أكون اكتب كتابة ترى معى علي شي😂😂
مهدي انجبي و اسكتي لا تراددين و ما أريد اسمع أي صوت منجن و خرن هل خرابيط من وجهجن
كوثر. سد الباب وراك سد الباب حيل دروح جنك ثور هايج حسرة نضحك اجة هوة مخرب اللحظة
سمارة. شكد حقيرة و لا جن اختة يمج و تحجين عاجبج اروح أكلة عليج
كوثر دخيل الله و دخيلج يمعودة لا تهيجين الثور زيادة
سمارة. كبر و بعدهة مصرة تكول ثور 😂😂😂
كوثر. بدلت ملابسي من بعد ما اجة هرقل خبصنة و خرب اللحظة علينة خرب واهسي ولله كمت بدلت فستاني و خففت مكياجي كعدت بالكاع سمارة جانت دا تخابر تسولف وي الحب و اني ضاربني جفاف خمفشاري مال وحدة عانس و هية تحجي بمياعة موتتني كمت على حيلي و جربت التلفون منهة
كوثر. الو خوية بلا زحمة عليك الرومانسية مالتكم خففوهة لأن موتتني سمارة بالحجي مالتهة المايع ولله لا يغرك صوتهة وياك ترى جنهة بقرة خوش خوية لا تحجون بالرومانسية هواي لأن طلعتو روحي و هاك سمارة طول ما اني احجي و هوة بس اسمع صوت الضحك مالة انطيت التلفون السمارة و طلعت هسة شسوي اني طلعت روحي كعدت بالحديقة على الثيل اباوع الجو حلو يا ربي بس النفسية مجعوصة و مشككة متمشي ضليت أفكر بس قاطع أفكاري صوت الباب يندك جان مهدي مو بالبيت طالع لفيت شالي عدل صحت منو كال اني صوت غريب
كوثر. أي ادري انتى منو انتة
؟؟؟فتحي الباب خوية اني مرتضى ابن عم مهدي
....فتحت الباب و جاي ادخل جان يكول طبي جوة خوية راح يطبون جماعة مهدي ركضت دخلت و اباوع من الجام اشوفهم جان تجي سمارة اجرني
...... صخام الصخمج شسوين انتي ولله بس يشوفج مهدي يذبحج هسة
....ليش يذبحني شمسوية اني
...ثولة ميصير تباعين على الولد منا تنشافين مو عبالج مضلل و ميبين ميبين
....عود انشالله بعد ما باوع بس مو تكولين لهرقل
....يا هرقل
....عدنة غير هرقل بالبيت هوة بس مهدي
.....مال هسة واحد يسحلج حتى متعيدين هل كلام ولله بس يسمعج يصير موتج على ايدة
...اكلج شنو انكلبتي شكو
....سوالفج ما تخلص خلي اروح احسن
....ولي طبج طوب اني راسي يوجعني و هية متهتمة بهرقل خل اولي اسوي جاي و أودي و انطمر كملت الجاي و خليتة بترمز و و خليت ويا قنديل شكر وديتة لمرتضى كتلة اني رايحة تحتاجون شي بعد خوية
....لا سلامتج خوية اذا احتاج شي اصيحج عود
... راح و صعدت اني لكيت سمارة دا تكلب بالتلفون خليت راسي على المخدة و نمت نومة ريحتني و نستني كل شي كل شي يقلقني كعدت ساعة سبعة العصر اهووو فايتني الصلاة طلعت جادري و مصلايتي صليت و ضليت نايمة عل مصلاية اليوم مالي خلك ليش جاي أحس نفسي اكو شي بداخلي محبوس بس ما اكدر اكول لأي أحد أخاف يفكرون انو من ورة زهراء اني جاي اسوي هيج نزلت جانت سمارة و زهراءجاي يركبن اجيت يمهن كتلهن اساعدجن بشي بشي
زهراء. . أي غسلي المواعين و السنك و المطبخ صاير وصخ غسلي
....اوكي شفت مواعين الغدة الحقيرة ما غاسلتهن و انوب جايني هذا الثور و يكلي مخلية زهراء و حدهة كملت شغلي و صعدت كلش اختنكت من غرفت ما متعلمة انام اني و شخص ثاني حتى من جنت بغرفة مهدي جنت اضايق و سمارة مخابراتها متخلص خلي انام اليوم انام يم سمارة و اشوفلي حل بأجر صاحتني سمارة عل أكل كتله ما أريد لعبانة نفسي ضليت بالغرفة كلش طالعة روحي من الدنية أحس نفسي بية جني نمت و كعدت ساعة سبعة لكيت مهدي يريد يطلع ....صباح الخير
