#الثلاثيني_الملتحي
بقلم عذاري آل شمر
ﺍﻋﺸﻘﻬﺎ ﺑﺤﻨﺎﻥ ﺍﺏ ﻭﺍﺷﺘﻴﺎﻕ ﺣﺒﻴﺐ ﻭﻟﻬﻔﻪ ﻋﺎﺷﻖ ﻣﺎﺫﺍ ﻟﻮ ﺍﺩﻣﻨﺘﻬﺎ.🔞🔞🔞🔞🔞
القصه جريئه للتنبيه حبايب
#اعلان
ﺍﺻﺒﺤﺖ ﻛﻤﺎ ﻳﺮﻳﺪ
ﺑﻘﻠﻢ ﻋﺬﺍﺭﻱ ﺍﻝ ﺷﻤﺮ
ﺍﺑﺎﻭﻉ ﻋﻠﻲ ﻣﻨﻄﻴﻨﻲ ﺿﻬﺮﻩ ﻭﺩﺍ ﻳﻠﺒﺲ ﺳﺎﻋﺘﻪ ﺍﻟﻔﻀﻴﻪ ﻭﺭﺵ ﻋﻄﺮﻩ ﺍﻻﻋﺸﻘﻪ ﺩﺍﺭﻟﻲ ﻭﺟﻬﻪ ﺻﻔﻨﺖ ﺍﺗﻤﻨﻴﺖ ﺍﺣﻀﻨﻪ ﻭﺍﺗﻨﻔﺲ ﻋﻄﺮﻩ ﺍﺗﻤﻨﻴﺖ ﺍﻛﻮﻟﻪ ﻻ ﺗﺮﻭﺡ ﺍﺭﻳﺪﻙ ﻣﺎﺍﻛﺪﺭ ﻉ ﺑﻌﺪﻙ
ﻫﺎ ﺷﺒﻴﺞ ﺻﺎﻓﻨﻪ ﺷﻨﻮ ﻣﻀﻴﻌﻪ ﺷﻲ ﺑﻮﺟﻬﻲ ﻟﻮ ﻣﻌﺎﺟﺒﺞ ﻟﺒﺴﻲ
ﺍﻣﻤﻤﻢ ﻻ ﺑﺎﻟﻌﻜﺲ ﻟﺒﺴﻚ ﻛﻮﻟﺶ ﺣﻠﻮ ﻭﺍﻟﺴﺘﺮﻩ ﺍﻟﺰﻳﺘﻮﻧﻴﻪ ﺿﺎﻳﻔﺘﻠﻚ ﺟﻤﺎﻟﻴﻪ ﻭﻟﺤﻴﺘﻚ ﻭﺷﻴﺒﺎﺗﻬﺎ ﺍﻟﻤﺘﻨﺎﺛﺮﺓﺿﺎﻳﻔﺘﻠﻚ ﻭﻗﺎﺭ ﻭﻫﻴﺒﻪ
ﺍﺗﻐﺰﻟﻲ ﺍﺗﻐﺰﻟﻲ ﻫﻬﻬﻬﻬﻪ
ﺍﺗﻤﻨﻴﺖ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ ﻫﺎﻱ ﺷﺒﻴﻪ ﻧﺴﻴﺖ ﻧﻔﺴﻲ
ﻏﻤﻀﺖ ﻋﻴﻮﻧﻲ ﻭﺩﻧﻜﺖ ﻭﻣﺎ ﺣﺠﻴﺖ ﺷﻲ ﻣﻦ ﺍﻟﺨﺠﻞ ﻻﺯﻡ ﺍﺟﻔﺺ ﺷﻜﺪ ﺛﻮﻟﻪ ﺍﻧﻲ ( ﺭﻏﻢ ﻋﻤﺮﻩ٣٦ ﺑﺲ ﻃﻮﻟﻪ ﻭﻋﺮﺽ ﺍﻛﺘﺎﻓﻪ ﻭﻟﺤﻴﺘﻪ ﻭﺷﻴﺒﺎﺗﻪ ﺍﻟﻤﺘﻨﺎﺛﺮﺓ ﻣﺴﻮﻳﺎﺗﻠﻪ ﻫﻴﺒﻪ ﻭﺷﺨﺼﻴﺘﻪ ﺍﻟﻘﻮﻳﻪ ﺗﺜﻴﺮ ﻛﻠﺐ ﺍﻱ ﺑﻨﻴﻪ ﺗﺸﻮﻓﻪ ﻭﺗﻌﻴﺶ ﻭﻳﺎﻩ )
ﺭﻓﻌﺖ ﺭﺍﺳﻲ ﻳﺒﺎﻭﻉ ﻋﻠﻴﻪ ﻭﺩﺍ ﻳﺘﻘﺮﺑﻠﻲ ﺷﻮﻱ ﺷﻮﻱ ﺍﺟﺎ ﻋﻠﻴﻪ ﺭﻓﻌﺖ ﺭﺍﺳﻲ ﻋﺒﺎﻟﻚ ﻃﻔﻠﻪ ﻭﺍﻛﻔﻪ ﻳﻤﻪ
ﺍﻧﻔﺎﺳﻪ ﺗﻬﻒ ﺑﻮﺟﻬﻲ ﻭﻋﻄﺮﻩ ﺧﻨﻜﻨﻲ ﺧﻠﻪ ﺍﻳﺪﻩ ﺍﻟﻴﻤﻨﻰ ﻉ ﺷﻌﺮﻱ ﻭﺑﺪﺍ ﻳﻤﺴﺪ ﺑﻲ ﻭﺍﻳﺪﻩ ﺍﻟﺜﺎﻧﻴﻪ ﻳﻤﺴﺢ ﺑﺨﺪﻱ
ﻟﺘﺨﺠﻠﻴﻦ ﻣﻨﻲ ﺑﻨﻮﺗﻲ ﻫﺎﻱ ﺍﻟﻌﻴﻮﻥ ﺍﻟﺤﻠﻮﺓ ﻭﻫﻮﺓ ﻳﺘﻠﻤﺲ ﺭﻣﻮﺷﻲ ﻣﺎ ﻻﺯﻡ ﺗﻐﻤﺾ ﻭﻫﺎﻟﺮﺍﺱ ﻭﻫﻮﺓ ﻳﺄﺷﺮ ﻉ ﺭﺍﺳﻲ ﻋﻤﺮﻩ ﻣﺎ ﻳﻨﺰﻝ ﻳﺒﻘﻰ ﻣﺮﻓﻮﻉ ﻣﺎﺩﺍﻣﻨﻲ ﺍﺷﺘﻢ ﺍﻟﻬﻮﻯ ﺑﻨﻮﺗﻲ
ﻛﻮﺓ ﺍﺣﺠﻲ ﺧﺪﺭﺕ ﻣﻦ ﻟﻤﺴﺎﺗﻪ ﺭﺍﺳﻲ ﻣﺮﻓﻮﻉ ﺑﻮﺟﻮﺩﻙ ﺍﺍﻛﻴﺪ
ﺍﺑﺘﻌﺪ ﺍﻧﻤﺎﺭ ﻣﻦ ﺭﻧﺪ ﻭﻫﻮﺓ ﻳﻠﺒﺲ ﺑﺤﺬﺍﺋﻪ
ﻳﻠﻪ ﺑﻨﻮﺗﻲ ﺍﻧﻲ ﺍﺭﻭﺡ ﻣﺤﺘﺎﺟﻪ ﺷﻲ
ﺍﺭﻳﺪﻙ ﺳﺎﻟﻢ
ﻳﺤﻔﻈﺞ ﻋﻠﻲ ﺑﻨﻮﺗﻲ ﺍﻱ ﺷﻲ ﺗﺤﺘﺎﺟﻲ ﺑﺲ ﺍﺗﺼﻠﻲ ﺑﻴﻪ
ﺍﻭﻙ
ﺍﻧﻤﺎﺭ
ﻫﺎ
ﺍﺭﻳﺪ ﺍﺣﺠﻲ ﻭﻳﺎﻙ ﺑﻤﻮﺿﻮﻉ
ﻛﻮﻟﻲ ﺑﻨﻮﺗﻲ
ﺷﻮﻑ ﺍﺣﻨﺎ ﺻﺎﺭﻟﻨﺎ ﺷﻜﺪ ﻣﺘﺰﻭﺟﻴﻦ ﻭﺍﻋﺮﻑ ﺯﻭﺍﺟﻨﺎ ﻫﻮﺓ ﺷﻨﻮ ﺑﺲ ﻻﺯﻡ
#بارت١
ﺍﻟﺒﺎﺭﺕ ﺍﻻﻭﻝ
ﺍﺻﺒﺤﺖ ﻛﻤﺎ ﻳﺮﻳﺪ
ﺑﻘﻠﻢ ﻋﺬﺍﺭﻱ ﺍﻝ ﺷﻤﺮ
ﺗﺼﻮﻳﺖ ﺗﺼﻮﻳﺖ
ﻣﻼﺣﻈﻪ ﺭﻧﺪ ﻃﻔﻮﻟﻴﻪ ﻛﻮﻟﺶ ﺍﻋﺮﻑ ﺗﻨﺘﻘﺪﻭﻥ ﺗﺼﺮﻓﺎﺗﻬﺎ ﻭﺣﺘﻌﺮﻓﻮﻥ ﻫﺬﺍ ﺍﻟﺸﻲ ﻣﻦ ﺧﻼﻝ ﺍﻟﺒﺎﺭﺗﺎﺕ ﺍﻟﺠﺎﻳﻪ
ﻣﺮﺣﺒﺎ
ﺍﺳﻤﻲ ﺭﻧﺪ ﻋﻤﺮﻱ ٢١ ﻣﻮﺍﺻﻔﺎﺕ ﺷﻜﻠﻲ ﻃﺒﻴﻌﻲ ﺟﻤﻴﻠﻪ ﺑﻌﻴﻮﻥ ﻭﺍﺳﻌﻪ ﻋﺴﻠﻲ ﻭﺷﻌﺮ ﻃﻮﻳﻞ ﻭﻟﻮﻥ ﺑﺸﺮﺗﻲ ﺣﻨﻄﻲ ﺿﺎﻳﻔﻠﻲ ﺟﺎﺫﺑﻴﻪ
ﺷﺨﺼﻴﺘﻲ ﺣﺘﻌﺮﻓﻮﻫﺎ ﻣﻦ ﺧﻼﻝ ﺍﻟﺒﺎﺭﺗﺎﺕ ﻭﺍﻻﺣﺪﺍﺙ ﺍﻝ ﺗﺼﻴﺮ
ﺣﺒﺪﻱ ﻗﺼﺘﻲ ﻣﻦ ﺗﻌﺎﺭﻑ ﺑﺎﺑﺎ ﻭﻣﺎﻣﺎ ﻭﺯﻭﺍﺟﻬﻢ
ﺑﺎﺑﺎ ﻭﻻﺩﺗﻪ ﺍﻟﻨﺎﺻﺮﻳﻪ ﺍﻧﻮﻟﺪ ﻭﺍﺗﺮﺑﻪ ﻭﺷﺐ ﺑﻴﻬﺎ
