يانغ:جيمين صدك دى تحجي اشلون طلبت ايدها بدون علم أهلك أكيد اجننت
جيمين :يانغ موضوع أهلي لاح افاتحهم اليوم
يانغ:وإذا خالفوا قرارك
جيمين :اعرف والدي ينفذ كل الاريده ميهمني رأي أمي
يانغ:هاك جكاره تعدل مزاجك
جيمين :شكرا اشعلياها بلجداحة
يانغ :تؤمر او هاي شعلناها هسه كولي انت حبيتها علمود عيونها ولا شي ثاني
جيمين :"ينفخ الدخان ببرود"يانغ بطل سخافة ثم إني حبيت اساعدها
يانغ:جيمين احجي الحقيقة
جيمين :"يتنهد بقله صبر"أي أحبها أول ما شفتها سحرت بيها الوحيدة عدها شي مميز يخليني انجذب الها عن باقي البنات حبيت عفويتها ،خجلها،ضحكتها، او خوفها مو بس عيونها
يانغ:جيمين البارد الحازم اليكرة جنس النساء و يرفض فكرة الزواج من بآلة او هسة اصار انقلبت الطاولة من اجديد انو جيمين ابن عائلة بارك الأغنى شركة في كوريا الجنوبية يحب وحده عراقية مسلمة مكلت إذا ازوجتها لاح تنشر بلجرايد و نسبة المبيعات والأسهم يمكن تنخفض
جيمين :خل يصير أي شي بشركة حتى لو عرض حياتي للخطر فهذا ميبعدني عن حبها
يانغ:لا شكلك قافل من الأخير
(صوت دكات الباب)
يانغ:ادخل
"سيد جيمين بحثت عن كل ما يخص سيد محمد لكيت عنده صديق بل منصور
جيمين :العصر لازم أروح علية هسه انت شوف شغلك سويت إلي عليك جيهوب
جيهوب :تؤمر سيد بارك "غادر"
يانغ:انوب منو هذا محمد
جيمين :أبو حوارء لازم ادور على الورث
يانغ:هسه بلاول خابر أبوك
جيمين :مو هسه بليل لأن هسه عنده شغل ملتهي بلاجتماعات
يانغ:ما عندي شي اكوله غير الله الكريم إني ما أريدك تكسر البنية يا ريت مامستعجل بقرارك
جيمين :السوي صح إني مو طفل صغير
...
حوراء:ماما كملت تنظيف خليني اكمل طبخ عنج
سعاد:ماما انتي تعبانة البيت جبير طابقين ثم إني خليني اطبخ عل أقل إلهي نفسي شوية
حوراء :صدك ماما وين ام ايهم
سعاد:راحت تستلم الراتب مال زوجها المرحوم وبطريقها تشتري اشياء من السوك
أنت تقرأ
اسيوي عاشق بغدادية
General Fictionقصه خياليه تجمع بين مذهبين من ديانات و جنسيات مختلفة قصه مشوقة مليئة بلاحداث بلهجة العراقيه هذه أول مره استخدم برواياتي هذه اللهجة الجميلة اتمنى أن تنال اعجابكم بإذن الله بعيدا عن الانتقادات الغير 🙏💕💕