....صباح النور
... ليش اليوم ما مكعدتني و اني شعلي هاي زهراء نايمة يمك و تكعدك اني شكو
.... أستغفر الله يا ربي اني هم صوجي أصبح بيج عوزي دوخت رأس نوب كبل طلع دطير هوة انتة مال واحد يحجي وياك مال واحد يلبسك خليت و رحت فرشت اسناني و سويت ريوك الي كعدت برة أفكر شلون بية اني هسة وين اولي اذا انام يم خالتي يضلون يحجون و هاي بدون الشخير سمارة صارعتني بمخابراتهة و غرفتهة خنكة و مهدي هم زهراء اجتي وين اولي طبيت جوة ضليت اتفحص بالبيت شفت اكو غرفة بصف غرفة مهدي خالين بيهة غراض هاي مال بنيان و مدات و فرشات قديمة و هل شغلات بس كلش وصخة و تعبانة شلون ايست رجعت كعدت بالحديقة حصرتني العبرة ربي بس اني هيج ليش ما خليتني أعيش نفس البنات ربي لا اعتراض على حكمك بس فدوة الك ارحم بحالي كمت على حيلي طبيت لهاي الغرفة رتبته عدلتهة جبت اصباغي مال رسم ضليت ارسم بس شنو كل الرسمات كئيبة و الألوان غامقة طبعا هوة الرسم يعتمد على النفسية صارت شوي حلوة بيه مجال رجعت أغراضي بالجنطة و لميت ملابسي و جبتهن للغرفة رحت لخالتي كتلهة خالة انطيني مندر عالي منج و بطانية و مخدة باوعت علي مستغربة
....خالة ترى اخذت المخزن الفوك و رتبتةو خليت بي غراضي لا تستغرب ....ليش خالة شبيج
....لا خالة بس اني هم أريد شوي خصوصية و ميصير يعني أبقى بغرفت مهدي ميصير
....على راحتج خالة هاذي النضدة و اخذي شتردين
طبعا أخذت مندرين عاليات و مخدتين و بطناتين وديتهن للغرفة و خليتهن على الكاع وحدة بص الخ و فرشت بطانية سويته مثل النزلة و البطانية الثانية اتغطى بيهة خليت المخدات و رتبت الغرفة بس بقالي فراش أخذت فراش من هذني الفراشات الي جانن بالغرفة كنسته و نضفته عدل و فرشتهة الغرفة صارت كلش حلوة بس بقالي الكنتور كلت أجمع و اشتري عود جاي اطلع بالزبالة و المهة جان تطلع زهراء باعت بوجهي و ضحكت ضحكة خفيفة مال وحدة تستهزء و اني تعبانة ابدي اكطعه تكطع بس عفته هية راحت نزلت كملت شغلي و نزلت لكيته دا تسوي ريوك صعدت بدون ما تحس بية طبيت المخزن الي صار غرفتي طبعا كلش حلو صار بس بي ريحة مال تراب و أشياء قديمة رحت لسمارة و كتلهة انطيني فونج بس أريد اخابر مهدي انتطتني يا
...الو
...ها سمارة هو ماكو شي
....مهدي اني كوثر هو ما مشغول
...لا كولي
....بس أريد شغلات تجيبهن الي وياك و من ترجع انطيك فلوسهن
...كولي شنو هل شغلات
...أريد معطر جو و ملابس و اريد مراية متوسطة الحجم يعني ينشاف بيهة نصف الجسم و اريد تعلاكات مال باب و مال حايط و اريد تجيبلي ألوان رسم و بردة مال شباك هاذي الي تنج بخيط وكلي شكد الفلوس أوك
...أي انشالله من ارجع تجيبهن
يلة مع السلامة سديت الخط و انطيتة لسمارة
نزلت جوة لكيت زهراء دا تصب بالريوك كعدو تريكو صاحتني خالتي كالت تعالي اكلي كتلهة لا خالة متريكة من الصبح كالت على راحتج رحت دخلت للغرفة شافتني سمارة تفاجأت عبالهة داخلة للمخزن ما تدري حولتة غرفة باربي العراقية هههه .