ﺍﻣﻪ ( ﺑﻴﺒﻲ ) ﺑﻐﺪﺍﺩﻳﻪ ﻭﺍﺑﻮﻩ ﻣﻦ ﺍﻟﻨﺎﺻﺮﻳﻪ
ﺑﺎﺑﺎ ﺧﺮﻳﺞ ﺳﺎﺩﺱ ﻋﻠﻤﻲ ﻭﻣﺎ ﺩﺍﻭﻡ ﺟﺎﻣﻌﻪ
ﺑﺎﺑﺎ ﻣﺎﻋﻨﺪﻩ ﻻ ﺍﺥ ﻭﻻ ﺍﺧﺖ ﻣﻦ ﺍﻣﻪ ﺟﺎﻧﺖ ﺣﺎﻣﻞ ﺑﻲ ﺍﺑﻮﻩ ﺍﺗﻮﻓﻰ ﻏﺮﻕ ﺑﺤﻴﺮﺓ ﺍﻟﺜﺮﺛﺎﺭ
ﺑﻌﺪ ﻣﺎ ﺍﺑﻮﻩ ﻣﺎﺕ ﺑﻴﺒﻲ ﻭﻟﺪﺕ ﺑﺎﺑﺎ ﻭﺑﻘﺖ ﺗﺮﺑﻲ ﻭﺗﺸﺘﻐﻞ ﻓﻼﺣﻪ ﺑﺎﻟﻨﻬﺎﺭ ﻭﺗﺨﻴﻂ ﺑﻠﻴﻞ ﻭﺭﺑﺘﻪ ﻭﻛﺒﺮﺗﻪ
ﺟﺪﻭ ﺍﺑﻮ ﺑﺎﺑﺎ ﺟﺎﻥ ﻋﻨﺪﻩ ﺍﺭﺍﺿﻲ ﺯﺭﺍﻋﻴﻪ ﺑﺲ ﻣﻦ ﻣﺎﺕ ﺧﻮﺍﻧﻪ ﺍﺧﺬﻭﻫﻦ ﻭﻣﺎﺍﻧﻄﻮﺍ ﺍﻝ ﺍﺑﻦ ﺍﺧﻮﻫﻢ ( ﺑﺎﺑﺎ ) ﺷﻲ
ﻟﻬﺬﺍ ﺑﻴﺒﻲ ﺍﺷﺘﻐﻠﺖ ﻓﻼﺣﻪ ﺑﺎﻟﻨﻬﺎﺭ ﻭﺑﻠﻴﻞ ﺗﺨﻴﻂ ﻭﺭﺑﺖ ﺑﺎﺑﺎ ﻭﺩﺧﻠﺘﻪ ﻣﺪﺭﺳﻪ ﻟﺤﺪ ﻣﺎﺍﺗﺨﺮﺝ ﻣﻦ ﺍﻟﺴﺎﺩﺱ ﺟﺎﻧﺖ ﻣﺎﺗﺨﻠﻲ ﻳﺴﻮﻱ ﺍﻱ ﺷﻲ ﺗﻜﻠﻪ ﺑﺲ ﺍﻗﺮﺃ ﻣﺎﺍﺭﻳﺪ ﻣﻨﻚ ﺷﻲ
ﻭﻣﻦ ﺑﺎﺑﺎ ﺍﺗﺨﺮﺝ ﻣﻦ ﺍﻟﺴﺎﺩﺱ ﺑﺎﻋﻮﺍ ﺑﻴﺘﻬﻢ ﻭﻏﺮﺍﺿﻬﻢ ﺳﺎﻓﺮﻭﺍ ﺑﻴﺒﻲ ﻭﺑﺎﺑﺎ ﻟﺒﻐﺪﺍﺩ ﻳﻢ ﺍﻫﻞ ﺑﻴﺒﻲ ﻻﻥ ﻣﻦ ﻣﺎﺕ ﺟﺪﻭ ﻣﺎ ﺧﻠﻮﻫﺎ ﺗﺮﻭﺡ ﻳﻢ ﺍﻫﻠﻬﺎ ﺗﻌﻴﺶ ﻛﻠﻮﻟﻬﺎ ﺧﺎﻑ ﺗﺘﺰﻭﺟﻴﻦ
ﺳﺎﻓﺮﻭﺍ ﻟﺒﻐﺪﺍﺩ ﻭﺑﻘﻮﺍ ﺍﺳﺒﻮﻉ ﻛﺎﻋﺪﻳﻦ ﻳﻢ ﺍﻫﻞ ﺑﻴﺒﻲ ﻟﺤﺪ ﻣﺎ ﺍﺷﺘﺮﻭﺍ ﺑﻴﺖ ﺻﻐﻴﺮ ﻭﺍﺛﺜﻮﺍ ﺑﺄﺛﺎﺙ ﺑﺴﻴﻂ ﺟﺪﺍ ﻻﻥ ﺟﺎﻧﺖ ﻓﻠﻮﺳﻬﻢ ﻗﻠﻴﻠﻪ ﻓﻠﻮﺱ ﺍﻟﺒﻴﺖ ﻭﺑﻴﺒﻲ ﻣﺠﻤﻌﻪ ﻓﻠﻮﺱ ﻭﺟﻤﻌﻮﻫﻦ ﻭﺍﺷﺘﺮﻭﺍ ﺑﻴﻬﻦ
ﺑﻌﺪ ﻣﺎ ﺳﻜﻨﻮﺍ ﺑﺎﻟﺒﻴﺖ ﻭﺍﺳﺘﻘﺮﻭﺍ ﺑﺎﺑﺎ ﺍﺗﻌﺮﻑ ﻉ ﻧﺎﺱ ﻭﺧﻠﻮﺍ ﻳﺼﻴﺮ ﻭﻳﺎﻫﻢ ﺑﺎﻟﺤﺰﺏ
ﺑﻌﺪ ﺳﻨﺘﻴﻦ ﺑﻴﺒﻲ ﻣﺎﺗﺖ
ﺑﻌﺪ ﺍﺷﻬﺮ ﻣﻦ ﻭﻓﺎﻩ ﺑﻴﺒﻲ ﺑﺎﺑﺎ ﺷﺎﻑ ﻣﺎﻣﺎ ﻣﻦ ﺟﺎﻧﺖ ﺗﺮﻭﺡ ﻟﻠﺠﺎﻣﻌﻪ ﻭﺍﻧﻌﺠﺐ ﺑﻴﻬﺎ ﻭﺑﺠﻤﺎﻟﻬﺎ ﻭﺑﻘﻰ ﻳﺮﺍﻗﺒﻬﺎ ﻭﻭﺭﺓ ﻓﺘﺮﺓ ﺍﺗﻌﺮﻑ ﻋﻠﻴﻬﺎ ﻭﺣﺒﻬﺎ ﻭﺣﺒﺘﻪ
ﺑﺎﺑﺎ ﺍﺗﺰﻭﺝ ﻣﺎﻣﺎ ﻉ ﺣﺐ ﺑﻌﺪ ﺣﺐ ﺩﺍﻡ ٣ ﺳﻨﻮﺍﺕ
ﻭﻣﺎﻣﺎ ﻛﺮﺩﻳﻪ ﻣﻦ ﺍﺭﺑﻴﻞ ﺟﺎﻧﺖ ﻃﺎﻟﺒﻪ ﺟﺎﻣﻌﻴﻪ ﺗﺪﺍﻭﻡ ﺏ ﺑﻐﺪﺍﺩ ﺗﺪﺭﺱ ﻗﺎﻧﻮﻥ
ﺟﺎﻧﺖ ﻣﺄﺟﺮﺓ ﺷﻘﻪ ﻫﻴﻪ ﻭ٣ ﻃﺎﻟﺒﺎﺕ ﻭﻋﻤﻪ ﻣﺎﻣﺎ ﻋﻤﺮﻫﺎ ٤٠ ﺳﻨﻪ ﻣﺎ ﻣﺘﺰﻭﺟﻪ ﻛﺎﻋﺪﻩ ﻭﻳﺎﻫﻦ
ﻻﻥ ﺟﺪﻭ ﺍﺑﻮ ﻣﺎﻣﺎ ﺭﻓﺾ ﺗﻜﻌﺪ ﺑﺎﻻﻗﺴﺎﻡ ﺍﻟﺪﺍﺧﻠﻴﻪ
ﺑﻌﺪ ﻣﺎ ﻣﺎﻣﺎ ﺍﺗﺨﺮﺟﺖ ﺑﺎﺑﺎ ﺧﻄﺒﻬﺎ ﻋﺪﺓ ﻣﺮﺍﺕ ﻟﻜﻦ ﺑﻜﻞ ﻣﺮﺓ ﻧﻔﺲ ﺍﻟﺠﻮﺍﺏ ﻧﻔﺴﻪ ﻣﺎ ﻳﻨﻄﻮﻥ ﺑﻨﺘﻬﻢ ﻟﻠﻌﺮﺑﻲ
ﺍﺗﻔﻘﺖ ﻣﺎﻣﺎ ﻭﻳﻪ ﺑﺎﺑﺎ ﺗﺸﺮﺩ ﻣﻦ ﺍﻫﻠﻬﺎ ﻭﺗﺠﻲ ﻟﺒﻐﺪﺍﺩ ﻭﻳﺘﺰﻭﺟﻮﻥ
ﺷﺮﺩﺕ ﻣﻦ ﺍﻫﻠﻬﺎ ﻭﺍﺗﺰﻭﺟﺖ ﺑﺎﺑﺎ ﻻﻥ ﺟﺎﻧﺖ ﻛﻮﻟﺶ ﺗﺤﺐ ﺑﺎﺑﺎ ﻭﻣﺎﺗﻜﺪﺭ ﺗﺘﺮﻛﻪ ﻭﺗﺘﺰﻭﺝ ﺭﺟﻞ ﺛﺎﻧﻲ
ﺍﺗﺰﻭﺟﺘﻪ ﻭﺑﺎﺑﺎ ﺳﻮﺍﻟﻬﺎ ﻋﺮﺱ ﻭﺣﻔﻠﻪ ﻭﻟﺒﺴﺖ ﺑﺪﻟﻪ
ﻭﺑﺎﺑﺎ ﺟﺎﻥ ﻣﺪﻟﻠﻬﺎ ﻛﻮﻟﺶ ﻳﺤﺒﻬﺎ ﻭﻣﺎ ﻳﺮﻓﻀﻠﻬﺎ ﻃﻠﺐ ( ﻃﺒﻌﺎ ﻣﺎﻣﺎ ﺟﺎﻧﺖ ﺗﺴﻮﻟﻔﻠﻲ ﻋﻦ ﺑﺎﺑﺎ ﻭﺣﺒﻪ ﺍﻟﻬﺎ
ﺍﻫﻞ ﻣﺎﻣﺎ ﻣﺎﻛﺪﺭﻭﺍ ﻳﺴﻮﻭﻥ ﺷﻲ ﻟﺒﺎﺑﺎ ﻟﻮ ﻟﻤﺎﻣﺎ ﻻﻥ ﺑﺎﺑﺎ ﻫﺪﺩﻫﻢ ( ﺍﺫﺍ ﻳﺴﻮﻭﻥ ﺷﻲ ﺭﺍﺡ ﻳﺸﺘﻜﻲ ﻋﻠﻴﻬﻢ ﺍﻧﻮ ﻳﺴﺒﻮﻥ ﺻﺪﺍﻡ )
ﺑﺼﻔﺘﻪ ﺭﻓﻴﻖ ﺣﺰﺑﻲ ﻭﻳﻜﺪﺭ ﻛﻮﻟﺸﻲ ﻳﺴﻮﻱ ﻻﻧﻪ ﺑﺰﻣﻦ ﺍﻟﻨﻈﺎﻡ ﺍﻟﺴﺎﺑﻖ ﺍﻟﺤﺰﺑﻲ ﻛﻠﻤﺘﻪ ﻣﺴﻤﻮﻋﻪ ﻭﺍﻟﻜﻞ ﺗﺨﺎﻑ
