❤️🌹مساكم ورد🌹❤️
منتظر:عمي اني مرتي اريدهه يعني اني مو اول واحد ولا اخر واحد يتزوج اذا الله مكني ليش لا وهيه ام ابني
ابوساره:هاي الشغله بقت يمهه اتفاهم وياهه شوفه تقبل
ساره:من سدالتلفون ابويه حجه الي كاله منتظر
لا مستحيل اني اقبل بضره ليش شبيه شناقصني ساله خل يكول شنو الشي الي قصرت بي مااخلي روحي بهيج موقف مستحيل مستحيل
للعصر اندكت بابنه طلعت خالتي وجايبه حسوني وياهه
اخذته حضنته ابجي واشم بي
ام منتظر:بنتي ليش هلعذاب تعالي رجعي ويايه لخاطر ابنج منتظر ميقبل ينطي ويريدج تعالي
ساره:خاله ليش يريد يزوج كليلي اني قصرت بشي
ام منتظر:يمه ميخالف انتي لتخلي يتزوج رجعي لبيتج ولمي زوجج
ساره:قصدج رجعي وصيري امام الامر الواقع لا ماارجع
شلت حسين وعبالك طلعته من كلبي وانطيته اياه
خاله اني بيه طبع اتحمل شيجي من الرجال اتحمله مااشكي ومااحجي وامشي برايه بس من توصل الشغله لكرامتني لا لهنا والكل ميوكف بعيني
وصلي ل ابنج خل يطلك بلحسنى
ام منتظر:ليش تعقدين الامور يابنتي
ساره:جانت تحجي وياي دك تلفونه وطلع منتظر كالتله كلامي وسدته
ام منتظر:ساره منتظر يكول خل تفتح الباب اريد اتفاهم وياهه
ساره:اي ليش لا نتفاهم
كمت فتحت باب الاستقبال اجه خليت شال ع راسي ولفيته ولابسه جبة وجهي اصفر
منتظر:شلونج ساره
ساره:الحمدالله بخير تفضل اسمع شعندك
منتظر:ساره اني صاحبي كلي تعال اخذ اختي حرجني
واني شفتهه عندي امكانيه افتح بيتين شكو بيه وانتي معززه ومكرمة وخليج بعيوني
ساره:شوف منتظر الناس نوعين اكو ناس من تحب تنسى كلشي لا تبقه كرامه عدهه ولا مكانه تلكه الزوج يدوس عليه وهيه متحمله يذلهه ويكسرهه وهيه تقبل وتخضع ليش لان مجتمعنه معاق خله الزوجة حالهه حال الخادمه والرجل هو السيد السلطان الي لازم المراه تجلب بي بيدهه وسنونه
واكو نوع ثاني لا صح عدهم كلب ويحبون بس عقلهم يبقه بمكانه من توصل حد الكرامه يدوسون ع كلبهم وع كلشي بس يبقه راسهن مرفوع ومكانتهن محفوظه
ماكو داعي اكلك اني من يانوع مستحيل ارجعلك ترجية وشيله من اذنك ابنك الك لو شما يجي يمي واربي مرجعه الك تريد تجيبة اشوفه هاي بعد نعم الله عليك متريد تجيبة فحسبي الله ونعم الوكيل
منتظر:ساره شنو هذه الحجي يعني هذه اخر الي عندج
ساره:اي اخر العندي وانته اذا صدك حاسب حساب للعشره الي بينه طلكني
منتظر:وسمعتج مفكرتي بيه
ساره:هه سمعتي
شوف هيه ناس هيج هيج حتحجي عليه اسوي الي يريحني وطز بلناس معايشه وياهم اني