دخلت ورأي تفاجأت ضليت فاتحة حلكهة
.....ااااه صخام شنو هاي شمسوية بالمخزن شكد حلو صاير انهجم بيتج على هل ترتيب يمعزاية
....اقدملج بيت باربي العراقية هههه بدون مدح رجأا هههههه
....كبر شنو هيج ضجتي مني
....لا ولله بس اضوج لأن متعودة وحدي دائما
....عبالي ضايجة حقيرة
لا حبيبتي ما اضوج منج بس اكولج اني محتارة هسة بملابسي شلون ما عندي كنتور
....ولج جنت أكلب بالانستا و لكيت كنتور لاليون يعني شلون مال اطفال بس هذا جبير و بابين و أكو لون وردي و أكو أحمر بتلاثين الف
....اها كلش رخيص زين شلون اشتري
....همة ناشرين الرقم و يوصلونة الج بخمسة يعني خمسة و تلاثين يصير
....أكو توصيلة ولله زين اول مرة ادري انو يوصلون عبر الإنترنت
.....خيل شوف هاي ولله قديمة حتى ملابس صارو يشترون عل نت
....ولله معرف ما متعمقة بهل أشياء المهم حفضي الرقم حتى اكول لمهدي هوة يتصل و يوصي
....اوكي يلة رايحة اني
ضليت كاعدة بالغرفة ممتدة على فراشي يمكن بالساعة الكاملة اني ممتدة و أفكر تجي أبالي ذكريات و أهلي شلون جنت اكعد وياهم قطع أفكاري مهدي صاح لسمارة كمزت من مكاني طلعت بسرعة
....بسمالله شبيج داخلة هنا مسكونة هو ما مسكونة
....ما اسمحلك صارت غرفتي
....ها غرفتج شنو شبيج بابا خبلة انتي شو بلة خل اشوف شدا تسوين 😲😲هاي شنو شمسوية بالمخزن
....سويتة غرفت باربي العراقية 😊عندك مانع خو ما اضل اتنقل بغرفة و الغراض وينهم جبتهم لو لا
....ولله حيرتيني شنو شلون حولتي هل خرابة لهيج شي لازم تسويلج شركة ههههههه
....اهووو هسة يلى الغراض وينهم
.....هسة حجيبهم بالسيارة
نزل جاب الغراض و اجة
....شكد السعر صار
....بلاش مني الباربي العراقية هههه
....هه هه هه انطيني السعر فدوى يلى مو مال شقة
....انجبي لج شنو شايفتني ابن فكر أخذ منج فلوس
....لا بس ميصير اني وصيتك مو كتلك جيبلي
....أي عود خليهة عل غير مرة هل مرة مني و راح لغرفتة
....حرك اعصابي رحت ورا انطيتة الفلوس بيدة
....مشكور ما أحب الهديا من الناس الغرباء أشو هذا جر أيدي خلهة ورة ضهري و لزك علي صرنة شخص واحد كبالنة مراية باع علي نضرة ما عرفت أفسرة
....كوثر هل عناد بطلي و السان الطويل هم بطلي اوكي حبيبتي لو تردين اجرم بيج و بعدين منو الغريب لج بابا رجلج اني هسة اكدر اسوي بيج كلشي بس اني عايفج فعوفي هل سوالف ميلوكلج بابتي
....أي اوكي بس عوفني أيدي اذتني تركني و رحت لغرفتي كبر أي ولله كبر ما اجذب لو مات عليك هرقل باع شسوة بيدي طلعت المراية واو تخبل بيهة زغرفة بناتية ناعمة كلش حلوة اممم خل انشوف أي هذا المعطر الي اريدة بلة مال جو نفس للي جنة نستعملة ابيتنة لو لا لا هذا يختلف بس لا مطير عطرة خل اشوفة بعدين عود و أخيرا البردة اييي همزين هاذي الي اريدهة بس لونهة حليبي تتوصخ بسرعة يلة عادي شكلت التعلاكة مال باب عل باب و شكلت التعلاكت الباقيات و عطرت الغرفة و طلعت ملابس الي علكتهن