ﻭﻣﺎﻣﺎ ﺍﺗﻌﻴﻨﺖ ﻭﺻﺎﺭ ﻋﺪﻫﺎ ﻣﻜﺘﺐ ﺧﺎﺹ ﺑﺼﻔﺘﻬﺎ ﻣﺤﺎﻣﻴﻪ ﻭﺑﻌﺪ ﺳﻨﺘﻴﻦ ﻭﻟﺪﺕ ﺍﺧﻮﺍﻧﻲ ﺍﻟﺘﻮﻡ ( ﻋﻠﻲ ﻭﻛﺮﺍﺭ ﻭﺣﻴﺪﺭ ) ﺧﻼﻝ ﻫﺎﻟﻔﺘﺮﺓ ﻣﺎﻣﺎ ﺗﺮﻛﺖ ﻣﻜﺘﺐ ﺍﻟﻤﺤﺎﻣﺎﻩ ﻭﺍﻧﺸﻐﻠﺖ ﺑﺘﺮﺑﻴﻪ ﺧﻮﺍﻧﻲ ﻭﺑﻌﺪ ٥ ﺳﻨﻮﺍﺕ ﺻﺮﺕ ﺍﻧﻲ ﻭﺑﻌﺪ ﺳﻨﺘﻴﻦ ﻣﻦ ﻭﻻﺩﺗﻲ
ﺭﺟﻌﺖ ﻣﺎﻣﺎ ﻟﺪﻭﺍﻣﻬﺎ ( ﺣﺴﺐ ﻣﺎ ﻣﺎﻣﺎ ﺟﺎﻧﺖ ﺗﺴﻮﻟﻔﻠﻲ )
ﺑﺎﺑﺎ ﻗﺘﻠﻮﺍ ﺑﻌﺪ ﺍﻟﺴﻘﻮﻁ ﻣﺜﻠﻪ ﻣﺜﻞ ﺍﻱ ﺣﺰﺑﻲ ﺍﻧﻘﺘﻞ
ﻣﺎﻣﺎ ﻣﺎ ﺣﺴﺴﺘﻨﺎ ﺑﻤﻮﺕ ﺑﺎﺑﺎ ﺟﺎﻧﺖ ﻫﻴﻪ ﺍﻻﻡ ﻭﺍﻻﺏ ﺑﻨﻔﺲ ﺍﻟﻮﻗﺖ ﻣﺎ ﺣﺴﺴﺘﻨﺎ ﺑﺄﻱ ﻧﻘﺺ ﺟﺎﻧﺖ ﻣﻮﻓﺮﺗﻠﻨﺎ ﻛﻞ ﻣﺘﻄﻠﺒﺎﺗﻨﺎ
ﻭﻣﺎﻣﺎ ﻣﺤﺎﻣﻴﻪ ﻭﻫﻴﻪ ﺍﻟﻲ ﻋﻴﺸﺘﻨﺎ ﻭﻛﺒﺮﺗﻨﺎ
ﻋﺎﻳﺸﻴﻦ ﻛﺄﻱ ﻋﺎﺋﻠﻪ ﻃﺒﻴﻌﻴﻪ ﻭﻃﺒﻌﺎ ﺍﻧﻲ ﺍﻟﻤﺪﻟﻠﻪ ﻻﻥ ﺍﺟﻴﺖ ﻉ ٣ ﻭﻟﺪ ﻭﻓﻮﻛﺎﻫﺎ ﺑﺰﺭ ﺍﻟﻜﻌﺪﻩ ﻣﺜﻞ ﻣﻴﻜﻮﻟﻮﻥ
ﻣﻦ ﺍﻟﺜﺎﻟﺚ ﻣﺘﻮﺳﻂ ﻃﻠﻌﺖ ﻣﻌﺪﻝ ٩٠ ﻭﻗﺪﻣﺖ ﻉ ﺗﻤﺮﻳﺾ ﻭﺩﺭﺳﺖ ٥ ﺳﻨﻮﺍﺕ ﻭﺣﺎﻟﻴﺎ ﺍﺗﺨﺮﺟﺖ ﻭﺍﻧﺘﻈﺮ ﺍﻟﺘﻌﻴﻴﻦ
ﺣﺎﻟﻴﺎ ﺍﺣﻨﺎ ﺑﺸﻬﺮ ﺭﻣﻀﺎﻥ ﻭﺑﻌﺪ ٣ ﺍﻳﺎﻡ ﻟﻠﻌﻴﺪ
( ﺍﺗﻜﻠﻢ ﻉ ﺳﻨﻪ ٢٠١٦ )
ﺭﻧﺪﺩﺩﺩﺩ ﻭﻳﻨﺞ
ﺗﺤﺠﻲ ﺑﺰﻋﻞ ﻫﺎ ﻣﺎﻣﺎ
ﺷﺒﻴﺞ ﻟﻴﺶ ﻫﻴﺞ ﺑﺴﺮﻋﻪ ﺗﺰﻋﻠﻴﻦ ﺑﺴﺮﻋﻪ
ﻣﺎﻣﺎ ﺩﺷﻮﻓﻴﻬﻢ ﺷﻠﻮﻥ ﻳﺘﺤﻜﻤﻮﻥ ﺑﻴﻪ ﻭﺍﺣﺪ ﻳﻜﻮﻝ ﺍﻟﺒﺴﻲ ﺣﺠﺎﺏ ﻭﺍﻟﺜﺎﻧﻲ ﻳﻜﻠﻲ ﻋﻮﻓﻲ ﺍﻟﻤﻜﻴﺎﺝ ﻫﻮﺓ ﺷﻨﻮ ﻭﺍﻋﻮﻓﻪ ﻫﻴﻪ ﻳﺎﺩﻭﺏ ﺍﺧﻠﻲ ﻣﺎﺳﻜﺎﺭﺍ ﻭﻛﺮﻳﻢ ﺍﺳﺎﺱ ﻭﺣﻤﺮﺓ ﻭﺭﺩﻳﻪ ﺑﻨﺎﺗﻴﻪ
ﻭﺍﻻﺳﺘﺎﺫ ﺍﻟﺜﺎﻟﺚ ﻳﻜﻠﻲ ﺍﻟﺒﺴﻲ ﻗﻤﻴﺺ ﺭﺩﺍﻥ ﻭﻃﻮﻳﻞ ﻭﻳﻪ ﺍﻟﺒﻨﻄﺮﻭﻥ
ﻭﺍﻧﺘﻲ ﺷﺒﻴﺞ ﻫﻴﺞ ﺍﻧﺴﺮﺩﺗﻲ ﻭﺍﺫﺍ ﻳﻌﻨﻲ ﻧﺼﺤﻮﺝ ﻏﻴﺮ ﺧﻮﺍﻧﺞ ﻳﺤﺒﻮﻧﺞ ﻭﻳﺨﺎﻓﻮﻥ ﻋﻠﻴﺞ
ﻣﺎﻣﺎ ﺑﻌﺪﻧﻲ ﺻﻐﻴﺮﺓ ﺍﺷﺎﻳﻔﻪ ﻣﻦ ﺣﻴﺎﺗﻲ ﺍﺭﻳﺪ ﺍﺗﻤﺘﻊ ﺑﺸﺒﺎﻧﻲ
ﺣﺒﻴﺒﺘﻲ ﺍﻧﺘﻲ ﺍﻟﺒﻨﻴﻪ ﻭﺍﻟﺒﻨﻴﻪ ﻣﺜﻞ ﺍﻟﺸﺎﻝ ﺍﻻﺑﻴﺾ ﺍﺫﺍ ﺻﺎﺭ ﻋﻠﻲ ﺷﻮﻱ ﻭﺻﺦ ﺍﻭ ﻏﺒﺎﺭ ﺑﻌﺪ ﻣﺤﺪ ﻳﻠﺒﺴﻪ
ﻭﺍﻟﺒﻨﻴﻪ ﻧﻔﺲ ﺍﻟﺸﻲ ﻳﺎﻋﻴﻮﻥ ﺍﻣﺞ
ﻣﺎﻣﺎ ﺍﺫﺍ ﻗﺼﺪﺝ ﻧﻀﺮﺍﺕ ﺍﻟﻨﺎﺱ ﻭﻛﻼﻣﻬﻢ ﺍﻧﻲ ﻣﻴﻬﻤﻮﻧﻲ ﺍﺫﺍ ﻗﺼﺪﺝ ﻋﻠﻴﻪ ﺗﻌﺮﻓﻴﻨﻲ ﺍﻧﻲ ﺷﻨﻮ ﻭﺍﻧﺘﻲ ﺍﻟﻲ ﺭﺑﻴﺘﻴﻨﻲ
ﺍﻋﺮﻓﺞ ﻳﺎﺭﻭﺡ ﺍﻣﺞ ﺑﺲ ﺍﻟﺤﺬﺭ ﻭﺍﺟﺐ
ﻳﻠﻪ ﺭﻧﺎﻭﻱ ﻛﻮﻣﻲ ﺑﺪﻟﻲ ﺣﺘﻰ ﻧﺮﻭﺡ ﻟﻠﻜﺮﺍﺩﺓ ﻧﺸﺘﺮﻱ ﻣﻼﺑﺲ ﻟﻠﻌﻴﺪ ﻭﻧﺘﻮﻧﺲ ﺷﻮﻳﻪ
( ﺗﺤﺠﻲ ﺑﻔﺮﺣﻪ ) ﻳﻲ ﻣﺎﻣﺎ ﺗﺪﻟﻠﻴﻦ ﻏﺎﻟﻴﻪ ﻭﺍﻟﻄﻠﺐ ﺭﺧﻴﺺ ( ﻭﻫﻴﻪ ﺗﺒﻮﺱ ﺍﻣﻬﺎ )
ﺻﻌﺪﺕ ﻏﺮﻓﺘﻲ ﻟﺒﺴﺖ ﺑﺪﻱ ﺍﺑﻴﺾ ﺭﺩﺍﻥ ﺭﺑﻊ ﺭﺩﺍﻥ ﻭﺑﻨﻄﺮﻭﻥ ﻧﻴﻠﻲ ﻭﺳﺘﺮﺓ ﻣﺸﻤﺸﻴﻪ ﻃﻮﻳﻠﻪ ﺗﻐﻄﻲ ﺍﻻﺭﺩﺍﻑ ( ﺍﺣﺘﺮﺍﻣﺎ ﻟﺸﻬﺮ ﺭﻣﻀﺎﻥ ﻟﺒﺴﺖ ﺳﺘﺮﺓ ﻃﻮﻳﻠﻪ ) ﻭﺭﻓﻌﺖ ﺷﻌﺮﻱ ﻛﺒﺎﻳﻪ ﻭﻧﺰﻟﺖ ﺧﺼﻼﺕ ﺑﺄﻫﻤﺎﻝ ﻭﻟﺒﺴﺖ ﺑﻮﺗﻴﻦ ﺍﺑﻴﺾ ﻭﺟﻨﻄﻪ ﺟﺘﻒ ﻧﻴﻠﻴﻪ ﻭﻣﻜﻴﺎﺝ ﺧﻔﻴﻒ ﻣﺎﺳﻜﺎﺭﺍ ﻉ ﺣﻤﺮﺓ ﺑﻨﺎﺗﻴﻪ
( ﻣﻮﺍﺻﻔﺎﺗﻲ ﻃﻮﻟﻲ ١٥٦ ﺳﻤﺮﺍﺀ ( ﺑﺴﻤﺎﺭ ﻧﺪﻳﻦ ﻧﺴﻴﺐ ﻧﺠﻴﻢ ) ﻋﻴﻮﻧﻲ ﻛﺒﺎﺭ ﻋﺴﻠﻴﻪ ﺷﻌﺮﻱ ﻟﻮﻧﻪ ﺗﻤﺮﻱ ﺳﺮﺡ ﻃﻮﻳﻞ ﻣﺎﻣﺎ ﻣﺎ ﺗﻘﺒﻞ ﺍﻗﺼﻪ
