جنت كاعده يم بابا وماما طب مرتضى
كعد وكال مدام مجتمعين عندي حجي وياكم اول صبيلي عشه ساره خارط جوع
كمت صبيتله عشه تعشه وكمل شلت الصينية صبيت اله جاي والنه هم احنه عائله مدمنين ع الجاي ههه كال
مرتضى:ماطول كاعدين اريد احجي وياكم بموضوع
ابوساره:هسه موضوع وموضوع دحجي
مرتضى:ساره اجاهه خطابة
ام ساره:كللوووليييش
ابوساره:علكيفج يابة شو هلهلتي دخل نفتهم
ام ساره:الله مخيبني دخيلك ياربي شكد جنت اندعي يجيهه ابن حلال
ساره:يمه شبيج ليش تحسسيني اني نكره
ابوساره:لا يابة شنو هلحجي انتي بنتي ومعززه ومكرمة ورفعه راسي مكتلنه منو
مرتضى:صديقي حيدر شافهه ذاك اليوم واليوم حاجاني
ساره:صفنت شفته اني بس مركزت كلش بي
مرتضى:هو هم مطلك وعنده ولد وبنية بس يم امهم يجيبهم بلاسبوع يومين يمة بيته وحد خواته مزوجات بس امه مره جبيره وانتو تعرفو لحيدر
ابوساره:اي نعرفه صار سنين بس هاي الشغله مو يمنه يم اختك
ساره:خو ماهسه ارد الجواب خل افكر
ظليت احسبة بالي هو مناسب اليه بس كون اعرف سبب الطلاق شنو ليروح يطلع بي شي موزين والبنية طلكت خابرت منال شو هاي نصدمت وظلت تمتمت ساعه تكلي شنو انتي دتفكرين يعني حتقبلين لو شنو وساعه تكلي لا ساره لتوافقين خبلتني كتله شبيج تره دوختيني كالت يله اروح باجر نتشاوف ظليت صافنه شبيه هاي
يوم ثاني داومت خابرت منال نتفق بمكان دلتني رحت ملكيته ظليت اتلفت منا ومنا ماكو منال حته طلاب ماكو شنو السالفة باوعت ع الساعه ٨ونص يعني بدت اول محاضره كلت خل اعوفه وروح تاخرت شفت منتظر صار كدامي
منتظر:ساره اريد نحجي ضروري
ساره:بس المحاضره
منتظر:اششش شغله ضرورية عوفي المحاضره
ساره:رحت وياه وصلنه قريب الكفتريا كعدني بلحديقه ليجوه واول محاضره طلاب قليل كلش تقريبا وحدنه ظلينه كعدت ع الميز هو باوع ع وجهي
منتظر:ساره
ساره:نعم
منتظر:والله احبج
ساره:شنو
صدكني ارتبكت تخربطت احوالي ردت اكوم لزم ايدي رجعت كعدت
منتظر:سمعيني فدوه راح اموت بعد مااتحمل
ساره:شسمع منتظر يعني شنو المطلوب مني اني وياك منتوالم لتفكر اني محاسه بنظراتك لا حاسة بس اني وياك منكدر صعب
