كوثر. كعدت من النوم كمت اراجع الذاكرة شصار البارحة شجابني هنا رجعت ذاكرتي و كمت نزلت اسوي ريوك طبعا كعدت ساعة بالثمانية كملت الريوك و دكيت الباب على خالتي أم مهدي صبحت عليهة و كتلهة تعالي تريكي كالت هسة جاية وراج رحت كعدت سمارة كعدت بس اريدهة تكعد متكعد جبت كلاص مي و ذبيتة عليهة خطية كامت تبجي 😂😂كتلهة حل وياج يلة كومي بسرعة اتريكي
سمارة. طاح حضج يا عوبة اني اعلمج
كوثر. اوكي علميني دادا و ماما😂😂 صدك سمارة فدوة كعدي عمي اني استحي ولله اذا كعدتي عندي شغلة الج
سمارة. شنو الشغلة
كوثر. معليج اذا تلحين ما انطيج ياهة
سمارة. يلة رايحة
راحت سمارة كعدت ابوهة و اني رحت لضيمي رحت كعدتة فتحت باب الغرفة طبيت مشيت على كيف و اجيت اندس بي ميكعد عبالك ميت خفت كلش جبت مي رشيت على وجهة ميكعد رحت صحت سمارة هم تكعد بي ميكعد اني ضليت ابجي و دموعي ما سكتن ابد شالة عمي و آخذة بالسيارة و عمتي لبست عبايتهة و راحت وياهم بقينة اني و سمارة ضليت ابجي أريد بس اسكت ما اعرف شبية دموعي يجرن على خدي و عبالك يجرحن بية سمارة تسكت بية و اني بالي مو يمهة ما اعرف شنو بداخلي صح اني ما يعني حد هسة ما عرفتة و لا تعودت علي بس شي بداخلي يكلي ابجي رجعت عمتي و عمي و وياهم مهدي رجعو كالو ضغطة هابط و متخربط لازم يأكل مالح لأن البارحة حلا هواي رحت سويت لبن و دجاج و سويت غدة و رحت للغرفة رتبتهة و عطرتهة و نزلت كملت الغدة و صحت السمارة تفرش السفرة فرشت السفرة و نكلنة
الأكل و اللبن و كعدنة جاي نأكل جان يكول عمي
عمي. شوفي بوية مهدي من أول يوم دخلتي بس هذا البيت صار رجلج و مسئوليتج و هذا البيت هم صار مسئوليتج يعني اديرين بالج على رجلج و بنفس الوقت نضافة البيت لأن هذا هو من نضافتج و احنة شيوخ اكبارية يعني بيتنة مجهوب كلساع خطار فالبيت أريدة نضيف و اريدج ادارين رجلج و تصيرين سباعية خوش يابة
كوثر. أي انشالله عمو😊
كملنة الأكل و لمينة السفرة و لمينة المواعين ردت اغسل امواعين جان تكول سمارة
سمارة. يلة حبي روحي ارتاحي اني اغسلهن
كوثر. أي الله يوفقج انشالله ولله ضهري مكسور يلة باي
دخلت للغرفة رتبتهة و عطرتهة و بعدين اذكرت هذا مهدي كال أريد ملابسي مغسولات اريدهن و مكويات
رحت غسلت الهدوم و جاي اكويهن كويت قميص واحد و بقن بعد جاي اكوي جان تلفوني يدك شلتة لكيت امي دا ادك شلت الخط عليهة خطية كامت تبجي بس سمعت صوتي ضلينة نحجي و تسألني شلوني شلون اعيالي وياي جام تكول
امي. اكلج يمة خو ما تقربلج شصار البارحة
كوثر. يمة شسالفة
امي. انجبي يالعوبة غير أريد اعرف اي شصار اتقربلج لا
كوثر. يمة يعني انتي بالج يم هذاك الشي جاية بس تسألين مو لعبتي نفسي كافي
امي. خاب وجع طاح حضج اي ولله
كوثر. أي يلة ميخالف طاح حضي اكو غيركم طيح حضي يلة مع السلامة سديت الخط و كعدت بس اشم ريحت عطاب ما الكة آلة الدشداشة محتركة هية و البنطرون صخام الصخمني جني راح انكتل متت يالله كلت شيخلصني و محتارة يا إلهي شسوي اليوم موتي على ايدة و ضليت افتر بالغرفة مثل الطير المذبوح فجأة و جان يطب مهدي شم ريحة كال هاي شنو