ﻭﺯﻧﻲ ٦٠ ﻃﻮﻟﻲ ﻣﺘﻨﺎﺳﻖ ﻟﺠﺴﻤﻲ ﻻ ﺿﻌﻴﻔﻪ ﻭﻻ ﺳﻤﻴﻨﻪ ﺣﻠﻜﻲ ﺻﻐﻴﺮ ﻣﻨﻔﻮﺥ ﻋﺒﺎﻟﻚ ﻣﻀﺮﻭﺑﻪ ﺑﻮﺗﻜﺲ ﺧﺸﻤﻲ ﺻﻐﻴﺮ ﻭﻋﻨﺪﻱ ﺧﺪﻭﺩ ﻭﺷﺎﻣﻪ ﻉ ﺧﺪﻱ ﺍﻻﻳﻤﻦ
ﻧﺰﻟﺖ ﻭﺍﻣﻲ ﺗﺒﻮﺱ ﺑﻴﻪ ﻭﺗﺼﻠﻲ ﻉ ﻧﺒﻲ ﺍﺩﺭﻱ ﺑﻴﻬﺎ ﺗﺮﻳﺪﻧﻲ ﺍﻟﺒﺲ ﺣﺠﺎﺏ ﺑﺲ ﺗﻜﻮﻝ ﺍﺭﻳﺪﺝ ﺗﻘﺘﻨﻌﻴﻦ ﺑﻲ ﻭﺗﻠﺒﺴﻲ ﻣﻦ ﺫﺍﺗﺞ ﻭﻗﻨﺎﻋﺘﺞ ﺍﻟﺸﺨﺼﻴﻪ ﻣﺎﺍﺭﻳﺪﺝ ﺗﻠﺒﺴﻲ ﺟﺒﺮ
ﺧﻮﺍﻧﻲ ﺿﻠﻮﺍ ﻳﺤﺠﻮﻥ ﻉ ﺷﻌﺮﻱ ﻭﻟﺒﺴﻲ ﻭﻣﺎﻣﺎ ﺳﻜﺘﺘﻬﻢ
ﺭﺣﻨﺎ ﻟﻠﻜﺮﺍﺩﺓ ﺍﻧﻲ ﻭﺍﻣﻲ ﻭﺧﻮﺍﻧﻲ ﻭﻋﻠﻲ ﺳﺎﻕ ﺳﻴﺎﺭﺓ ﻣﺎﻣﺎ
ﺍﻓﺘﺮﻳﻨﺎ ﺷﻮﻱ ﺑﺎﻟﻜﺮﺍﺩﺓ
ﻃﻠﺒﺖ ﻣﻦ ﻣﺎﻣﺎ ﻧﻌﻮﻑ ﺍﻟﺴﻴﺎﺭﺓ ﻭﻧﺘﻤﺸﻰ
ﻭﻭﻧﺰﻟﻨﺎ ﺑﻘﻴﻨﺎ ﻧﺘﻤﺸﻰ ﻭﺷﻔﺖ ﻣﺤﻞ ﻛﻨﺎﻓﻪ ﻭﺯﻧﻮﺩ ﺍﻟﺴﺖ ﻭﻃﺒﻌﺎ ﺍﻧﻲ ﺍﻣﻮﺕ ﻉ ﺯﻧﻮﺩ ﺍﻟﺴﺖ ﺍﻟﺤﺎﺭﺓ
ﻭﺭﺣﺖ ﺍﻫﺮﻭﻝ ﻟﻠﻤﺤﻞ
ﻛﺮﺍﺭ : ﻳﺄﺷﺮ ﻉ ﺭﻧﺪ ﻭﻳﺤﺠﻲ
ﺷﻮﻑ ﺷﻮﻑ ﻋﺒﺎﻟﻚ ﻃﻔﻠﻪ ﺭﺍﺣﺖ ﺗﻬﺮﻭﻝ ﻟﻠﻜﻨﺎﻓﻪ
ﻋﻠﻲ : ﻭﺝ ﺷﻮﻛﺖ ﺗﻜﺒﺮﻳﻦ ﻭﺗﻌﻘﻠﻴﻦ
ﻛﺎﻓﻲ ﻋﻮﻓﻮﻫﺎ ﻉ ﺭﺍﺣﺘﻬﺎ ﺍﺧﺘﻜﻢ ﺍﻟﻮﺣﻴﺪﺓ ﻫﺎﻱ
ﻓﺪﻳﺖ ﻧﺒﻊ ﺍﻟﺤﻨﺎﻥ ﻭﻫﻴﻪ ﺗﺤﻀﻦ ﺑﺄﻣﻬﺎ ﺷﻠﻮﻥ ﺗﺪﺍﻓﻌﻠﻲ ﻉ ﻋﻨﺎﺩﻛﻢ ﻭﺗﻄﻠﻊ ﻟﺴﺎﻧﻬﺎ ﻭﺗﻌﻴﺐ ﻋﻠﻴﻬﻢ
ﻛﻌﺪﻧﺎ ﻭﻃﻠﺒﻨﺎ ﺍﻧﻲ ﺯﻧﻮﺩ ﺍﻟﺴﺖ ﻭﻣﺎﻣﺎ ﻭﺧﻮﺍﻧﻲ ﻃﻠﺒﻮﺍ ﻛﻨﺎﻓﻪ ﺍﻧﻲ ﻣﺎﺍﺣﺒﻬﺎ ﺍﺑﺪ ﺍﻟﻜﻨﺎﻓﻪ
ﻭﺍﺟﻮﺍﺀ ﺗﺠﻨﻦ ﺑﻠﻴﻞ ﺑﺎﻟﻜﺮﺍﺩﺓ ﻭﺍﻟﻨﺎﺱ ﻋﺒﺎﻟﻚ ﻣﺎﻛﻮ ﺑﺸﺮ ﺑﺎﻗﻲ ﺍﺑﻴﺘﻪ ﻛﻠﻬﺎ ﻃﺎﻟﻌﻪ
ﺑﻘﻴﻨﺎ ﻧﻔﺘﺮ ﺑﺎﻟﻤﺠﻤﻌﺎﺕ ﻭﺍﻟﻤﻮﻻﺕ
ﻣﺎﻣﺎ ﺷﻮﻓﻲ ﻫﺬﺍ ﺍﻟﻘﻤﻴﺺ ﻛﻮﻟﺶ ﻋﺠﺒﻨﻲ
ﻻ ﺷﻨﻮ ﻫﺬﺍ ﻛﻮﻟﺶ ﻗﺼﻴﺮ
ﻳﻲ ﻣﺎﻣﺎﺗﻲ ﺻﺤﻴﺢ ﻛﻼﻡ ﺣﻴﺪﺭ ﻫﺬﺍ ﻛﻮﻟﺶ ﻗﺼﻴﺮ
ﺑﺲ ﻣﺎﻣﺎ ﻋﺠﺒﻨﻲ ﻛﻮﻟﺶ
ﺍﺷﺘﺮﻱ ﻭﺍﻟﺒﺴﻲ ﺑﺎﻟﺒﻴﺖ
ﻫﺎﻱ ﺻﺪﻭﻙ ﺗﺤﺠﻲ ﻳﺎ ﻋﻠﻲ ﻛﻞ ﻫﺎﻟﺠﻤﺎﻝ ﻭﺍﻻﻧﺎﻗﻪ ﻭﺗﺮﻳﺪﻧﻲ ﺍﻟﺒﺴﻪ ﺑﺎﻟﺒﻴﺖ
ﻳﺎ ﺑﻨﺘﻲ ﺍﺫﺍ ﻋﺠﺒﺞ ﺍﺷﺘﺮﻱ ﻭﺍﻟﺒﺴﻲ ﺑﺎﻟﺒﻴﺖ ﺑﺲ ﻣﺎﻝ ﺗﻄﻠﻌﻴﻦ ﺑﻲ ﻣﻤﻨﻮﻉ
ﺍﻓﻔﻔﻔﻔﻒ ﻣﺎ ﺍﺭﻳﺪ
ﻭﺝ ﺷﺒﻴﺞ ﻣﺎﺭﺍﺿﻴﻪ ﺑﺤﻴﺎﺗﺞ ﻭﻣﻴﻌﺠﺒﺞ ﺍﻟﻌﺠﺐ ﺩﺷﻮﻓﻲ ﻳﺎﺭﻧﺪ ﻳﺠﻲ ﻳﻮﻡ ﺗﺘﺤﺴﺮﻳﻦ ﻉ ﻫﺎﻱ ﺍﻻﻳﺎﻡ ﻫﻬﻬﻬﻪ
ﺍﻓﻔﻔﻔﻒ ﺣﻴﺪﺭ ﻋﻮﻓﻨﻲ ﺑﺤﺎﻟﻲ ﻟﺨﺎﻃﺮ ﺍﻟﻠﻪ
ﻭﺍﻟﻠﻪ ﻳﺎ ﺑﻨﻴﺘﻲ ﺣﻴﺪﺭ ﻛﻼﻣﻪ ﺻﺤﻴﺢ ﻻ ﺗﻀﻠﻴﻦ ﺗﺘﺒﻄﺮﻳﻦ ﻉ ﻧﻌﻤﺘﺞ ﺍﻗﺒﻠﻲ ﺑﺎﻟﻘﺎﺳﻤﻪ ﺭﺑﺞ ﺍﻟﺞ ﻭﻻ ﺗﻄﻤﻌﻴﻦ ﺑﺎﻻﻛﺜﺮ ﺗﺮﻯ ﺍﻻﻛﺜﺮ ﻳﺠﻲ ﻳﻮﻡ ﻭﺗﺼﻴﺮﻳﻦ ﺗﺘﻤﻨﻴﻦ ﺭﺑﻊ ﺍﻝ ﻣﺎﻗﺒﻠﺘﻲ ﺑﻲ
ﻧﻤﺸﻲ ﻭﻧﺤﺠﻲ
ﻫﺎ ﺭﻧﻮﺩ ﺑﻌﺪﺝ ﻣﻄﻨﻜﺮﻩ ﺗﻌﺎﻱ ﺷﻮﻓﻲ ﺷﺮﺍﺡ ﺍﺷﺘﺮﻳﻠﺞ
ﻫﺎ ﻛﺮﺍﺭ ﺷﻨﻮ ﺗﺸﺘﺮﻳﻠﻲ
ﺗﻌﺎﻱ ﻣﺪﻟﻲ ﺍﻳﺪﻩ ﻭﺭﺣﺖ ﻟﺰﻣﺖ ﺍﻳﺪﻩ
ﺭﻭﺣﻮﺍ ﻣﺎﻣﺎ ﺍﺣﻨﺎ ﺣﻨﻜﻌﺪ ( ﻭﺗﺄﺷﺮ ) ﺑﻬﺬﺍ ﺍﻟﻜﻮﻓﻲ
ﺭﺣﻨﺎ ﻭﺍﺷﺘﺮﺍﻟﻲ ﻣﻮﻃﻪ ﻋﺎﻟﻮﺟﻪ ﺑﺎﻟﻜﺎﻛﺎﻭ ﻭﺍﻟﺠﻮﺯ ﻭﺍﻟﻔﺴﺘﻖ ﻫﺎﻱ ﺍﻟﻤﻮﻃﻪ ﺍﻋﺸﻘﻬﺎ ﻣﺎﺍﺣﺐ ﺍﻟﻤﻮﻃﻪ ﺑﺲ ﻫﺬﻱ ﺍﻟﻨﻮﻋﻴﻪ ﻭﺑﻘﻴﺖ ﺍﺑﻮﺱ ﺑﻜﺮﺍﺭ ﻭﺍﺣﻀﻦ ﺑﻲ