بالتعلاكة يعني كملت الغرفة كلهة بس بقى الكنتور أخل اسبح و اروح احاجي هرقل خل يوصي طبيت سبحت أخذت وياي روب مال حمام اني بية طبع من ادخل الحمام اضل اغني اسوي ألحان يعني تطلع مهارتي بالحمام المهم ضليت اغني و انت تجيني هسة باليوم الف حجاية خاب دنجبي الف حجاية زين خل نغني انكلش بلة اممم دونت يو نيد سم بأي اني أور أور يو لتس كان موفي تيرلا تيرلا بمبم طلعت لبست خاولي جنت منزلة راسي أشد بالخيط مال روب رفعت راسي اباوع مهدي كبالي و رافع تك حاجب يبوووو الله لا ينيطك شجابك هنا
....عيني كاضم الساهر صوتك واصل لي جوة ساطرنة سطر
....ما كرت احاجي دخلت للغرفة بساع لأن لابسة خاولي جنت دخلت لبست ثوب زيتوني بي جيوب و مرسوم بي دبوب ضفرت شعري و رجعت حليتة سويتة ذيل حصان اذكرت زهراء و لعبت نفسي فليتة و سويت ضفيرة فرنسية خليت الشال على راسي و رحت دكيت لباب على مهدي كال تفضل دخلت لكيت زهراء يمة ما كدرت احاجي يمهة كتلة مهدي بس من تخلص مرة خصتك تعال للغرفة بس أريد احجي وياك رحت طبيت لغرفتي انتضرت ماكو طول نزعت شالي و ذبيت نفسي على الفراش لحظات و هوة دخل كال ها ضل يباوع علي
....مهدي ولو ثقلت عليك بس أريد منك شي
....أي كولي
....مهدي بس ابقة هنا أجيب الجهاز و اجي رحت لسمارة ركض كتلهة طلعيلي يا الكنتور وا الرقم بسرعة طلعتة و رحت للغرفة لكيتة يباع على الرسمات
....شوف مهدي أريد بس تخابر على ابو الرقم هذا توصي أريد هذا الكنتور و أريد الوردي هذا الرقم
....شسوين بالكنتور ؟
....اكعد بي غير اخلي ملابسي بي مشوف خالتهن بجنطة
....أي أي فهمت شنو هل لسان هذا متعبين انتي رديلي الرقم شو
..... سجل *******0771
.خابر و كلة عل عنوان كال بأجر يوصل
....اييي ضليت اكمز نسيت نفسي
....خبال شبيج بابا بعد محتاجة شي
....و اني اكمز احجي ويا لا ممحتاجة شي بس روح لا تجي زهر جاي اكول زهراء جان اوكع علي بحيث وكعنة ثنينة عل فراش صرت اني فوكة ضلينة واحد يباع لثاني نزلت راسي ستحيت دا اريد اكوم جان يجرني و يبوسني ضل مستمر لحد ما سحبت نفسي بسرعة لعبت نفسي ضليت ابجي
....مهدي اطلع اطلع بسرعة ما أريد اشوفك طلع بدون ميحجي شي اجا سمارة حتى تأخذ الجهاز
....شكو شبيج تبجين
....اهة اهئ اهئ
....كوثر شبيج قلقتيني شكو شصاير
....هوة هذا اخوج الي ما يتسحي الحقير يبوسني من حلكي اهئ اهئ
....هههههههههههه لا ولله صدك و جاي تبجين من امداج
....سمارة نجبي و ولي مني
.....ههههههه الله دا أتخيل هل أشياء اني لو منج اموع هههههه
....سمارة طلعي هذا جهازج و اطلعي ضليت كاعدة بالغرفة و كلساع تجي أبالي هاي السالفة شكد حاولت انسة ما نسيت عاد بزعت و نزلت اسوي غدة رحت طلعت بانية و ركبت تمن و حضرت هل شغلات جان يدخل مهدي كبل اجت عينة بعيني اني هنا يا كاع انشكي و بلعيني صعدت فوك بسرعة لأن اني مخلصة الأكل اريدة بس يولي هذا أشو صعد ورأي دخلت للغرفة ركض نوب المصيبة ما بي قفل ضليت واكفة عل باب
