انا ومودة امي رسلتنا السوق دخلنا السوق مودة كانت بتتعرض لي المشاغلات من الشباب 😅 اما انا سبحان الله اي راجل لما يشوفني م برفع عيونه لي وبقول لي اتفضلي ي اختنا بكل احترام بحس نفسي ملكة والكل يرد لها التحية احترامآ دخلتا مع مودة دكان الملابس عايزة تشتري ليها لبسة مودة قالت لي دا زبوني اول م دخلنا سيد الدكان سلم ع مودة وبسأل فيها وبتونسو وبضحكو انا كنت واقفه بعيد قال ليها دي منو الشيخة المعاكي دي مودة قالت ليه دي اختي قال ليها ماشاءالله قال لي اتفضلي قولتا ليه شكرآ نظراته لي مودة م عجبتني مودة اختارت بنطلون اسود وفستان قصير لونه بيجي قولتا ليها احسن تختاري فستان طويل بدل تشتري فستان وبنطلون ف نفس الوقت قالت لي لا دا عجبني شديد واخدت معاهو شبط عالي سيد المحل قال لي وانتي م عايزة قلتا ليه لالا م عايزة وطلعنا اشترينا باقي الحاجات الطلبتهم امي ونحن طالعين من السوق لاقينا ابراهيم سلم ع مودة وسلم علي وقف اتونس مع مودة وانا بسألني برد عليه بي نشافة قلتا ليه نستأزنك اتأخرنا قال لي انا بوصلكم قلتا ليه شكرآ بنركب اي عربية تانيه قال ليه؟ قولتا ليه كدا بس.مودة:نسمه اركبي تاني م حنلقى مواصلات(مودة ركبت وانا اطريت ركبتا معاها) طبعآ مشكور ي ابراهيم ع الحصل قبل كدا وعندنا عرس اخوي معزوم.ابراهيم:العفو يا اختي لو اي زول ف مكاني بعمل كدا وان شاءالله حأجي العرس.مودة:(بتتكلم معي بصوت منخفض) مالك انتي م كنتي عايزة تركبي؟_هو بقى بعرفنا م عايزاهو ف اي محل يلقاني يقول يوصلني وم ياخد قروش م عايزاهو يحتك بي بعدين ماف داعي لي دا كله.مودة:بتعقدي الامور كدا مالك باين عليه زول محترم شديد مافيها حاجة لو وصلك او سألك من اخبارك._انتي بالنسبة ليكي عادي بس انا لا.مودة:صراحة كدا عجبني زول خلوق ووجيه 😍 بس قال لي ي اختي 😒._استغفر الله العظيم ي مودة عيب كدا.هو يعاين بي المرايه ويتبسم شكلوو سمع كلامنا كله 😂 بعد وصلنا قريب لي البيت نزلنا مودة ادتوو القروش هو رفض ياخدهم._لو سمحتا دا حقك لو بتعمل كدا نحن م حنركب معاك تاني ليه م حتاخدهم؟ابراهيم:بس عشان معرفتي بيكم._بس عشان عرفتنا كم يوم؟ انا م بقبل كدا اخد قروشك وم توقفنا ف الشارع (اخد قروشه وفات )مودة:اقسم حرام عليك ليه بتتعاملي معاهو كدا عمل ليكي شنو بس عشان ساعدك يوم من الايام_م بنكر مساعدتو لي واتشكرتو يعني لو ساعدني كل م اشوفو اتونس معاهو ؟الزي ديل عايزين فرصة ومستحيل يلقاها مني.مودة:التعامل معاك صعب الله يعين البتزوجك 😒.دخلنا البيت وكان جايط بي الاهل ارتحتا شوية وقمتا ع الشقل لي العصر كدا مشيت بيت خالتي ساعدتهم شوية ولقيت العروسة بمكيوجو فيها عشان حفلة الحنة حقتا قلتا ليهم م تعملو ليها حفلة اي زول يجي يعاين ليها خالتي قالت لي هو يوم واحد عايزة افرح بي بتي ساعتين بس والحفلة بتنتهي قولتا لي العروس ربنا يحفظك ويتم ليكي ع خير مشيت البيت اخواتي كلهن فاتو لي العروس وانا قعدتا اساعد امي بعد المغرب مودة جات البيت ورتنا صور العروس طلعت ماشاءالله 😍 جي محمد اخوي قال لي امي ف ضيوف برة اول مرة اشوفهم م من اهلنا امي قالت ليه جونا من وين قال ليها م بعرف المهم هو شاب ومعاهو امه امي قالت ليه قول ليهم اتفضلو احتمال بنعرفهم محمد رحب بيهم دخلو بيتنا انا ومودة دخلنا الغرفة مودة كانت بتعاين بالشباك قالت الا تعرف ديل منو؟ .مودة:😍 نسمه دا ابراهيم شكله معاهو اموو بس جو لشنو ؟_بكونو جو لي العزومة 😒.مودة:عزومة شنو لو العزومة بجو بكرة شكله الموضوع غير كدا م يكون ابراهيم جاي يتقدم لي 😍 والله اوافق عليه طوالي 😅._بعد م سلمو ع الاهل وامي ضيفتهم واتعرفت عليهم ام ابراهيم قالت ليها انا سلوى جايين عشان نتقدم لي بتك لولدي .امي:بتي منو؟سوى:بتك نسمه المنقبه.امي:(اتفاجأت ناس عايزين بتي بدون م يشوفوها سبحان الله )قالت ليها كدي اتكلم معاها والفيها خير ربناا يتمها_امي فاتت لي ابوي قالت لي الناس ديل جو لي بتك اتونس معاهم واستفسر منهم وانا بدخل لي البت اشوف رايها شنو ابوي جي سلم عليهم وقعد يسأل فيهم وامي دخلت لينا ف الغرفة مودة قالت ليها بي ابتسامة عريضه اها ي امس فرحينا 😂.امي:وانتي مالك مبسوطة كدا ؟الناس ديل جو يتقدمو لي ...(قبل م تتم كلاما مودة قاطعتا)مودة:يا الله 😍 حب من اول نظرة وونسة طلع زول جادي ياريت لو كل الشباب كدا لو م يعجبو ليهم بي واحدة بيجوها ف بيتهم انا موافقة ي امي 😊.امي:😨 ي بت قولي بسم الله وخليني نتم كلامي م عايزنك انتي عايزين نسمه._انا 😨.مودة:نسمه 😨 ي امي كدي ركزي بكون ف حاجة غلط كدي امشي اسأليهم تاني هو م شافا يقول عايزة.امي:ي بت م بسأل وانا متأكدة من كلامي م ضروري يشوفا عشان يتزوجا اها رايك شنو ي نسمه باين عليهم ناس كويسين ._خليني نفكر .امي:اموو جايه تشوفك._خليها تدخل بس هو م يشوفني 😒.امي:هو م قال عايز يشوفك لو انتي وافقتي وقال عايز يشوفك مافيها حاجه وانتي عارفه ف حاجة اسمها الرؤية الشرعية._كدي خلي امو تجي بعدين نفكر ف الحاصل(امي فاتت لي امو قالت ليها تعالي شوفيها انا كنت لابسة عبايتي وطلعتا النقاب لبستا طرحة كبيرة ودبستها امو دخلت سلمت علينا لقتني انا ومودة قاعدين مودة قالت ليهادي نسمه وانا اختها )سلوى:ماشاءالله تبارك الرحمن سبحان الذي خلق الجمال فأبدع فيه 😍 ربنا يحفظك ي بتي ._اللهم اميين يااارب ويحفظك ي خالتي (مودة طلعت سلمت على ابراهيم وفاتت تكمل الحفلة)سلوى:لما ولدي جي كلمني بيكي قال لي ي امي لقيت لي عروسة وهي منقبه قلتا ليه وانت م شوفتها اسي لو بعدين م عجبتك قال لي ي امي الاخلاق والاحترام الشوفتهم فيها ديل بالنسبة لي كفايه من اني اشوفا وم بتهمني المظاهر المهم دواخلها الكلها احترام واخلاق واتكلم فيك كلام اكتر من كدا اتشوقتا اشوفك وماشاءالله كلامه كله بقى حقيقه ._(عيوني ف الارض وبسمع ف كلاما وبتبسم)اتونست معاي ارتحتا ليها وحسيت بي الطيبة الجواها بعد م حكت لي عن وضعهم وعن ولدها قالت لي فكري كويس واخدي زمنك الكفاي ونحن منتظرين ردك وف النهاية كل شيء قسمة ونصيب.
يتبع......