ﻛﺮﺍﺭ ﺍﻛﺜﺮ ﻭﺍﺣﺪ ﺑﺨﻮﺍﻧﻲ ﺣﻨﻴﻦ ﻋﻠﻴﻪ ﺻﺢ ﻣﺮﺍﺕ ﻳﻀﻮﺟﻨﻲ ﺑﻨﺼﺎﺋﺤﻪ ﺑﺲ ﻳﻌﺮﻑ ﺷﻨﻮ ﺍﺣﺐ ﻭﻳﺴﻮﻱ ﺍﻟﻲ ﻭﻳﻌﺮﻑ ﻣﺘﻄﻠﺒﺎﺗﻲ ﻗﺒﻞ ﻣﺎﺍﻃﻠﺐ
ﺍﺷﺘﺮﻳﺖ ﻣﻼﺑﺲ ﺭﻏﻢ ﻣﺎ ﻋﺎﺟﺒﺎﺗﻨﻲ ﺑﺲ ﻣﺎﻣﺎ ﻭﺧﻮﺍﻧﻲ ﻗﺒﻠﻮﺍ ﺑﻴﻬﻦ ﻉ ﺫﻭﻗﻬﻢ
ﺍﻧﻲ ﺗﻌﺒﺖ ﻣﻦ ﺍﻟﻔﺮﻩ ﻭﺍﺧﺬﺕ ﺳﻮﻳﺞ ﺍﻟﺴﻴﺎﺭﺓ ﻭﺭﺣﺖ ﺍﻛﻌﺪ ﺑﻴﻬﺎ ﻭﺍﻧﺘﻈﺮﻫﻢ ﻳﺨﻠﺼﻮﻥ
ﺍﻟﻜﺮﺍﺝ ﺑﻌﻴﺪ ﺷﻮﻱ ﻉ ﻣﻮﻝ ﺍﻟﻌﻔﺘﻬﻢ ﺑﻲ ﻛﺎﻋﺪﺓ ﺑﺎﻟﺴﻴﺎﺭﺓ ﻭﻣﺎﺍﺳﻤﻊ ﺍﻻ ﺻﻮﺕ ﺍﻧﻔﺠﺎﺭ ﻛﻮﻟﺶ ﻗﻮﻱ ﺑﺤﻴﺚ ﺣﺴﻴﺖ ﺍﻟﺴﻴﺎﺭﺓ ﺍﻧﺸﺎﻟﺖ ﻭﺍﺭﻛﻌﺖ ﺑﺎﻟﻜﺎﻉ ﻭﺭﺍﺳﻲ ﺍﺭﻛﻊ ﺑﺠﺎﻣﻪ ﺍﻟﺴﻴﺎﺭﺓ
ﻭﺍﺻﻮﺍﺕ ﺍﻻﺳﻌﺎﻑ ﻭﺳﻴﺎﺭﺍﺕ ﺍﻻﻃﻔﺎﺀ ﻭﺳﻴﺎﺭﺓ ﺍﻟﺸﺮﻃﻪ ﻭﻋﻴﺎﻁ ﺍﻟﻨﺎﺱ ﻧﺰﻟﺖ ﺍﺭﻛﺾ ﺑﺪﻭﻥ ﻭﻋﻲ ﺍﻣﻲ ﺧﻮﺍﻧﻲ ﺧﺎﻑ ﺻﺎﺭ ﺑﻴﻬﻢ ﺷﻲ
ﺍﺑﺎﻭﻉ ﺍﻟﻤﻮﻝ ﺍﻟﻌﻔﺘﻬﻢ ﺑﻲ ﺻﺎﻳﺮ ﻧﺎﺭ
ﺿﻠﻴﺖ ﺍﺑﺠﻲ ﺑﻬﺴﺘﻴﺮﻳﻪ ﺍﻣﻲ ﻭﺧﻮﺍﻧﻲ ﻫﻨﺎ
ﻭﺍﺩﻋﻲ ﻛﻮﻥ ﻃﺎﻟﻌﻴﻦ ﻣﻦ ﺍﻟﻤﻮﻝ ﻭﻫﻤﺎ ﺑﺨﻴﺮ
ﺍﺑﺠﻲ ﻭﺍﻋﻴﻂ ﻭﺍﺭﺟﻊ ﺍﺳﻜﺖ ﺍﻛﻮﻝ ﻣﺎﺑﻴﻬﻢ ﺷﻲ ﻣﺎﻳﻌﻮﻓﻮﻧﻲ ﻭﺧﺼﻮﺻﺎ ﻛﺮﺍﺭ ﺍﺑﺪ ﻣﺎﻳﻌﻮﻓﻨﻲ ﺍﺫﺍ ﺭﺍﺣﻮﺍ ﺍﻧﻲ ﻣﻨﻮ ﺍﻟﻲ
ﻭﺍﺭﺟﻊ ﺍﻋﻴﻂ ﺻﺮﺕ ﻣﺜﻞ ﺍﻟﻤﺨﺒﻠﻪ ﺍﻣﺸﻲ ﻭﺍﺣﺠﻲ ﻭﻳﻪ ﺭﻭﺣﻲ ﻭﺍﺑﺠﻲ ﺍﺧﺘﻠﻄﺖ ﺣﺎﻟﺘﻲ ﺑﺠﻲ ﻉ ﻋﻴﺎﻁ ﻉ ﻛﻼﻡ
ﻣﺎﺍﻋﺮﻑ ﺷﺴﻮﻱ ﺍﻭ ﺑﻴﻤﻦ ﺍﺗﺼﻞ ﻓﺘﺤﺖ ﺟﻬﺎﺯﻱ ﻭﺑﻘﻴﺖ ﺍﺩﻭﺭ ﺑﺎﻻﺳﻤﺎﺀ
ﺍﺟﺎ ﻛﺪﺍﻣﻲ ﺍﺳﻢ ﺍﻧﻤﺎﺭ ( ﺍﺑﻦ ﺧﺎﻝ ﺑﺎﺑﺎ ) ﺭﻏﻢ ﺍﺿﻮﺝ ﻣﻨﻪ ﺍﺣﺴﻪ ﻣﺘﻜﺒﺮ ﻭﻣﻐﺮﻭﺭ ﻣﺎﺍﺣﺒﻪ ﺑﺲ ﻛﺒﻞ ﺩﺳﺖ ﺍﺗﺼﺎﻝ ﻭﺍﺗﺼﻠﺖ ﺑﻲ ﺩﻙ ﺩﻙ ﺩﻙ ﻣﺠﺎﻭﺑﻨﻲ ﺭﺟﻌﺖ ﺍﺗﺼﻠﺖ ﻣﺮﺓ ﺛﺎﻧﻴﻪ ﻣﺠﺎﻭﺑﻨﻲ ﻣﺮﺓ ﺛﺎﻟﺜﻪ ﻣﺠﺎﻭﺑﻨﻲ ﺍﻓﻔﻔﻔﻔﻔﻒ ﺷﻜﺪ ﻣﺘﻜﺒﺮ ﻭﻣﻐﺮﻭﺭ ﺑﻘﻴﺖ ﻛﺎﻋﺪﺓ ﻉ ﺭﺻﻴﻒ ﻭﺻﺎﻓﻨﻪ ﻉ ﻧﺎﺱ ﺍﻟﻲ ﻳﻄﻠﻌﻮﻫﻢ ﻭﺍﻻﺳﻌﺎﻑ ﻭﺍﻟﺸﺮﻃﻪ ﺷﻜﺪ ﻃﻠﻌﻮﺍ ﻧﺎﺱ ﻭﺍﻛﻮﺍ ﺑﻌﺪ ﺿﺤﺎﻳﺎ ﻭﺭﺓ ١٠ ﺩﻗﺎﻳﻖ ﺍﺗﺼﻞ ﺑﻴﻪ ﺍﻧﻤﺎﺭ
ﺍﻟﻮﻭﻭﻭﻭ ﺭﻧﺪ ﻣﺘﺼﻠﻪ ﺑﻴﻪ ﺟﻨﺖ ﺍﺳﺒﺢ
ﻣﻦ ﺳﻤﻌﺖ ﺻﻮﺗﻪ ﻛﻤﺖ ﺍﺷﻬﻚ ﺑﺎﻟﺒﺠﻲ ﻭﻛﻮﺓ ﺍﺣﺠﻲ ﺍﻟﻮﻭﻭﻭﻭ ﺍﻧﻤﺎﺍﺍﺍﺍﺭ ﺍﻟﺤﻜﻠﻲ ﻣﺎﻣﺎ ﻭﺧﻮﺍﻧﻲ ﺭﺍﺣﻮﺍ ﺑﺄﻧﻔﺠﺎﺭ ﺑﻤﻮﻝ ﺍﻟﻜﺮﺍﺩﺓ ﻭﺍﻧﻲ ﻫﺴﻪ ﻣﻘﺎﺑﻞ ﺍﻟﻤﻮﻝ ﻣﺎﺍﻋﺮﻑ ﺑﻴﻬﻢ ﻣﻴﺘﻴﻦ ﻟﻮ ﻋﺎﺍﺍﺍﻳﺸﻴﻦ ﻭﻣﺎﻋﻨﺪﻱ ﻏﻴﺮﻙ ﻓﺪﻭﺓ ﺳﺎﺍﺍﺍﻋﺪﻧﻲ
ﻳﻲ ﻫﺴﻪ ﺷﻔﺘﻪ ﻧﺎﺷﺮﻳﻦ ﺍﻟﺨﺒﺮ ﻉ ﻓﻴﺲ ﻫﺴﻪ ﺍﻧﻲ ١٠ﺩﻗﺎﻳﻖ ﻭﺍﻛﻮﻥ ﻳﻤﺞ ﻟﺘﺨﺎﻓﻴﻦ ﺍﻧﺸﺎﺀ ﺍﻟﻠﻪ ﻣﺎﺑﻴﻬﻢ ﺷﻲ
ﺑﻘﻴﺖ ﻛﺎﻋﺪﺓ ﻭﺷﻔﺖ ﺍﺷﻴﺎﺀ ﻋﻤﺮﻱ ﻭﺣﻴﺎﺗﻲ ﻣﺎ ﻣﺘﻮﻗﻌﻪ ﺍﺷﻮﻓﻬﺎ ﺑﺎﻟﺠﺜﺚ ﻟﻌﺒﺖ ﻧﻔﺴﻲ ﺍﺗﻘﻴﺌﺖ ﻭﻛﻤﺖ ﺍﺷﻬﺖ ﺑﺎﻟﺒﺠﻲ ﻣﻦ ﺍﻟﺨﻮﻑ ﻣﻦ ﺷﻔﺖ ﺍﻟﺠﺜﺚ ﺍﺗﻬﺴﺘﺮﺕ ﺍﻭﻝ ﻣﺮﺓ ﺍﺷﻮﻑ ﺟﺜﺚ ﻭﺍﺷﻜﺎﻟﻬﻢ ﺗﺨﻮﻑ ﻣﻦ ﺍﻻﻧﻔﺠﺎﺭ
ﻭﻭﺭﺓ ١٠ ﺩﻗﺎﻳﻖ ﺍﻧﻤﺎﺭ ﺍﺟﺎ ﺍﻭﻝ ﻣﺎ ﺷﻔﺘﻪ ﺭﺣﺖ ﺣﻀﻨﺘﻪ ﺟﻨﺖ ﺫﺍﻙ ﺍﻟﻮﻗﺖ ﻣﺤﺘﺎﺟﻪ ﺷﺨﺺ ﺍﺷﻜﻴﻠﻪ ﻭﺍﺑﺠﻲ ﺑﺤﻀﻨﻪ
ﺍﻧﻤﺎﺍﺍﺍﺭ ﺍﻫﻠﻲ ﺍﻧﻤﺎﺍﺍﺍﺭ
ﺣﻀﻨﻲ ﻭﻳﻄﺒﻄﺐ ﻉ ﺟﺘﻔﻲ ﻟﺘﺨﺎﻓﻴﻦ ﺍﻧﺸﺎﺀ ﺍﻟﻠﻪ ﻋﺎﻳﺸﻴﻦ