....كوثر فتحي
....مهدي روح مني
....بس أفهمج
....مهدي الله يخليك روح سكت ارتاحيت اني كلت اكيد راح فتحت الباب و نزلت صبيت الغدة و صحتهم يتغدون جنت كاعدة و اجة مهدي لطش بصفي لطشــة ما خلاني اكعد على راحتي كل ما اباع علي الكا يباع شلون بلة شيخلص الغدة اليوم عاد أكلت بسرعة و كمت رحت للمطبخ صبيتلي كلاص جاي و كعدت عل ميز ضليت اصفن نكلن الأكل البنات
....حبيبتي اني اروح رجلي يريدني انتي غسلي المواعين اوكي يلة بأااي
....وجعااااي كبر لهل جهرة امداج و امدة رجلج كمت غسلت المواعين عاد اجة أبالي اسوي كيكة رحت لسمارة اسئلهة عل كمباودر وين نزلت وياي كالت أحب اباوع عل واحد يسوي كيك
....لعد تعالي اعلمج انتي سوي كيكة صغيرة علكدج و اني اسوي كيكة جبيرة النة
....اوكي
علمتهة خطوة بخطوة جبنة القوالب خليناهن بالفرن
....اكلج سمارة تعالي خل نسوي عصير
... عليمن تسوين هذا المحل هسة ندز و نشتري
....لي بس منو يروح
....مهدي يروح و إذا انتي ترحيلة يروح ركض و غمزتلي 😉
...حقيرة انجبي و اسكتي امشي دزي يلة راحت سمارة تصيح مهدي صدك راح يس طول الكيكة استوت و هوة ماكو خلينة الكيكة بالمواعين و جان يجي جايب علاكتين كبار بيهم كومة حلويات اني فقدت من بعيد شفت الككو بالعلاكة راحت سمارة ركض كلتلة وين علاكتي انطاهة علاكة و اجة خلة العلاكة الثانية عل ميز كال هاذي غراضج و كعد عل كرسي جان يكول لسمارة
....أي سمارة شمسويات اليوم
....امسوين كيكة بمناسبة شغلة صارت لكوثر ههههه
....سمارة نجبي و اسكتي
....معليج سمارة احجي وياي أي شنو هل شغلة هلكد حلوة و سوت علمودهة كيكة
....مو بس كيكة حتى عصير رادت تسوي بس كتلهة لا
....اها لعد اذا هيج الشغلة لازم كل يومية نسوي الهة
.طلعت روحي نوب ميستحون و هاي سمارة زايدة عل اخوهة اجت زهراء شافت العلاكة جان تكول
....شنو هاي حبيبي الي هذن
....لا حبيبتي مالت كوثر
.....لعد ليش مجايبلي
....مو حبيبتي اسنونج مسوسة تاذيج الحلويات
....أي هم صح
صبيت كيك و عصير و كتلهة سمارة كيكتج هاي و هذا عصيرج يلة ولي كصيت قطعة لمهدي و انطيتة الة و انطيت الزهراء كالت أما أريد عود جاي تفشلني كتلهة ادري حبيبتي مو الج هاي هاي لخالة لأن انتي سنونج مسوسة أخاف عليج انطيتهة الماعون و عفتهة و كصيت قطعة لعمي جان كاعد بالهول يباع عل أخبار خليتهن كدامة كال بارك الله بيج بنيتي
....رحت للمطبخ اكصلي قطع من الكيكة مهدي جان بالمطبخ بعدة
....مهدي كوثر ترى بالغلط صارت
.... ها اممم ضليت ساكتة امتمت ما اعرف شجاوبة لعبت نفسي بسرعة تذكرت اللحظة و صعدت بغرفتي طلعت فوني و ضليت أكلب بي اني أكلب بس يوتيوب و فايبر أكلب بالكروبات احبهن فضليت أكلب و اباع مقاطع و أكل اجة مهدي
....كوثر امي تريدني انام هنا اليوم
....شنووو اني يا دوب خلصت اكعد وحدي
....باعي هي ترى امي تكول ذيج هية حاجيهة و ذب نفسة عل فراش كمت بسرعة لخالتي
