ساره:رجعت للبيت مااعرف احس بشي غريب عبالك هذه مو البيت الي طلعت منه صعدت بدلت ونزلت شفت خالتي شمحتاجة كالت نظفي البيت شفته صدك كله تراب يعني لو ساره تنظف لو يجيفون محجيت شي نظفت وخلصت افتقدت نور ماكو سالت خالتي
ام همام:ها نور اي مو عمج اجرلهم هيه وامهه كعدو
ساره:شعجب شو هو جان مصر تبقه هنا ومتروح ويه امهه شلون يامن وحدهن يكعدن
ام همام:هنا اجرلهم بلفرع تعرفين بيت ام جاسم نهاية الفرع البيت الي بصفة
ساره:هااا بكلبي فرحت كلت اي والله خلصت جنت عايشة بقلق ارتاحيت وكمت خلصت الشغل واني فرحانه حته خالتي شو زينة ويايه صار الغده وهمام ماكو مو من عوايده دزيتله مسج كال اتاخر تغدو ضجت تغدينه وكملنه لملمت المطبخ وغسلت اماعين صعدت سبحت وكعدت اتفرج تلفزيون طب همام ابتسملي
ساره:تاخرت شعجب
همام:جان عندي شغل
ساره:اصبلك غده
همام:لا تغديت حبيبي بس اريداسبح وانام تعبان حضريلي الحمام
ساره:صار
سبح واجة تمدد ل اول مره انام بحضنه ويكلي تعبان جان هو يضوج يجرني بحضنه يتغزل يلعب بشعري تعجبت كلت يجوز صدك تعبان باس راسي ونام اباوع علية وافكر بكلام امي انتي شلون تعوفي يروح اسبوع وحده مو هذه يتعلم ع فراكج ميصير تعوفي كتله اني شبيدي يكول عندي شغل كلتلي شغليش من طول عمره عمج شغله بغداد يايوم راح محافظات لا مو شغل خلتني قلقة
افكار ودتني وجابتني نمت
كعدت ع بوساته براسي ويعدل شعري وره اذني ابتسمت فتحت عيني شفته منتجي ع ايده خاله جوه راسه وصافن عليه كال
همام:صح النوم ياحلو متكومين
ساره:اي هسه نومة الظهر تكسر
همام:اي يله كومي امي وحده جوة اكعدي يمة خطية اني عندي شغله اتاخر
ساره:وهيج صارت حياتي يطلع الصبح للشغل لو يجي ع الغده لو لا يرجع ينام شوية يطلع لليل يله يجي مجان هيج خبلني ومااكدر احجي وكام قليل يتقربلي جان يثبرني ثبيره هسه ماكو هيج كل كم يوم كلبي حاسني اكو شي معقوله متعرفله ع وحدة عزه العزاج ساره والله اكلب الدنية عليه حته هاهيه وارجع افكر بس هو زين ويايه مديتعارك دائما هادئ ومرت الايام والسنه الثانية للكلية قربت تخلص واني لهسه مصار عندي حمل يعني صار سنه وشهرين وماكو حمل وكمت مااحجي لان كل مااحجي يصدني ويكلي بيد الله ومرات نتعارك اريد نروح نفحص وهو ميقبل يكلي سايرتج مرة وكالت مابيكم شي كعدي وسكتي
الغريبة نور متجي ابد مره عمتي دتروحلهم هيه يوميةتروح كتله اجي وياج
ام همام:ها يله دلبسي
ساره:لبست وطلعنه نمشي طبيت للبيت حلو وراقي الاثاث ونظيف سلمت عليهم نور مدري شبيه كلما اباوع عليه الكاهه مبتسمة الي بس ابتسامة سخرية كلت شبيه هاي مفصومة شنو قدمولنه شربت وظلينة نسولف مواضيع عادية دك جهاز نور شو هاي تحجي وحبيبي وعمري وتتموع فد حجي وحركات صرت بنص هدومي كلت هاي هيج كدام امه وخالتي عادي يعني شنو السالفة هيج فالتة نور لا مستحيل خلصت سدته ورجعت تبتسلمي خالتي راسا كامت وكالت يله هم يله نروح البيت فارغ طلعنه نمشي وظلت ادك بكلبي سالفة نور والتلفون كل شوية اريد اسال خالتي واكول اني شعلية
اجه همام بس اليوم تغده بلبيت صعدنه فوك متحملت كتله اكلك اليوم رحت لبيت مرت عمك
