الدكتور. آسف ما كدرنة ننقذة تعذروني البقية بحياتكم
مهدي. طلع الدكتور كال البقية بحياتكم لو تخبلت هديت على الولد دك دك جان تجي بنية دفرتني دفرة و وخرتني عنة بعدين اجة ابو الولد جان مبين شيخ كال احنة نترخص راح الرجال خابرت أهلي طبعا اني كايللهم بس هسة راح يجون
كوثر. طلع الدكتور كال البقية بحياتكم جان هذا الولد هد على اخوي اني ما تحملت كمت ودفرتة شنو ابقي اخوي هيج ينكتل دفرة دفرة حتى رجلي اني كامت توجعني اجة بابا كالة نترخص احنة طلع بس شنو الشرار يطاير من عيونة صراحة ما أنكر خفت منة طلعنة بس بابا الليل ما نايمة يتنهد وعمري وحياتي ما شايفة ابوي هيج مقهور اجة ابو الولد جان مبين شيخ كال احنة نترخص راح الرجال خابرت أهلي طبعا اني كايللهم بس هسة راح يجون
كوثر . رجعنة للبيت وجان مرت الثلاثة إيام بسرعة والبيت لعبان نفس الوقت انقضة بسرعة اجة اليوم الرابع و اجوي ناس هواااااي كعدو بالديوانية بس شنو منسمع بس مصايح هذا وكلة وإني كاعدة بالغرفة اسمع اغاني واصمم فيدوهات 😂 😂 فد سفيهة الحجي الي صار داخل الديوانية ابو كوثر الشيخ محسن. مساكم الله بالخير والعافية الكل.مساك الله بالخير هلة شيخ استريح ابو مهدي الشيخ محمد . يابة احنة جايين وتعرف على شنو جاين ودم ابنة ما يروح هيج هوة مو فرخ دجاجة ونكول فدوة لا هذا بني ادام وابني وغاليي شيخ محسن. بوية اذا صارت دم بدم راح يصير بحر دماء والأول يأخذ بثار الثاني كلولي المطلوب شنو وإني حاضر جان يحجي شيخ من الشيوخ الكاعدة الشيخ. تسمحولي احجي اني عندي حل بس كون الطرفين يوافقون
شيخ محسن +الشيخ محمد. تفضل احجي شيخنة الشيخ نأخذ فصلية من الشيخ وبهذا تفض السالفةمن غير ما يكون دم بدم بارد هذا هو
الشيخ محسن. بوية اني ما عندي غير بس بنية صدك جذب وانطيهة
مهدي . كن كال فصلية الشيطان لعب براسي كلت خل اجيبهة للبيت واطلع قهري بيهة بوية تسمحلي احجي الشيخ محمد . أي تفضل بوية مهدي. الفصلية اني اريدهة و يا أما فصلية يا تكون دم بدم كوم بوية يلة احنة نترخص والفصلية أربعة أيام و ردولنة خبر خوش شيخنة يلة بوية الشيخ محمد. يلة بوية
مهدي. طلعنة كلنة بس ابوي ضل يلوم بية ويكلي اذا سويت شي بالبنية رأسك اكصة فهمت لو لا كتلة انشالله بوية وإني بكلبي كلت بس خل تجي اشوفهة نجوم الضهر كوثر. اجة بابا كال يردون فصلية 😨 😨 😨 😨 😨 😨 😨
طيح براحتك وشبع
دوس
انته خفيف وعيوني تحب الناس الثكال😏
