جيمين:بابا منو الفايز؟
سيد بارك:أعتقد إني لاح اعترف أو مثل ما وصفتلي جيمين على نوع الجهاز كان اختيار موفق منك
يانغ:سيد بارك اتحمسنا ممكن اتشاركنا خيارك
سيد بارك :الفائزه هي حوراء محمد
حوراء:إني فزت ما دا صدك
انداريت شفت أمي تهلهل باوعت على جيمين كانت الفرحه واسعته أول مره أشوف ضحكته كانت كلش تخبل سويت المثل شاركت فرحتي ويا لاحظ والده نظراتنا خجلت دنكت رأسي أما هو اكتفى بلابتسامه ربت على كتف جيمين حسيت عبالك يكول أحسنت الاختيار ما اعرف إذا إني لاح احبه وابادله نفس شعوره تجاهه إلي او هو أخذني بس مجرد شفقه لا أكثر .
...
ساعه 9:00بليل احتفلنا إني وامي وأم أيهم جبنا كيكه او بعض العصائر والمسليات فجأه رن موبايل أمي
سعاد :الو
سيد بارك:أهلا مدام أم حوراء إني سيد بارك أبو جيمين إذا تعرفيني
سعاد:ل..لا اشلون ما أعرفك انت أعلنت اسم بنتي او فوزتها بس كيف عرفت رقمي
سيد بارك :أخذت رقمج من سجل حوراء أسف على التطفل بس ملكيت حل حتى اخابرج بشأن جيمين و حوراء
سعاد:عادي سيد بارك لا تتاسف وأني كل أذان صاغية
سيد بارك :باجر الساعه بل وحده الظهر جايين نطلب ايد بنتج المحروسة حوراء
سعاد:يا هلا بيكم البيت بيتكم
سيد بارك :شكرا الج مع السلامه
سعاد:مع السلامه سيد بارك
*علقت الخط*
ام أيهم :ألف الصلاه والسلام عليك يا حبيب الله محمد *هلهلت ويا امي*
سعاد:ماما شبيج مقهوره
حوراء :ما اعرف ليش استعجل جيمين بلزواج
سعاد :ماما تعرفين ميكدر يضل بالعراق ولا دقيقة و ميكدر يعوفج
حوراء :وانتي لعد لاح تتخلين عني
سعاد :ماما ما اعوفج إني دائما وياج بس شنسوي هاي سنه الحياه
ام ايهم :امج يمي منو يونسني بعد ثم احنى أكيد نجيج حتى بيوم عرسج
حوراء :والله مقبوظ كلبي
سعاد :بنتي روحي صلي صلاه استخاره هسه ترتاحين وأني لاح أطلع هسه اشتريلج فستان ام ايهم ديربالج على بنتي
ام ايهم:لا توصي حريص بنتج احطها بين عيوني
سعاد :تسلملي عيونج
رحت توضيت صليت ركعتين ما أدري فجأه اذكرت ابتسامه جيمين كلبي كام يدك بسرعه معقوله كلبي مال اله جيمين عند جانب خاص يخليني أضعف وبنفس الوقت اخاف منه بس ما اعرف ليش أحسه إنسان عصبي رغم هو يخفي عصبيته خلف بروده صاحتني ام ايهم على قراري ورديت"إني موافقه" فرحت هوايه طلعتلي الايباد مالتها حتى اشوفلي التسريحات أخذنا الوكت محسينا غير أمي داخله او رافعه الفستان ام ايهم وكفت مذهوله من جمال الفستان
أما إني اكتفيت بس الزمه أول مره يصير عندي فستان رحت ركض على غرفتي علكته بلتعلاكه نمت بسريري وأني اباوع عليه كأنه لاح يطير مني غمضت عيوني بعد ما شعرت بالنعاس
اسفه إذا كان قصير اوعدكم كل يوم بليل انشر بارت جديد 💕❤
أنت تقرأ
اسيوي عاشق بغدادية
General Fictionقصه خياليه تجمع بين مذهبين من ديانات و جنسيات مختلفة قصه مشوقة مليئة بلاحداث بلهجة العراقيه هذه أول مره استخدم برواياتي هذه اللهجة الجميلة اتمنى أن تنال اعجابكم بإذن الله بعيدا عن الانتقادات الغير 🙏💕💕