.... خالة انتي دازة مهدي ينام بغرفتي
.....أي يمة اني دزيتة ليش
.....يعني خالة اني ما اريدة كوة بس ردت اوخر منة انتي ادزي علية
.....خالة بعد خالتج بعد قانون يوم يمج يوم يمهة هذا العدل و ما أريد نقاش يلة
..أوف يا ربي صعدت لغرفتي شيخلص اليوم بلة
....ها اتأكدتي
.....اي اتأكدت رجعت كعدت بالكاع أكل كيك و أكلب بالفون
....هاي الغرفة يرادلهة تلفزيون
.....أي ادري بس منين أجيب تلفزيون
....كبر جا اني مو هنا ما تحجين هذا هوة المحل مال اجهزة بصفنة
.....ما أحب اطلب غرباء
....كوثر هاي صار ثاني مرة تعيديهة مرت الثالثة افرك حلكج فرك ادبسز
...ضليت ساكتة طلع و سد الباب دولي هرقل جاي يطلع بطولاتة علي ولله يا الله عاد رحت للمندر مالتي و نمت لأن تعبانة من الصبح كاعدة و تعبت حيل غفيت بسرعة فزيت ساعة ثمانية حيييل شكد نايمة درت وجهي شفت التلفزيون بالكاع ممشدود بعدة و مهدي نايم ورأي ما متغطي ضليت اباع علي ابتسمت أذكر من اكول علي هرقل و هوة شكد حلو وه شخصية وجهة بريئ من نايم رجعت مكاني و درت نفسي علي ضليت اباع علي شفتة فز ايريد يكعد غمضت عيني بسرعة فتحت تك عين لكيتة راجع نايم ضليت اباع على عيونة ولله حلوات و رموشة سود فتح عيونة بسرعة
....اها ست كوثر هيج اني حلو و تباوعين علي من نايم
.....اممممم شبيك مهدي تحجي و نفسك وخر مني دا أريد انام أريد بس اقشمرة ميتقشمر كام دار علة جهتي صار وجهي بوجهة بس اني مغمضة عيوني ما أريد اباوع حضني ما اعرف قشعرت بسرعة فتحت عيني لكيتة دا يباع علي
....مهدي وخر مني الله يخليك و غمضت عيوني كمت بسرعة طلعت مم الغرفة اني شورطني و باوعت علي طبيت للحمام غسلت وجهي بسرعة و نزلت شفت ماكو أحد بالبيت لا سمارة لا خالتي لا عمو لا زهراء صعدت بسرعة لمهدي
....مهدي أشو ماكو ولا واحد بالبيت بس اني وياك وين راحو
....أمي و سمارة و ابوي و زهراء طلعو للعمارة بيت خالي
....زين زهراء شكو رايحة جان بقت
....هية رادت تروح
.....لعد ليش مرحنة وياهم
....احسن كافي شكد تسألين
....تتعشة لو لا
....لا منتعشة اليوم هنا
.....لعد وين
.....بالمطعم و نمر عل مول مناك شوفي غرفتج شنو تعتاز
....ااااه لا لا عليك صدك
....ولله شنو اجذب عليج
....يييييييييس يس ضليت اكمز ركضت علي و شبكتة وخرت منة بسرعة و سويت نفسي ما ادري رحت بدلت لبست برنسيسة وردية و بوليرة كابوي و حذاء و جنطة و شال ورديات خليت ايلانير خططت حواجبي دا اخلي حمرة جان يأخذهة من أيدي
..شنو هاي
....هاي حمرة
....ادري حمرة هيج تردين اطلعين
....ليش اتي ما مكيجة هواي هوة بس ايلانير
....متخلين حمرة ولله شبيج تردين اشهريني هوة انتي بدون حمرة وحلكج من سابع شارع ينشاف امشي يلة
....ما شنو معلي اطيني الحمرة محلوة اصير و ما اطلع اذا متنطيني ياهة
...اها مطلعين مو
شالاني و مشى بية
.....يلة مطلعين مو مو
....مهدي عوفني و اني ادفر برجلي عووووفنييي ما اروح
