك من ربك ويخاف عليك من الناس العينة دي م بتعرف تحب بس بتعرف تتسلى بي مشاعر غيرها.انت كدا سعيد بعد وثقت فيك وحبتك بكل صدق؟عمار:ع فكرة العينة الزيها بتكون حبت الف واحد._ولا كلمة زيادة تاني امشي من هنا (بعد م فات طلعنا انا ومودة مشينا البيت) قولتا ليها انتي مفترض تكوني مبسوطة لأنك عرفتو حقيقتو قبل فوات الاوان احمدي الله واتزكري انه عسى ان تحبو شيئآ وهو شرآ لكم كله لي خير من هنا ولي قدام صححي اخطأك وم تسمحي لي اي زول يدخل حياتك ويلعب بي مشاعرك لأنه الزول الجاد معروف م بلف وبدور بجي دغري ع بيتكم وبطلبك من اهلك دي تجربة لازم تكوني اتعلمتي منها كويس صاح التجارب بعد ندفع التمن حتى نتعلم بس بتكون لينا عظة وعبرة لي قدام .مودة:لما الكل بشاكلني وبنصحني عشان مصلحتي انا بعاند وبزعل م بصدق ي نسمه الحصل معاي دا 😔💔._الحصل حصل م تخليه يأثر ع مستقبلك ركزي ع قرايتك._الصدمة كانت صعبة عليها واثرت ع نفسيتا بس بي مرور الوقت بقت تعتاد ع الوضع بقت تلبس ملابس واسعة وبتقرا مع مودة محمد لاحظ ليها قال لي امي سبحان الله مودة اتغيرت بقت زولة واعية امي قالت ليها بدعي ليها طوالي ربنا يهديها الحمدلله العرفت الصاح من الغلط.انا بقدر الامكان بحاول اخفف عنها انا مشقولة مع الشغل واخواتي مع القرايه بننتظر يوم الجمعة بفارق صبر عشان نطلع سوا ونرفه بعد نمشي ف الشارع ونحن التلاتة لابسين لبس واسع شوفنا احترام الناس لينا بسمة اي زول كبير لما يشوفنا دعوات ناس ربنا يحفظكم وكلمة ماشاءالله المرافقانا ونسة النسوان بينا وحتي بقو بضربو بينا المثل ف الاحترام واللبس الواسع دا غير اساس الرضا البكون مرافقك والاطمأنان والثقة البتكون فينا لما نطلع حياتنا بقت حلوة بنجي نحكي لي بعض المواقف البتمر بينا وبننصح بعض ومرة نبكي انه حيجي يوم من الايام ونفترق اي واحدة بتكون ف بيتا .جي ابراهيم وابوهو عشان يحددو وقت العرس قعدو ف الديوان ضيفناهم اتونسو مع ابوي وحددو العرس بعد تلاتة اسابيع انا اخدتا اجازة من الشغل للعرس وامي بدت تجهز كل يوم ماشه السوق اخت ابراهيم كانت بتجينا مرة مرة وامو متواصلة معاناجات الايام سريع سريع جابو الشيله قعدنا نخطط لي الحنة قولتا ليهم تكون عائليه ونعزم نسوان الحي البنات وانابعزم صحباتي وجي يوم الحنة اخواتي بمكيجن فيني قولتا ليهم مكياج خفيف م تكترو .مودة:انتي اسكتي بس ي عروسة وخلينا نعمل شغلنا 😂.هدى:الليلة عروستنا حتطلع احلى عروس 😍استعجلي ي مودة النسوان منتظراتننا مودة قالت ليها خلاص خلصتا_لبستا فستان اوف وايت مودة مكيجتني مكياج خفيف حلو شديد وفكت لي شعري طلعتا جميلة جمال فوق الخيال انا زاتي م عرفتا نفسي 😂 مودة وهدى لبسو فساتين وفكو شعرهم عملنا حفلة دلوكة كلها نسوان جي محمد اخوي ماشاءالله دي المنقبه؟ الجمال دا كله كان ورا النقاب 😍ربنا يحفظك مسكني من يدي وطلعنا نبشر ع النسوان اخت ابراهيم جات حضرت حفلة الحنةامي:ماشاءالله ربنا يحفظك ي بتي 😍.اماني:ماشاءالله عسل سبحان من خلق الجمال 😍 .طلعت حفلة دلوكة حلوة خصوصآ نحن نسوان برانا اخدنا حريتنا وانبسطنا 💙.
يتبع.....