كوثر. ها ما ادري
مهدي. شو بلة وخري هيج
كوثر. جنت واكفة كدام الستار و الاوتي حتى ميشوفهن كلي وخري ما وخرت
مهدي. وخرتهة و ما اشولفج غير بنطروني و الدشداشة محتركات لا يا الله نوب البنطرون مال دوام و الدشداشة عدي طلعة بيهة بأجر خرب كضيتهة و دكيتهة دك كطعت الحزام على عليهة و جان بصفي كلاص مي ركعتة براسهة طلعت حركت كلهة بيهة
لج بس كليلي شسوي ها بس كليلي يعني انتي الله دزج علي دفرتهة و طلعتهة برة كعدت كاض راسي بيدي من الوجع متت راسي صار عندي صداع قوي أخذت حباية و نمت
كوثر. موتني كتل و مخلة شي بجسمي صاحي و طلعني برة كعدت بالباب ابجي وين جنت وين صرت ولك يابة يابة تعال شوف بنيتك يااااابة و اون جسمي مزورك و ما اكدر اشيل روحي بدن عيوني يغمضن شوي شوي بعدين ما حسيت على روحي
كعدت لكيت روحي بغرفة عمتي و أيدي مضمدة و راسي ملفوف و جسمي مكسر ما اكدر اشيل ضليت ابجي و أعيط لييييش ليش ولج يمة الحكيلي ولك يابة 😭😭ولك يابة وين عفتني بووووووية وينك
عمتي. ولج عمة تهدي صلي على محمد
كوثر. عمة صليت و ذكرت ربي بس ليش هيج الله جاي يعاقبني بطفولتي تمرمرت من كبرت ضيم و قهر و هسة اطوني فصلية شيسوي بعد ربي اووووف يمة بنيتج ضلت تقرة على راسي و سمارة جابت شوربة و كعدت يمي توكلني و تشاقيني اضحك بس كوة ما اكدر طب مهدي جاي يحجي وياي عود
كوثر. أطلع أطلع ما أريدك ما أريد اشوفك وخر مني متوحش انتة متخلف
مهدي . هي ترة عاد زودتيهة لا اجي افرك حلكج فرك اطيناج عين ترة يلة كومي بسرعة كومي هسة البيت تغسلي و تسوين عشة مال 3 نفرات يلة و هاي العيارة بطليهة بسرعة
كوثر. جرني من أيدي و طلعني من الغرفة رحت غسلت و البيت و اني اون كل ما ادنك اموت من الوجع و سويت عشة سم و زقنبوت بكلبة انشالله زهايمر
جهزت الأكل و رحت نمت بغرفة عمتي و جبتلي ملابس نمت بصفهة حضنتني
عمتي . يمة الله يساعدج بعد كلبي و انتي هم صيري مطيعة و لا تخلي يعصب ترة ولله كلبة طيب هوة بعدج ما تعرفي
ضلت تحجي وياي و تمسح على راسي فد رتاحيت ايدهة بيهة حنية غفيت على يمهة و نمت كعدت الصبح طبيت للحمام أريد اسبح لأن جنت مصخنة طبيت سبحت بمي بارد و بعدهة و الصخونة أخير شي طلعت لفيت شعري و لبست ثوب رصاصي غامق و شال رصاصي حييييل غامق و طلعت للمطبخ سويت ريوك و كملتة كعدت عمتي و عمي و سمارة حتى يأكلون
كوثر. سمارة فدوة كعدي مهدي
سمارة. ولي انتي امشي رجلج هوة شعلي اني
كوثر. امداج اي ولله صعدت للغرفة لكيتة منطمر انطمرت علي سليمة كعدتة بس من ورة خشمي كوة كعد
كوثر. كوم اكعد تريك عمتي تكول😕
مهدي. أي جاي
طلعت من الغرفة و نزلت جان اشوف ناس كاعدين جوة وياهم ثنين بنات شابات و مرة بكبر عمتي تقريبا و رجال جبير و ولد بكد مهدي نزلت جاي أسلم و
هيلاو آسفة على التأخير ولله بس ماكو تفاعل يعني انتو هم ساهمو شاركو القصة صدكو اذا صارت التفاعل عشرين أنزل كل يوم بارت يلة باي 👋 احبكم 😊💋❤
ردت آفتهم ليش آختِلَف ..
مو هوَ كآيلـي وحِلــف
ميعيش لحضه بدوني!
ساعتهآ حيل آتعلقــت
والله آحلى من عنده شفت
بس گلبــي غش عيوني!