...لج كافي مو زعطوطة يلة انجبي و اصعدي كدامي يلة
صعدت خوفني عود يطلعني هية هيج الطلعة الحمدلله لو باقين بالبيت احسن شغل السيارة و صعد باع علي ...اكلج ترى موتيني كافي شكد عنودية ولله العضيم قسما بالله اذا عاندتي بعد تشوفين غير شي كوثر قد اعذر من إنذار ديري بالج خوش
....أي انشالله 😳 رحنة لمطعم عادي مثل أي مطعم بس الأكل مالتة كلش طيب اني طلبت صاج و فنكر و هوة طلب كص دجاج
....ها شلونة الأكل
....أي طيب اكلهم كلش
...بالعافية
....الله يعافيك
....هسة شنو من انخلص انروح للمول حتى اهناك اني أريد اشتري ملابس و انتي شوفي شتحتاجين
...ي نشالله خلصنة أكل دفع الحساب هوة وصعدنة بالسيارة
....كوثر
....ها
....أريد اسألج سؤال و كون تجاوبين بصراحة
.....اي كول شنو هذا السؤال المهم الخطير
....نجبي خل احجي
....أي احجي
....ليش اليوم من كعدتي من النوم تباعين علي شنو شعورج الي اعترفيلي
.....ها شنو لا ولله هيج جنت نايمة ما مباوعة
....كوثر ترى جنت ما نايم حتة من كلتي من كلتي رموشة و عيونة شكد حلوة اني سامعج
....ها شنو لا مو عليك جنت نايمة و يجوز احجي و اني نايمة
....كوثر بداعت أمج احجي الصراحة
....تدري أي جنت اباع عليك مو اكو فد شي بس اكول من نايم بريئ و حلو ومو عصبي و من كاعد هرقل
....شنووو
....شبيك اكولك من نايم بريئ و من كاعد تهوف شبيك كمزت حجيت بكلبي امداني جان نسحلت ولله
....اها يلة نزلي وصلنة اوكفي هنا خل اطبك السيارة و اجي
.... لا خل ننزل سوية احسن
....يلة بعد احسن
ركنة السيارة و نزلنة سوى دخلنة للمول اول ما دخلنة محل مال رياجيل كلبيات و عكل و خاجيات و يعني ملابس ولد شاف دشداشة لونهة نيلي كال حلوة هاي شتكولين أخذهة لو لا
....لا محلوة عبالك شايب اشتري هاي الحليبية شبابية تخبل مرة شفت ولد بالشارع لابسهة تموت
.....اها و انتي انتبهي عل ولد اني اعلمج بعد ما اشتريهة
.....لعد أشتري هاي حلوة
....صدك حلوة انتضري هنا هسة اجي خلص و طلع ها بعد وين ترحين
....ما ادري اني عندي ملابس مشترية
....شوفي الغرفة شتعتاز لعد
....ما ادري فتنة من يم محل مال ملابس داخلية نسائي معروضات بالجامة احنا فايتين و شفناهن
....شوفي كوثر لون اللباس نفس لون الدشداشة الله ياخذج هههههه
....ههههههه لا ولله عود صدك هههههه
....خرب ذوقج القذر هههه
....هههههه شمدريني اني
....دمشي بعد ما البسهة انطيهة لبوي احسن
....اكولك امشي خل نطب لهذا المحل
....يلة امشي
...دخلنة للمحل اشتريت نزلة و وجوه مال مخاديد و كوشات حلوة و اشتريت مثل البردة مال جرباية بيهة عوداين يثبتن بالكاع و يصيرن فوك مثل التور هوة كلة كلش حلو
....يلة كوثر شكد الحساب ساليهة
....دفعت اني
....شنو انتي دفعتي لعد اني شنو متستحين انتي
....أي اني عندي فلوسي
....امشي و اسكتي
.....مهدي خل نشوف هذا محل الاكسسوارات و الأحذية
....امشي يلة 😞