ﺍﻧﻤﺎﺍﺍﺍﺭ ﺍﺧﺎﻑ ﺧﻠﻲ ﻧﺮﻭﺡ ﺑﻐﻴﺮ ﻣﻜﺎﻥ
ﻟﺘﺨﺎﻓﻴﻦ ﺍﻧﻲ ﻳﻤﺞ
ﺑﻘﻴﺖ ﻭﻳﻪ ﺍﻧﻤﺎﺭ ﻭﺑﻘﻰ ﻻﺯﻡ ﺍﻳﺪﻱ ﺍﺑﺪ ﻣﺎﺗﺮﻛﻬﺎ ﺑﻘﻴﻨﺎ ﻧﺪﻭﺭ ﻭﻧﺴﺄﻝ ﺍﻻﺳﻌﺎﻑ ﻭﻛﺎﻟﻮﺍ ﺭﻭﺣﻮﺍ ﻟﻠﻤﺴﺘﺸﻔﻰ ﻭﺩﻭﺭﺍ ﺑﻴﻦ ﺍﻟﻀﺤﺎﻳﺎ
ﺭﺣﻨﺎ ﻧﺪﻭﺭ ﺑﺎﻟﻤﺼﺎﺑﻴﻦ ﻣﺎﻟﻜﻴﻨﺎﻫﻢ ﻭﺗﺎﻟﻲ ﺍﻧﻤﺎﺭ ﻛﺎﻝ ﺭﺍﺡ ﺍﺭﻭﺡ ﻟﻠﻄﺐ ﺍﻟﻌﺪﻟﻲ ﺍﺑﻘﻲ ﻫﻨﺎ ﺍﻭ ﺍﺧﺬﻱ ﺳﻮﻳﺞ ﺳﻴﺎﺭﺗﻲ ﻭﺭﻭﺣﻲ ﺍﻛﻌﺪﻱ ﺑﻴﻬﺎ
ﻣﺎﺍﺍﺍ ﺍﺧﺎﻑ ﺍﺭﻭﺡ
ﻟﺘﺨﺎﻓﻴﻦ ﺗﻌﺎﻱ ﺍﻧﻲ ﺍﻭﺻﻠﺞ ﻟﻠﺴﻴﺎﺭﺓ
ﻭﺻﻠﻨﻲ ﻟﻠﺴﻴﺎﺭﺓ ﻭﺟﺎﺑﻠﻲ ﺑﻄﻞ ﻣﻲ ﻭﻋﺼﻴﺮ ﻭﻧﺴﺎﺗﻞ ﻭﺍﻧﻲ ﻧﻔﺴﻲ ﻣﺎﺗﺮﻳﺪ ﺍﻱ ﺷﻲ ﻭﻏﺼﺒﻨﻲ ﺍﻛﻞ ﻭﺑﺨﺰﺭﺓ ﻣﻨﻪ ﺍﻛﻠﺖ ﺳﻨﻴﻜﺮ ٢ ﻭﺭﺍﻧﻲ ﺑﺎﻟﺒﺮﺗﻘﺎﻝ ﻛﺎﻝ ﺗﺎﻛﻠﻴﻬﻦ ﻛﺪﺍﻣﻲ ﺻﺎﻳﺮﺓ ﺻﻔﺮﺓ ﻫﺴﻪ ﺍﺫﺍ ﺻﺎﺭ ﺑﻴﺞ ﺷﻲ ﻟﻮ ﺗﺨﺮﺑﻄﻲ ﺍﻧﻲ ﺍﺿﻞ ﻧﺎﻳﻢ ﺑﻴﺞ ﻣﺴﺘﺸﻔﻰ ﺍﺣﻴﺮ ﺑﻴﺞ ﺍﺣﺘﺮ ﺑﺎﻟﻔﺎﺗﺤﻪ
ﻣﻦ ﺷﺎﻓﻨﻲ ﺍﻛﻠﺖ ﻗﻔﻞ ﻋﻠﻴﻪ ﺍﻟﺴﻴﺎﺭﺓ ﻭﺭﺍﺡ
ﺑﻌﺪ ﻧﺺ ﺳﺎﻋﻪ ﺗﻘﺮﻳﺒﺎ ﺍﺟﺎﻧﻲ ﺍﻧﻤﺎﺍﺍﺭ
ﻫﺎ ﺍﻧﻤﺎﺭ ﺑﺸﺮ
ﺭﻧﺪ ﻣﺎﺍﺭﻳﺪ ﺍﻛﻮﻟﺞ ﻫﺬﺍ ﺍﻟﻜﻼﻡ ﺑﺲ ﻣﻀﻄﺮ ﺍﺧﺒﺮﺝ ﺑﻲ
ﺍﻣﺞ ﻭﺧﻮﺍﻧﺞ ﺍﻧﺘﻘﻠﻮﺍ ﻟﺮﺣﻤﻪ ﺭﺑﻬﻢ ﻭﺍﻟﺞ ﻃﻮﻟﻪ ﺍﻟﻌﻤﺮ ﺣﺒﻴﺒﺘﻲ
ﻣﻦ ﺍﻧﻤﺎﺭ ﻛﻠﻲ ﻣﺎﺍﺭﻳﺪ ﺍﻛﻠﺞ ﻫﺬﺍ ﺍﻟﻜﻼﻡ ﻓﻬﻤﺖ ﺻﺮﺕ ﻭﺣﻴﺪﻩ ﺑﺪﻭﻥ ﺍﻫﻞ ﺑﺪﻭﻥ ﺳﻨﺪ ﺍﺗﻴﺘﻤﺖ ﻣﻦ ﺍﻻﺏ ﻭﺍﻻﻡ ﻭﺩﻣﻮﻋﻲ ﺍﺧﺬﺕ ﻣﺠﺮﺍﻫﺎ ﻭﻧﺰﻟﺖ ﺑﺪﻭﻥ ﺳﺎﺑﻖ ﺍﻧﺬﺍﺭ
ﻭﺍﻧﻤﺎﺭ ﻳﻤﺴﺪ ﻉ ﺭﺍﺳﻲ ﻭﻳﺤﺠﻲ
ﻟﺘﺨﺎﻓﻴﻦ ﻣﺎﺍﻋﻮﻓﺞ ﻟﻮ ﺗﻨﻄﺒﻖ ﺍﻟﺴﻤﺎ ﻉ ﺍﺭﺽ ﻭﺣﻖ ﺍﻟﻲ ﺧﻠﻖ ﺍﻟﺴﻤﺎ ﻭﺍﻻﺭﺽ ﻣﺎﺍﻋﻮﻓﺞ ﻭﺍﻧﻲ ﻣﻦ ﻫﺎﻟﻠﺤﻀﻪ ﺍﻣﺞ ﻭﺍﺑﻮﺝ ﻭﺍﺧﻮﺝ ﻭﺻﺪﻳﻘﺞ ﻭﺍﻭﻓﺮﻟﺞ ﻛﻞ ﺍﻟﻲ ﺗﻄﻠﺒﻴﻨﻪ
ﺑﺲ ﻻ ﺗﻨﺰﻝ ﺩﻣﻮﻋﺞ ﻻﺗﺒﺠﻴﻦ ﺭﻧﺪ ﺧﻠﻴﺞ ﻗﻮﻳﻪ ﻭﺩﻳﺮﻱ ﺑﺎﻟﺞ ﺗﺒﺠﻴﻦ ﻛﺪﺍﻡ ﺑﺸﺮ ﺗﺮﻯ ﺩﻣﻮﻋﺞ ﻛﺪﺍﻡ ﺍﻟﻨﺎﺱ ﺗﻌﻜﺲ ﻗﻮﺗﺞ ﺍﺭﻳﺪﺝ ﻗﻮﻳﻪ ﻭﺻﺒﻮﺭﺓ ﻭﺭﺍﺿﻴﻪ ﺑﺄﺭﺍﺩﺓ ﺭﺏ ﺍﻟﻌﺎﻟﻤﻴﻦ
ﻣﺎﺍﺭﻳﺪﺝ ﺗﻜﻮﻧﻴﻦ ﺿﻌﻴﻔﻪ ﻭﺍﻧﻬﺰﺍﻣﻴﻪ
ﺗﺮﻯ ﺩﻣﻮﻋﺞ ﻣﺘﻔﻴﺪﺝ ﺑﺸﻲ ﻣﺘﺮﺟﻊ ﺍﻟﺮﺍﺡ ﺑﺠﻴﺘﻲ ﻋﻴﻄﺘﻲ ﺻﻴﺤﺘﻲ ﻛﻞ ﻫﺬﺍ ﻣﻴﻔﻴﺪ ﺑﺪﻝ ﻫﺎﻟﺪﻣﻮﻉ ﻭﺍﺫﺍ ﺍﻧﺘﻲ ﺻﺪﻭﻙ ﺗﺤﺒﻴﻬﻢ ﻭﺗﺮﻳﺪﻳﻦ ﺗﺴﻌﺪﻳﻬﻢ ﻫﺴﻪ ﻧﺮﻭﺡ ﻟﻠﺒﻴﺖ ﺗﺴﺒﺤﻴﻦ ﻭﺗﺒﺪﻟﻴﻦ ﻭﺗﺘﻮﺿﻴﻦ ﻭﺗﻔﺮﺷﻴﻦ ﺳﺠﺎﺩﺗﺞ ﻭﺗﻘﺮﻳﻠﻬﻢ ﻗﺮﺍﻥ ﻫﻤﺎ ﻣﺤﺘﺎﺟﻴﻨﻪ
ﻣﻦ ﺳﻤﻌﺖ ﻛﻼﻡ ﺍﻧﻤﺎﺭ ﺻﺤﻴﺖ ﻉ ﻧﻔﺴﻲ ﻭﻣﺴﺤﺖ ﺩﻣﻮﻋﻲ ﺭﻏﻢ ﺟﻨﺖ ﻣﻨﻬﺎﺭﺓ ﺑﺲ ﻣﺴﺘﺤﻴﻞ ﺍﺑﺠﻲ ﺑﻌﺪ ﻛﺪﺍﻡ ﺑﺸﺮ ﻟﻮ ﺣﺘﻰ ﺟﺎﻥ ﺍﻧﻤﺎﺭ ﻧﻔﺴﻪ ﺍﻟﻲ ﻗﺪﻣﻠﻲ ﻫﺎﻱ ﺍﻟﻨﺼﻴﺤﻪ ﻣﺎﺍﺑﺠﻲ ﻛﺪﺍﻣﻪ
ﻭﻋﺪ ﻣﻨﻲ ﺭﺍﺡ ﺍﻧﻔﺬ ﻧﺼﻴﺤﺘﻚ
ﺷﻮﻛﺖ ﻧﺪﻓﻨﻬﻢ
ﻫﺴﻪ ﻣﻴﻘﺒﻠﻮﻥ ﺍﻟﻄﺐ ﺍﻟﻌﺪﻟﻲ ﻳﻨﻄﻮﻫﻢ ﻳﻜﻮﻟﻮﻥ ﺑﺎﺟﺮ ﻧﻨﻄﻴﻬﻢ
ﻳﻠﻪ ﻧﺮﻭﺡ ﻟﻠﺒﻴﺖ ﺣﺘﻰ ﺍﻗﺮﺍﻟﻬﻢ ﻗﺮﺍﻥ
ﻳﻠﻪ ﻧﺮﻭﺡ ﺑﺲ ﻫﺴﻪ ﻧﻤﺮ ﻟﺒﻴﺘﻜﻢ ﺗﺎﺧﺬﻳﻦ ﻣﻼﺑﺴﺞ ﻭﻏﺮﺍﺿﺞ ﻭﻣﻦ ﻫﺎﻱ ﺍﻟﻠﺤﻀﻪ ﺗﻌﻴﺸﻴﻦ ﻳﻤﻲ ﻣﻤﻨﻮﻉ ﺗﻜﻌﺪﻳﻦ ﻭﺣﺪﺝ
