قصه خياليه تجمع بين مذهبين من ديانات و جنسيات مختلفة قصه مشوقة مليئة بلاحداث بلهجة العراقيه هذه أول مره استخدم برواياتي هذه اللهجة الجميلة اتمنى أن تنال اعجابكم بإذن الله بعيدا عن الانتقادات الغير 🙏💕💕
شوقا: انتي مجنونه شي اشلون اخذج ويايه بدون علم جيمين
حوراء:أكيد جيمين يقبل ميرفضلي طلب
شوقا:هلكد انتي مدوخته
حوراء :شنو؟؟؟
شوقا:اذا اتاخرتي أكثر من خمس دقايق بتبديل ملابسج لاح أروح
حوراء :اوكي ثانيه
ركضت بسرعه طلعت تنوره سوده منفوشه ويا قميص اسود تصميمه غايه في روعه لفيت شالي او لبست حذائي فعلا جيمين ذوقه حلو باختيار الملابس . نزلت بسرعه جان شوقا منتجي على الحايط مال حديقه القصر سرحان بلورد
حوراء :خلصت
باوع عليه بسرعه من فوك ليجوه بدون اهتمام
شوقا :يله أمشي كدامي
مشينا بشوارع سيئول جان كل الناس مذهولين مني ويئشرون عليه دنكت رأسي من الخجل
حوراء :كوريا حلوه
شوقا :بس ناسها وحوش
حوراء :مو كلهم أكيد كل دوله حتى العرب بيها خير او شر هي هاي الدنيا تغيرت
شوقا :انتي غلطانه الدنيا متغيرت بس الناس هم التغيروا او غيروا الدنيا وياهم
حوراء :أي .. هسه وين رايحين
شوقا :متأكده جيمين يقبل
حوراء :اي
شوقا :إذن سدي حلكج دوختيني
حوراء :أوف اوكي
مشينا بفرع شويه حسيته يخوف بيه رياجيل بس يبصبصون عليه من فوك ليجوه خفت لزمت ايد شوقا هو باوع عليه بنص عين وكفنى يم محل قريت اسمه بلانكليزي انصدمت
حوراء :ديسكوا بار اجابنا اهنا رجعني
شوقا :اتحملي نتيجه افعالج انتي ردتي تجين ويايه
"اوبسيوا(هلو)
شوقا :اوبسيوا مارك
مارك:واو فتات عربيه هنا شوقا لم اضن أنك ستجلب فتات مسلمه بهذا الجمال إلى بارنا الموقر هههه
شوقا :أنا احذرك مارك ابتعد عنها
مارك:اهي حبيبتك ههه لم اصدق استبدلت هايرا المتوفيه بهذه العربيه
شوقا :*بصراخ*قلت اصمت "لكمه"
حوراء :شديصير أريد ارجع
شوقا :تعاي بسرعه ام السان
لزم ايدي حيل لدرجه رادت تنكسر ركضنا باقصى سرعه تقريبا عبرنا فروع اهوايه حتى تيهنا ليحد ما صار العصر وصلنا يم مقهى كعدنا بي حجى ويا النادل بلكوري حتى يجيب مي
حوراء :أنت تروح للبار*بتعجب*
شوقا :هذا شي ميخصج انسه حوراء . خلي سر بينج او بيني إذا فتحتي الجيمين صدكيني يمكن يشمرج من البلكونه
حوراء :*بخوف*ل..لااا جيمين ميسويها
انتجه على الكرسي او غمض عيونه وبكل برود رد...
شوقا :جيمين إذا يعصب يفقد ميعرف شيسوي
حوراء :اشلون هسه
شوقا :اشربي الكهوه لتبرد بسببج خربتي يومي
حوراء :اسفه...
شوقا :انتي شنو غايتج
حوراء :*بتردد*غ..غايتي.. شتقصد؟
شوقا :ليش تريدين تعرفين عني
حوراء :"ويا نفسها" شلون يعرف أحسه يقره من عيوني . هااا لا بس حبيت أشوف شوارع كوريا لأن جيمين عنده شغل فمكدر يأخذني
شوقا :اسمعي هاي آخر مره تورطيني وياج النهار كله بس نركض والساعه صارت بل سته أجهزة لمحاظره جيمين
حوراء :ليش هو شوكت يرجع
شوقا :بلخمسه واليوم شغله قليل فأكيد يرجع بلاربعه او نص يله كومي
حوراء :اوكي
رحنى للقصر كانو الخدم مذعورين من شافوني أما شوقا صعد الغرفته بدون اهتمام سئلت أحد الخدم بلانكليزي عن إذا أحد رجع للقصر كان الجواب السيد بارك الصغير بس هو رجع صعدت بخوف فتحت باب الغرفه شفت جيمين واكف يباوع بلشباك فاك دكم القميص كان جسمه عباره عن كتله بركان هايجه
