ياااها بتنا كبرت ي ابراهيم وبقت تدرس ف محو الامية كملت المشوار البديتوو ابراهيم:بتشبهك تمامآ ف النقاب وف الاخلاق وف الطيبة والحنية ونفس الطباع تواضعها ابتاسمتا الفي عيونا لم تسلم ع زول سؤالها عن جيرانا لم تلاقيهم ف الشارع وتفقدها لي احوالهم لما تلقى زول ف مشكلة تساعدوو مهما حصل معاها بسمتا م بتختفي من وشها سبحان الله شبهك تمامآ 😍_يا ابراهيم حتقعد براك لمتين م عايز تتزوج؟ابراهيم:منو القال ليك انا براي معاي انتي وتالين تاني عايز شنو._لكن انا رحلتا بعيد ي ابراهيم.ابراهيم:ف قلبي قاعدة اصلك م رحلتي من بالي ولا يوم زكرياتك مرافقاني ف كل ثانية انا بعيشا.تالين:يا ابوي انت شارد وين ارح معاي ندرس النسوان منتظرات(كان قاعد ف الكرسي المتحرك) ابراهيم:يا بت انا بتكلم مع امك اسي.تالين:يا ابوي امي شنو الله يرحمها.ابراهيم:ي بت اسي كنت بتكلم معاها وهي ماسكة يدي دي.تالين:ف قلبها من يوم الحادث ابوي عايش ف صدمة انه امي بتتكلم معاهو وانا الحادث دا م بنساهو مع انه كان عمري 10سنة كنا انا وابوي وامي راكبين ف العربية ماشين لي خالتي هدى وحصل الحادث امي وابوي غطوني بي اجسامهم عشان م تجيني حاجة وفعلآ م جاتني حاجة وامي ضحت بي روحها عشان م تجيني حاجة 💔 وابوي رجلو اتكسرت وحصلت ليه جروح بسيطة من وقتها الكون بقى اسود ف وشي امي الما اتهنيت بيها علمتني اي شيء مع انه كان عمري 10سنين وكأنه كانت حاسة انها حتفارق الدنيا يوم دائمآ بتوصيني ع نفسي وع ابوي وزرعت فيني اخلاق وقيم وكانت طوالي بتونسني بي قصص الانبياء الصبر الاتحملو سيدنا ايوب عليه السلام ولا بجي لي صبرنا البنقول عليه صبر وعن قيم وصفات مكتوبة ف كتاب عظيم💙.حبوباتي الاتنين وعمتي وخالاتي اعتنو بي وم خلوني احتاج لي حاجة حسسوني بالحنان بس برضو م زي حنان الام بدرس ف اولى جامعة تربية دراسات اسلامية ف الاجازة سافرنا انا وابوي البلد هناك بعلم اي زول م متعلم وشوية كدا ابوي يطلع من جو الصدمة بوديهوو الزرع بقعد بتونس معاهوو مرات يسكت ويقول لي انتي كان عرستي البونسني منو؟ بقول ليه ي ابوي انا م دايرة اعرس نهائي بقعد بضحك علي بقول لي انتي مجنونة بقول ليه الداير يعرسني يخليك تسكن معاي والا م عايزة اتزوج 😂._يلااا ي ابوي تمشي لي صاحبك سيد الدكان وانا ماشه اعلم النسون.مشى لي صاحبو زول طيب شديد بقعدو بتونسو وانا دخلتا لي النسوان سلام عليكم ردو لي التحية اهلآ حبابك ي بتي واحدة قالت لي ي بتي انا حفظتا حرف الباء بعد انساهو بتزكر بي انه زي الحلة وتحتها حجر 😂 قولتا ليه اي اربطي الاشياء بي بعضها عشان يسهل عليك الحفظ واحدة قالت لي وانا حرف الحاء بتزكر بيه راجل كدا ف حلتنا عندو كرش 😂 بعد م ضحكنا بديت اقريهم ف السور الصغيرة بعد م خلصنا قعدتا احكي ليهم ف قصص الانبياء جي راجل قال سلام عليكم ي استاذة رديت ليه السلام قال ي فاطمة البقر مالك م حلبتيهن قمت قالت ليه خفتا الحصة تفوتني 😂 قال ليها هوي ي مراا تعليمك دا بفيدك ف شنو بعد عمرك دا؟ قولتا ليه التعلم م بالعمر عشان تعرف تقرا من المصحف قال لي كان كدا انا اسف ومن يوم اليله بحلب البقر انا وبعد تتعلمي ي فاطمة بدور اسمع صوتك وانتي بتقري ف القرأن ❤وانتي ي استاذة مرتبك بتاخدي من منو؟ قولتا ليه منهن هن قال لي بس المرا دي م قاعدة تشيل قروش قولتا ليه مرتبي اكبر واحلي من القروش وهو دعواتهن لي وسعادتي بعد اشوف الواحدة اتعلمت وقدرت تقرا اتبسم وقال لي جزاك الله خير ي استاذة وربنا يسعدك كل المواقف دي بحكي بيها لي ابوي هو بزيدني دعوات ❤ بعد فترة ف نسوان حفظو سريع ماشاءالله وكنت بشجع الباقيين وبطول معاهم بالي ف الشارع لاقني راجل عجوز شايل عصايتو قال لي بت ابراهيم سلمتا عليه قال ي بتي البلد لو فيها كتار زيك كدا م بتجينا عوجة قولتا ليه دعواتك بس ي جدي قال لي ارح وصليني لي ابوك اسلم عليه وديتو لي ابوي قال ليه ي ابراهيم انت عندك جوهرة ربنا يحفظها ليك فاطمة الكنتي بتعلميها بدت تتعلم ف الانجليزي ماشه تطلع فوق 😂 اول كلمة اتعلمتها ثانكو لالا ي جدي اسمها ثانكيو 😂 المهم قالتا لي راجلها وهي جي حكى لينا بيها قال كرهتو البيت كل م تتعلم حاجة تجي تنضم بيها 😂 قال ليها الله يرضى عليك عشان م اطلقك م تنضمي فيني بي كلاماتك الغريبة دي خليني مع بقري ديل 😂 من اليوم داك م قالت ليها كلمة غريبة 😂._اي ي جدي جات قالتا لي بعد تمتمة 😂._بعد الجامعة فتحت سافرنا وودعنا البلد بس يوم السفر النسوان كلهن بكن علي سبحان الله الزول بعد يمشي محل ويترك وراهو اثر جميل اثر خير الناس م حتنساهو ليه ودعواتهم طوالي بتكون معاهو بعد سنة اتقدم لي واحد واديتو شرط اني اكمل الجامعة وابوي يسكن معاي لأنه بريدو شديد وم عندي غيرو ف الدنيا دي قبل بي شروطي وابوي سكن معاي وكلمتا دراسة بعد بقيت ف سنة تالتة ربنا رزقني بي بت وسميتا ع امي وابوي كان بريدها شديد 😍.برضو واجهتا نفس لانتقادات الاتعرضت ليها امي ف النقاب وهي كانت قدوة لي م اتأثرتا بي كلام الناس نهائي لأنه ثقتي وقناعتي كانت اقوى من اني اتأثر بي كلام زول الدنيا دي م دائمة وانما تدوم الاعمال وربنا يصلح اعمالنا م تخلي الدنيا تلهيك وتشقلك من اهم حاجة وهي عبادتك الحتكون نصرك ع الشيطان وسعادتك ف الاخرة م تخلي مالها او اي شيء يغرك لأنه ككل شيء بزول الا اعمالك السمحة بسمتك م تبخل بيها ع زول لأنها صدقة علمك برضو م تبخل بيه الامتحانات البتمر بيكف الدنيا مهما كانت صعبة اصبر عليها ودعواتك م تقطعها فأنه قريب جيب دعوة الداعي اذا دعاهووو اطلب العفو والرحمة والغفران طوالي لأنه عفو غفور رحيم ❤
#النهاية #Nasma
شكرآ حبيباتي ع المتابعة وبشكر كل واحدة كتبت لي دعوة من جزء اعجبت بيه واسي م تبخلو بي تعلقاتكم لأنه رايكم بهمني ف الرواية دي وان شاءالله تكونو استفدتو منها كونو بخير 😘❤
