ﺳَﺘﺮ ﺍﻟﻠَّﻪ ﺭُﻭﺣﺂ ﺍﻋﺘﻨَّﻘﺖْ ﺍﻟﺴَﺘﺮُ ﻭﻣَﻀﺖْ ﺑﻌِﻴﺪًﺍ ﻋَﻦ ﺍﻟﺘَﺒﺮﺝْ ..احساس الرضا والسعادة احساس حلوو شديد بتدي راحة بال عميييقة صاح هي الدنيا بنعيشها كم مرة؟ مرة واحدة بس ف حدود ف محبة الله هي بتعيشها مرة واحدة ما فيها اعادة عشان كدا اعمل كل جهدك انك تكون اكتسبتا حسنات كتير وسجدتا واستغفر ودعيت ربنا بالمغفرة والعفو والرحمة الواسعة منه الستر سعادة 💙.كل مكان نمشو ليه نتصور فيه ونرسل الصور لي اخواتي بعد رجعنا السودان كان جواي شوق كبير لي بلدي ولي اهلي وكأني غبتا سنين قضيت فترة ف بيتي الفترة دي كنا انا وابراهيم بنصحى بدري بنصلي بنتلي قرأن وبنشكر ربنا ع نعموو وفضله كنت بدعي لي ابراهيم ربنا يرزقه ويسعدوو وكنت بدعي لي اخواتي بعد مشيت زيارة لي اهلي جونا خبرين حلوات الاول نجحت هدى والتاني مودة جاها عريس بكون صاحب محمد زول كويس محمد شكرو لينا وقال لينا الزول دا اخلاقو كويسه جي اتقدم ليها واتعرفنا ع اهلهم وبعد يومين جو خطبوها امي قالت لي جبتي معاكي الخير 😍اهل العريس حددو يوم العرس قال لي مودة حتواصلي الجامعة من بيتك كان باقي ليها اخر سنة اتفقت معاهو رغم الوجع العاشتو مع كزبة الحب الكانت بانية احلاما ع اساسا ربنا عوضا بي زول بعد صبر زول بيستاهلها جي ف وقت لقى مودة بقت واعيه شديد واتغيرت 360درجة من تجربة الزول الكان بقول عليها م محترمة بعد التغيير الحصل فيها اعتزر ليها وحاول كم مرة معاها عشان تديه فرصة بس هي رفضت وبعد سمع بي الزول الاتقدم ليها م صدق مودة قالت لي البكسرك والبهينك مرة م تتوقع منه خير لي قدام.جات ايام العرس سريع وطلعت مودة حلووة بي زفافها الاسلامي بعد العرس رجعتا بيتي قولتا لي ابراهيم عايزة ارجع شغلي بس هو رفض قال لي الا لمن احوجك لي حاجة قولتا ليه انت عمرك م حوجتني ولا حتحوجني واحترمتا رايه بعد سنتين من زواجنا ربنا م رزقني بي اولاد عمتو كانت كل م تجي تسمعني كلام بس كنت بسكت اصلي م حصل سمعتها كلمة شينة كانت بتقول لي ابراهيم اتزوج ليك واحدة تانيه ابراهيم بقول ليها انا بي دي اكتفيت ولو قعدتا مدة الحياة بدون اولاد رضيان ف الفترة دي اخوي محمد اتزوج ومودة جابت ليها بت وف الفترة دي مرينا بي ظروف صعبة انا وابراهيم دا غير كلام الناس الما بيرحم وكأنه الانجاب دا بي يد زول صبرنا انا وابراهيم وعلاقتنا بي بعض اصلو م اتأثرت بل بالعكس قوية شديد 💙 ويدينا يومي رافعناها بندعي بيها اليقين الكان جوانا م خلانا نتأثر خلانا نصبر ونتحمل دا امتحان من ربنا لازم نصبر عليه دعوات بعض الناس البتحبني كانت طوالي معاي ف يوم ابراهيم جي البيت فرحان قال لي ي نسمه لقيت شغل بي الشهادة بتعاتي ومرتبو كويس شديد فرحني بي الخبر دا شديد قولتا ليه ربك كريم ع عبادو ورزعنا بلح كرامة بعد فترة من شغله وضعنا اتحسن شديد قررنا نمشي نعتمر ودا حلمي وحلم ابراهيم وم مصدقين انه حيتحقق مشينا العمرة ويا الله ع كمية الراحة والسعادة ف الكعبه ربنا يوعد بيه كل من اتمنى يزورها ❤قعدنا ندعي زبنا يرزقنا بالزرية ودعينا لي الاهل ولي كل زول وصانا بي الادعية بعد رجعنا من العمرة بعد مرور سنة انجبتا بت كملت لينا السعادة 😍 سميناها تالين فرحة ابراهيم بيها م كانت بتتوصف ربي م تحرم زول من الاطفال ❤ حلت لينا الدينا ابراهيم طوالي بقول ليها عايزاك تكوني زي امكفتحتا قدام بيتي مكان لي محو الاميه فبديت ادرس النسوان البجوني بديت معاهم من الحروف وف البدو يحفظو ف سور القرأن كمية الدعوات البلقاها منهن كانت اكبر سعادة لي بقولو قدم خير عشان تلقى الخير ولو بي اشياء بسيطة ام ابراهيم كانت واقفه معاي ف اي شيء وبتحبني شديد لأنه مهما يوم اتزهجت فيني او سمعتني كلام كنت م برد ليها ولا بزعل منها اعتبرتها زي امي الحياة فيها تجارب كتيرة بتمر بيك اجمل حاجة انك تصبر ❤
يتبع......
