يوم الجمعه الساعه 7:00الصبح نظفت البيت بعد ان امرتني زوجه عمي نزار رحت للهول حتى امسحه كان خالد كاعد بلقنفة يباوع تليفزيون او يأكل كرزات امشكله كلما أمسح جهه من الهول هو يكرز ويذب متحملت جبت المكناسه دنكت على القنفه حتى أطلع الوصخ مالته محسيت غير ايد لزمت مؤخرتي عطت كمزت من يمه
حوراء:لك انت متستحي تتحرش بيه اشايفني
خالد :ولج يرادلج كطع اللسان
فاطمه:هاي شكو تلعلعين على ابني صوتج واصل الآخر الشارع
حوراء :والله كولي الابنج المحروس خل ليتحرش بلبنات المفروض احنى عرضا او لازم يحمينى بس أثبت العكس يا حقير
خالد:لج إني حقير يا بنت الكلب إني اراويج
لزمني شبعني كتل ضليت اصارخ اجتي ماما ركض فككته او جرتني الحضنها إجه عمي
نزار:شكو شصاير
فاطمه :بنت أخوك كاعده تتبله على إبني عساس اتحرش بيها حاسبه نفسها حلوه او رافعه خشمهه والله يا الله
سعاد:لك متخجل انت اشلون تتحرش بيها يا كلب
خالد:لج ضمي اللسانج لا اكطعه ويا بنتج وصعدي فوك
سعاد:دنجب بنتي تعالي امرنا الله
صعدنا بعد ان راح عمي وابنه الشفيه للشغل شفت أمي تلم اهدومنا
حوراء :ماما شداسوين
سعاد :بنتي بعد ما اتحمل اشوفج تنكتلين فوكاها كام يتحرش بنتي الله اليعلم شيسوي بيج باجر لاح اطك وأموت من القهر
حوراء :زين وين أروح ما عدنا فلوس حتى نستاجر بيت
سعاد:بنتي اكو مره وحدانيه كل يوم أنظف بيتها حجيتلها قصتي انطتني الكارت مالتها كالت اي شي يصير انروح البيتها
حوراء :ماما تشتغلين خدامه زين مفكرتي بصحتج
سعاد :يمه مو عيب الشغل ثم بلعكس ارتاحيت ويا هل مره
خابرت أمي المريه بسرعه قبلت حسيت الفرحه سعتها من صوتها
لبسنا عبايات اسلاميه وصلنا يم باب البيت وكفنا صوت زوجه عمي
فاطمه :لجن هاي وين تطلعن بدون علم أبو البيت والله لخلي ابني يكسرجن تكسير
طلعن بناتها يتخوصرن و يتملصن بحلكهن تقدمت أمي يمها
سعاد :من زمان تمنيت اللحظة حتى اوكفج عن حدج
ضربت أمي فاطمه بوكسي بوجها طيرت نص سره سنونها وكعت او بناتها اجتمعن عليها مصدومات طلعت أمي او هي فرحانه
حوراء:متوقعت خلف هذه الامراه الحنونه امرأه خارقه
سعاد :هههه لج اسكتي مو زين تحملتها
كرينا تكسي وصلنا يم بيت كلش حلو او جبير معقوله بس بي مره وحدها دكينا الباب طلعتلنا مريه نازكه او نظيفة شعرها اشقر صغير من كثر الصبخ رافعته ابقراصه شعر لابسه برموده بنيه استقبلتنا دخلنا بصاله الجلوس قدمتنا مي بسبب الحر أمي حجتلها القصه انصدمت طلعت جداحتها او باكيت جكاير صارت ادخن
سعاد:والله يا ام أيهم لولا الله ثم انتي جان هسه احنى لو بشارع لو باقيين تحت رحمتهم
ام ايهم:تدللين يا ام حوراء البيت بيتج اتفضلي ارتاحي انتي او بتج اكو غرفه فوك تندليها انتي
سعاد :مشكوره حبيبتي ما قصرتي
ام ايهم:لا تشكريني احنى مثل الخوات هسه روحن اخذن شاور او نأمن أكيد تعبتن لأن الجو كولش حار
صعدنا للغرفه كانت واسعه او مرتبه أمي حطت الملابس وأني كعدت على الجربايه
حوراء :ماما هي مو مره وحدانية لعد ليش تناديها بأم ايهم لو هاي كنايه؟
سعاد: لا أمي لا كنايه ولا شي هي جانت عايشه ويا زوجها او ابنها ايهم حياه سعيده بس من صارت الحرب مال الاحتلال الامريكي 2008استشهدوا
او خطية من القهر كامت أدخن صحيح متلبس اسود لأن دائما جان أبو أيهم يوصيها تبقى على اناقتها
حوراء :الله يرحمهم خطية شكد انقهرت عليها
سعاد: أي ... يمه كومي اتروشي بل حمام علمود تنامين بأجر عندج كليه
حوراء :حاضر ماما
رحت تروشت او لبست ملابسي اتسطحت على الجربايه ماكو إلا دقايق او غفيت
هاي جايز لا تنسوا الايك و الكومنتات 🙇💕💕💕
أنت تقرأ
اسيوي عاشق بغدادية
General Fictionقصه خياليه تجمع بين مذهبين من ديانات و جنسيات مختلفة قصه مشوقة مليئة بلاحداث بلهجة العراقيه هذه أول مره استخدم برواياتي هذه اللهجة الجميلة اتمنى أن تنال اعجابكم بإذن الله بعيدا عن الانتقادات الغير 🙏💕💕