ﺑﺲ ﺍﻧﺘﻪ ﻋﺎﻳﺶ ﻭﺣﺪﻙ ﺍﻧﻲ ﺷﻠﻮﻥ ﺍﻋﻴﺶ ﻭﻳﺎﻙ ﻭﺍﺗﺮﻙ ﺑﻴﺘﻨﺎ
ﺑﻌﺪ ﻣﺎ ﺗﺨﻠﺺ ﺍﻟﻔﺎﺗﺤﻪ ﻧﻔﻜﺮ ﺑﺤﻞ ﻳﺮﺿﻲ ﺍﻟﻄﺮﻓﻴﻦ ﺑﺲ ﻣﺴﺘﺤﻴﻞ ﺍﺧﻠﻴﺞ ﺗﻌﻴﺸﻴﻦ ﻭﺣﺪﺝ
ﺗﻤﺎﻡ
ﺍﺑﺎﻭﻉ ﻉ ﺍﻧﻤﺎﺭ ﻳﺨﺘﻠﻒ ﻉ ﺍﻧﻤﺎﺭ ﺍﻟﺴﺎﺑﻖ ﺟﻨﺖ ﺍﺷﻮﻓﻪ ﻣﻦ ﺍﺭﻭﺡ ﻟﺨﻮﺍﻝ ﺑﺎﺑﺎ ﺑﺎﻟﻤﻨﺎﺳﺒﺎﺕ ﺟﺎﻥ ﻣﺘﻜﺒﺮ ﻭﺍﻧﻔﻪ ﻭﻣﺎﻳﺘﺤﺎﺟﻪ ﺷﻮ ﻭﻳﺎﻳﻪ ﺍﺗﻐﻴﺮ ﻳﻤﻜﻦ ﻳﺘﻌﺎﻃﻒ ﻭﻳﺎﻳﻪ ﻉ ﻭﺿﻌﻲ
ﻫﻮﺓ ﻳﺴﻮﻕ ﻭﺍﻧﻲ ﺻﺎﻓﻨﻪ ﻉ ﻃﺮﻳﻖ ﺑﺲ ﺑﺎﻟﻲ ﻭﺗﻔﻜﻴﺮﻱ ﺷﻠﻮﻥ ﺭﺍﺡ ﺍﻋﻴﺶ ﻣﻨﻮ ﺍﻟﻴﻪ ﺑﻌﺪ ﺍﻧﻲ ﺷﻠﻮﻥ ﺍﻋﻴﺶ ﻭﻳﻪ ﺭﺟﺎﻝ ﻭﺣﺪﻧﺎ ﺑﺎﻟﺒﻴﺖ
ﺩﺍ ﻧﻤﺸﻲ ﺑﺎﻟﺴﻴﺎﺭﺓ ﻭﺳﺄﻟﻮﺍ ﺍﻧﻤﺎﺭ ﻣﻨﻮ ﻫﺎﻱ ﺍﻟﻮﻳﺎﻙ ﻛﺎﻟﻠﻬﻢ ﺍﺧﺘﻲ ﻭﻃﻠﻌﻠﻬﻢ ﺍﻟﺒﺎﺝ ﻣﺎﻟﺘﻪ ﺷﺎﻓﻮﺍ ﻭﻛﺎﻟﻮﺍ ﺭﻭﺣﻮﺍ
ﻣﻦ ﺍﻟﺸﺮﻃﻲ ﺳﺄﻝ ﺍﻧﻤﺎﺭ ﻣﻨﻮ ﻫﺎﻱ ﻛﻮﺓ ﺍﺗﻤﺴﻜﺖ ﺑﺪﻣﻮﻋﻲ ﺧﻔﺖ ﺗﻨﺰﻝ ﺩﻣﻮﻋﻲ ﻭﺍﺍﻟﺸﺮﻃﻲ ﻳﺸﻚ ﻭﻳﺮﻭﺡ ﺑﺎﻟﻪ ﺑﻌﻴﺪ
ﻭﻣﻦ ﻣﺸﺖ ﺑﻴﻨﺎ ﺍﻟﺴﻴﺎﺭﺓ ﻧﺰﻟﺖ ﺩﻣﻮﻋﻲ ﺑﻌﺪ ﻣﺎﺗﻜﺪﺭ ﺗﺴﺘﻘﺮ ﺑﻤﺪﻣﻊ ﺍﻟﻌﻴﻦ ﺍﺑﺠﻲ ﺑﺪﻭﻥ ﺻﻮﺕ ﺑﺲ ﺩﻣﻮﻉ ﺍﺣﺲ ﻛﻠﺒﻲ ﻣﺘﺤﻄﻢ ﻣﺤﺘﺮﻙ ﻭﺑﺎﻗﻲ ﺑﺲ ﺍﻟﺮﻣﺎﺩ
( ﻣﻮﺍﺻﻔﺎﺕ ﺍﻧﻤﺎﺭ ﻃﻮﻳﻞ ﻭﺟﺴﻤﻪ ﻣﻌﻀﻞ ﺍﺷﻜﺮ ﻭﻋﻴﻮﻧﻪ ﻋﺴﻠﻲ ﻭﻟﺤﻴﺘﻪ ﺧﺎﻟﻄﻪ ﺑﻴﻦ ﺍﻟﺸﻴﺐ ﻭﺍﻟﺸﻜﺎﺭ ﻭﺷﻌﺮﻩ ﻧﺼﻪ ﻣﺸﻴﺐ
ﺍﻧﻤﺎﺭ ﻋﻤﺮﻩ ٣٦ ﻣﻨﻔﺼﻞ ﻋﻦ ﺯﻭﺟﺘﻪ ﻭﻋﻨﺪﻩ ﻃﻔﻞ ﻋﻤﺮﻩ ٦ ﺳﻨﻮﺍﺕ ﻫﻮﺓ ﺿﺎﺑﻂ ﺑﺎﻻﺳﺘﺨﺒﺎﺭﺕ ﺑﺮﺗﺒﻪ ﻣﻘﺪﻡ ﺭﻛﻦ )
ﺭﺣﻨﺎ ﻟﺒﻴﺘﻨﺎ ﺩﺧﻠﺖ ﻧﺰﻟﺖ ﺩﻣﻮﻋﻲ ﺟﺎﻥ ﻫﺎﻟﺒﻴﺖ ﻣﻠﻴﺎﻥ ﺍﺻﻮﺍﺕ ﺳﻮﺍﻟﻔﻨﺎ ﻭﺿﺤﻜﻨﺎ ﻭﻣﻨﺎﻛﺮﺗﻨﺎ
ﺻﻌﺪﺕ ﻭﻃﻠﺒﺖ ﻣﻦ ﺍﻧﻤﺎﺭ ﻳﺼﻌﺪ ﻭﻳﺎﻳﻪ ﻛﻤﺖ ﺍﺧﺎﻑ ﻣﻦ ﺷﻔﺖ ﺍﻟﺠﺜﺚ
ﻟﻤﻴﺖ ﻏﺮﺍﺽ ﺑﺴﻴﻄﻪ ﻛﻢ ﻗﻄﻌﻪ ﻣﻦ ﺍﻟﻤﻼﺑﺲ ﻭﻣﻨﺸﻔﺘﻲ ﻭﺷﺎﻝ ﺍﺳﻮﺩ
ﻣﺎﻟﻲ ﺧﻠﻚ ﺍﺳﻮﻱ ﺷﻲ ﺑﻌﺪ ﺍﻟﻔﺎﺗﺤﻪ ﺍﺧﺬ ﺍﻏﺮﺍﺿﻲ
ﻭﺭﺣﻨﺎ ﻟﺒﻴﺖ ﺍﻧﻤﺎﺭ ﺣﺎﺭﺱ ﺍﺑﺎﺏ ﺍﻟﺒﻴﺖ ﻭﻛﺎﻣﺮﺍﺕ
ﺍﻭﻝ ﻣﺮﺓ ﺍﻃﺐ ﻟﺒﻴﺘﻪ ﺑﻤﻨﻄﻘﻪ ﺭﺍﻗﻴﻪ ﺑﻴﺖ ﻛﻮﻟﺶ ﺟﺒﻴﺮ ٥٠٠ ﻣﺘﺮ ﻳﺴﺮﺡ ﺑﻲ ﺍﻟﺨﻴﻞ ﺍﺑﺎﻭﻉ ﻉ ﺍﺛﺎﺙ ﻟﻮ ﺍﻟﺜﺮﻳﺎﺕ ﻟﻮ ﺍﻟﺪﻳﻜﻮﺭﺍﺕ ﺍﻟﻲ ﻉ ﺟﺪﺭﺍﻥ ﺑﻘﻴﺖ ﻫﻴﺞ 😲 ﺍﻭﻝ ﻣﺮﺓ ﺍﻃﺐ ﺑﻴﺘﻪ
ﺭﻧﺪ ﺍﻛﻮ ﻓﻮﻙ ٣ ﻏﺮﻑ ﻏﺮﻓﻪ ﻳﻮﺳﻒ ﻣﺒﻴﻨﻪ ﺍﻭﻝ ﻣﺎﺗﺪﺧﻠﻴﻬﺎ ﺣﺘﻌﺮﻓﻴﻬﺎ ﺣﺎﻟﻴﺎ ﻫﻮﺓ ﻣﻮ ﻫﻨﺎ ﻉ ﺍﺳﺎﺱ ﺑﺎﺟﺮ ﺍﺟﻴﺒﻪ ﺑﺲ ﺣﺘﺮﻛﻪ ﺑﻌﺪ ﺍﻟﻔﺎﺗﺤﻪ ﺍﺟﻴﺒﻪ ﻭﺍﻋﺮﻓﺞ ﻋﻠﻲ
ﻭﺑﻌﺪ ﺍﻛﻮ ﻏﺮﻓﺘﻴﻦ ﺗﺎﺭﻛﻬﺎ ﻟﻠﺨﻄﺎﺭ ﺍﺧﺘﺎﺭﻟﻲ ﻏﺮﻓﻪ ﺍﻟﻲ ﺗﻌﺠﺒﺞ ﻭﺍﺫﺍ ﺑﻴﻬﺎ ﻧﻮﺍﻗﺺ ﺑﻌﺪ ﺍﻟﻔﺎﺗﺤﻪ ﺍﺧﺬﺝ ﻭﺍﺷﺘﺮﻳﻠﺞ ﻧﻮﺍﻗﺺ ﺍﻟﻐﺮﻓﻪ
ﺗﻤﺎﻡ ﺣﺼﻌﺪ ﺑﺲ ﺍﺧﺎﻑ ﺗﻌﺎﻝ ﻭﻳﺎﻳﻪ.....قصص عراقيه حقيقيه من واقعنا.روعه الطائي
ﺍﻣﺮﻱ ﻟﻠﻪ ﺍﺟﻲ ﻭﻳﺎﺝ ﺑﺲ ﻣﻮ ﺗﺒﻘﻴﻦ ﻛﻞ ﺷﻮﻳﻪ ﻭﺗﺨﺎﻓﻴﻦ ﺗﺮﻯ ﺍﻧﺘﻲ ﻣﻮ ﻃﻔﻠﻪ
ﺷﻬﻜﺖ ﺑﺎﻟﺒﺠﻲ ﻭﺩﺍﻋﺖ ﻣﺎﻣﺎ ﺍﻧﻲ ﻣﻮ ﻫﻴﺞ ﺑﺲ ﻣﻦ ﺷﻔﺖ ﺍﻟﺠﺜﺚ ﻛﺪﺍﻣﻲ ﻣﺪﺭﻱ ﺷﺼﺎﺭ ﺑﻴﻪ
ﺗﻤﺎﻡ ﺍﻫﺪﺋﻲ ﺗﻌﺎﻱ ﻟﺘﺨﺎﻓﻴﻦ
ﺟﺎﻥ ﻳﻌﺎﻣﻠﻨﻲ ﻛﺄﻧﻲ ﻃﻔﻠﻪ ﻭﻳﺤﺴﻦ ﺗﺮﺑﻴﺘﻬﺎ ﻭﺧﻮﻓﻪ ﻋﻠﻴﻪ ﺣﺴﺴﻨﻲ ﺑﺎﻻﻣﺎﻥ ﻭﺣﺮﺻﻪ ﺧﻼﻧﻲ ﺍﺛﻖ ﺑﻲ ﺛﻘﻪ ﻋﻤﻴﺎﺀ
ﺷﻮﻓﻨﻲ ﺍﻟﻄﺎﺑﻖ ﺍﻟﺜﺎﻧﻲ ﺑﻲ ٣ ﻏﺮﻑ ﻭﻛﻞ ﻏﺮﻓﻪ ﺑﻴﻬﺎ ﺣﻤﺎﻡ ﺷﻮﻓﻨﻲ ﻏﺮﻓﻪ ﻳﻮﺳﻒ ﺍﺑﻨﻪ ﻣﺒﻴﻦ ﻛﻮﻟﺶ ﻳﺤﺒﻪ ﻻﻥ ﻣﻦ ﻳﻨﻄﻖ ﺍﺳﻤﻪ ﻳﺒﺘﺴﻢ ﻭﺻﺢ ﻣﺒﻴﻨﻪ ﻏﺮﻓﺘﻪ ﻻﻥ ﺍﻟﺴﺮﻳﺮ ﻉ ﺷﻜﻞ ﺳﻴﺎﺭﺓ ﻭﺍﻟﻜﻨﺘﻮﺭ ﻟﻮﻥ ﺍﺻﻔﺮ ﻭﺑﻲ ﺻﻮﺭ ﺳﺒﻮﻧﺞ ﺑﻮﺏ ﻭﻛﻠﻬﺎ ﺍﻟﻌﺎﺏ ﻭﻛﺬﺍ
ﺍﺧﺘﺎﺭﻳﺖ ﻏﺮﻓﻪ ﺑﻴﻬﺎ ﺑﻠﻜﻮﻥ ﻭﺍﻛﺒﺮ ﻏﺮﻓﻪ ﺑﻴﻬﻦ ﻋﺎﻓﻨﻲ ﺑﺎﻟﻐﺮﻓﻪ ﺍﻧﻤﺎﺭ ﻭﺭﺍﺡ ﻭﺭﺓ ﺩﻗﺎﻳﻖ ﺍﺟﺎ ﺍﻧﻤﺎﺭ ﺩﻙ ﺍﻟﺒﺎﺏ ﺟﺎﻥ ﻣﻔﺘﻮﺡ ﺑﺲ ﻫﻮﺓ ﺩﻛﻪ ﻭﻣﻦ ﻛﺘﻠﻪ ﺍﺩﺧﻞ ﻳﻠﻪ ﺩﺧﻞ ﺷﻨﻮ ﻫﺎﻻﺧﻼﻕ ﺍﻟﻌﻨﺪﻩ ﺟﺎﻳﺒﻠﻲ ﺟﻨﻂ ﻣﻼﺑﺴﻲ
ﻭﺭﺍﺡ
ﺑﻘﻴﺖ ﻛﺎﻋﺪﺓ ﻭﺍﻓﻜﺮ ﺑﺤﻴﺎﺗﻲ ﺷﺮﺍﺡ ﻳﺼﻴﺮ ﺑﻴﻪ ﻭﻧﺰﻟﺖ ﺩﻣﻮﻋﻲ ﻭﺣﻀﻨﺖ ﺍﻟﻤﺨﺪﺓ ﻭﺍﺑﺠﻲ ﺑﻘﻴﺖ ﻋﺪﺩﺓ ﺳﺎﻋﺎﺕ ﺍﺑﺠﻲ ﺍﺭﻳﺪ ﺍﺳﻜﺖ ﻣﺎﺍﻛﺪﺭ ﺍﺣﺲ ﺩﻣﻮﻋﻲ ﻣﺪﺍ ﻳﺘﻮﻗﻔﻦ ﻣﺠﺮﺑﻴﻦ ﻫﺬﺍ ﺍﻻﺣﺴﺎﺱ ﻣﻦ ﺗﺒﺠﻮﻥ ﻭﻣﺘﻜﺪﺭﻭﻥ ﺗﺘﻮﻗﻔﻮﻥ ﻋﻦ ﺍﻟﺒﺠﻲ ﺍﻧﻲ ﻫﻴﺞ ﺻﺎﺭ ﺑﻴﻪ ﺑﻠﻴﻠﺘﻬﺎ ﺑﻘﻴﺖ ﻟﻠﻔﺠﺮ ﻉ ﻧﻔﺲ ﺍﻟﻜﻌﺪﺓ ﺳﻤﻌﺖ ﺍﻻﺫﺍﻥ ﻭﻛﻤﺖ ﻓﺘﺤﺖ ﺍﻟﺠﻨﻄﻪ ﻭﺍﺧﺬﺕ ﺍﻟﻤﻨﺸﻔﻪ ﻣﺎﻟﺘﻲ ﻭﺩﺧﻠﺖ ﻟﻠﺤﻤﺎﻡ
ﺍﺑﺎﻭﻉ ﺍﻟﺤﻤﺎﻡ ﻧﻔﺲ ﻫﺬﺍ ﺍﻟﻴﻄﻠﻊ ﺑﺎﻻﻓﻼﻡ ﺍﻟﺒﺎﻧﻴﻮ ﻭﺩﺍﺧﻠﻪ ﺑﺎﺏ ﺟﺎﻡ ﻭﻧﺺ ﺍﻟﺤﻤﺎﻡ ﻣﺮﺍﻳﺎﺕ ﻭﺍﻧﻮﺍﻉ ﺍﻟﺸﺎﻣﺒﻮﺍﺕ ﻭﺍﻟﻤﻌﻄﺮﺍﺕ ﺻﻔﻨﺖ ﻫﻮﺓ ﻋﺎﻳﺶ ﻭﺣﺪﻩ ﻣﻨﻮ ﻳﺴﻮﻳﻠﻪ ﻛﻞ ﻫﺎﻟﺘﺮﺗﻴﺒﺎﺕ ﻭﻣﻦ ﺩﺧﻠﺖ ﺑﻴﺘﻪ ﻛﻮﻟﺶ ﻧﻈﻴﻒ ﻭﻣﺮﺗﺐ
ﻓﺘﺤﺖ ﺍﻟﻤﻲ ﻉ ﺑﺎﻧﻴﻮ ﻭﺧﻠﻴﺖ ﺷﺎﻣﺒﻮ ﻣﺎﻝ ﺟﺴﻢ ﺑﺎﻟﻤﻲ ﻭﻧﺰﻋﺖ ﻣﻼﺑﺴﻲ ﻭﻛﻌﺪﺕ ﺑﻲ ﻳﻤﻜﻦ ﺑﻘﻴﺖ ﺳﺎﻋﻪ ﺑﻲ ﻛﻮﻟﺶ ﺍﺭﺗﺎﺣﻴﺖ ﺑﻲ ﺣﺘﻰ ﺟﺎﻥ ﻋﻨﺪﻱ ﺻﺪﺍﻉ ﺭﺍﺡ
ﻛﻤﺖ ﻟﻔﻴﺖ ﺍﻟﻤﻨﺸﻔﻪ ﻉ ﺟﺴﻤﻲ ﻭﺧﻠﻴﺖ ﻣﻌﻄﺮ ﺟﺴﻢ ﻭﺍﺭﻳﺪ ﺍﻣﺸﻂ ﺷﻌﺮﻱ ﺍﺑﺎﻭﻉ ﺑﺎﻟﺤﻤﺎﻡ ﻣﺎﻛﻮ ﻻ ﻣﺸﻂ ﻭﻻ ﻓﺮﺷﻪ ﺑﺸﻨﻮ ﺣﻤﺸﻂ ﺷﻌﺮﻱ ﻃﻮﻳﻞ ﻭﺭﻏﻢ ﺳﺮﺡ ﺑﺲ ﺛﺨﻴﻦ ﺍﺫﺍ ﻣﺎﺍﻣﺸﻄﻪ ﻳﺸﻠﻊ ﻛﻠﺒﻲ
ﻃﻠﻌﺖ ﺍﺩﻭﺭ ﻣﺸﻂ ﺏ ﺍﻟﺠﻨﻂ ﻣﺎﻛﻮ ﻣﺠﺎﻳﺒﻪ ﻭﻳﺎﻳﻪ ﺧﻞ ﺍﻃﻠﻊ ﺍﺩﻭﺭ ﺑﺎﻟﻐﺮﻓﻪ ﺍﻟﻤﻘﺎﺑﻴﻠﻲ ﺑﻠﻜﺖ ﺍﻟﻜﻪ ﻭﺷﻲ ﺍﻛﻴﺪ ﺍﻧﻤﺎﺭ ﻧﺎﻳﻢ ﺟﻮﺓ ﻛﺎﻝ ﻏﺮﻓﺘﻲ ﺟﻮﺓ
ﺭﺣﺖ ﻟﻠﻐﺮﻓﻪ ﻓﺘﺤﺘﻬﺎ ﻭﺍﺑﺎﻭﻉ ﺍﻧﻤﺎﺭ ﻻﻑ ﺍﻟﻤﻨﺸﻔﻪ ﻉ ﺟﺴﻤﻪ ﻭﺍﺳﺘﻮﺓ ﻃﺎﻟﻊ ﻣﻦ ﺍﻟﺤﻤﺎﻡ ﻭﺍﻛﻒ ﺩﺍ ﻳﺮﻳﺪ ﻳﺒﺪﻝ ﻭﺍﻧﺪﺍﺭ ﻳﺒﺎﻭﻉ ﻋﻠﻴﻪ ﻭﺍﻧﻲ ﺑﻌﺪﻧﻲ ﻣﺎﻣﺒﺪﻟﻪ ﺑﺲ ﻻﻓﻪ ﺍﻟﻤﻨﺸﻔﻪ ﻉ ﺟﺴﻤﻲ ﻭﺷﻌﺮﻱ ﻳﻨﻜﻂ ﻣﻲ
ﺭﻧﺪ ...........
ﺍﻟﺮﻭﺍﻳﻪ ﺟﺮﻳﺌﻪ ﺍﻟﻲ ﻣﺎﻳﻌﺠﺒﻬﺎ ﻻ ﺗﻘﺮﺃ ﻛﻠﺘﻠﻜﻢ ﻣﻦ ﻫﺴﻪ ﺗﺮﻯ ﺗﺨﺘﻠﻒ ﻋﻦ ﺭﻭﺍﻳﺎﺗﻲ ﺍﻟﺴﺎﺑﻘﻪ ﻫﺎﻱ ﺟﺮﻳﺌﻪ
يتبع
أنت تقرأ
الثلاثيني الملتحي
Poetryقصه للكاتبه ،عذاري ال شمر، اعشقها بحنان اب واشتياق حبيب وبلهفه عاشق ماذا لو ادمنتها. ...؟