....أخذت تلث أحذية كلش حلوة و سوارين و كلادة بيهة بزونة و اشتريت ساعة رجالية لعمي اذكرت مهدي كبل كلت لا لمهدي و اخذت كلادة لسمارة بيهة كيتار نازك كلش حلو جاي ادفع البنية كالت زوجج دفع اختي طلعت كتلة شنو ليش دفعت
... معليج
....لعد اوكف هسة اجي دخلت للمحل رجعت الساعة و اشتريت بدالهة ساعة بناتية و أخذت غير وحدة ساعة رجالية هم حلوة و دفعت فلوسهة اني طلعت
....يلة امشي خلصت
....شنو دفعتي الفلوس
.....لا بس بدلت شغلة
.....اها عبالي
....هسة نروح للبيت مو
..... أي اكيد لعد وين نروح
...يلة لعد امشي طلعنة اني نمت بالسيارة لأن تعبانة حيل وصلنة كعدني مهدي و أخذت غراضي و دخلت للغرفة فتحت العلاليك ضليت أكلب ضميت الساعة على صفحة بجنطتي فرشت النزلة و خليت الكوشات صارت حلوة كلش طلعت البردة مال جرباية و نصبتهة وااااو تجنن يالله هسة اني ممحتاجة شي الغرفة كاملة بس الكنتور بقى بأجر عود دخل مهدي رفع حواجبة بمعنى عود شكد حلو
....شبسرعة نصبتيهة
....صارلي ساعة يا شبسرعة
..اكلج تعاي خل نشد البلازمة ترى تعليك بالحايط أحلى راح اسوي هسة جيبي بس الدريل و تعالي
...وين ما اندل
.... تلكينة بالمنور مال مطبخ بي غراض
...اها رحت جبتة و اجيت كعدت بالكاع يمة
....باعي طلعي البراغي و شديهن بالحديدة هاي بلازمة
....أي ادري اعرف شادة بلازمة مرة
....ايبااخ ما اعرف بيج كهربائية المن شادة
....شديتهة لخوي بس ثاني يوم وكعت البلازمة ههههه
....هههههه لا كلش تعرفين
. ...ربك جان جواهة فراشات جان صايرة فتافيت هههه
...اطيني اني اشدهة نوب لا توكع هههه
....لا لا تعلمت بعد خلصنة و جر واير من فوك ضل يطلع قنوات و يبحث رتبهن القنوات عل أرقام كعدنة جبت حب و عصير و جبس
....مهدي على بوليوود بادي هوس مايا مسلسلة جديدة تخبل ساعة بالعشرة أي بادية
....شنو تركية
....لا هندية
....ما ادير ما أحب المسلسلات الهندية
....اني متباعتهة شعلي بيك ديرة يلى
....ما ادير ولي هذا فلم اكشن يخبل باوعي و اسكتي
.....اهوووو لعد أدنى خل اكعد جوة البردة شنو بس انتة كاعد
....كايلج لا تكعدين
....أي بس أدنى مأخذ مكان هواي
....ما أدنى هذا العندي شتسوين سوي أريد اوخر هاي العنادة الي براسج
....عادي ضل أبقى بمكاني ضليت كاعدة عودة كلساع و باوع علي عبالة راح اكوم
....شكد حلوة نوب على هذا الفراش حتى مرتاح شوف نومة شكد حلوة
عود يريدني اكوم ولله ولا اكوم لو تنط
....كوثر انتي تصلين لو لا
....شنو كدامك كافرة
.....لعد أو مشفتج صليتي اليوم
....بس المغرب و العشة ممصليتهن اصليهن بأجر
....أي اراقبج ترى اني أكره الي ميصلي
....المطلوب هسة
.... لج لا تحجين وياي هيج لا قسما بالله اكوم اكطع الحزام على رأسج
.هذا الإنسان بي جني اكيد ساعة حلو اسلوبة ساعة يتحول هرقل ضليت ساكتة كلشي محجيت اندمجت وي الفلم صدك حلو صار اعلان كمت اشيل المواعين لكيتة نايم غطيتة و طلعت غسلت المواعين بسرعة هنا يمكن 3 مواعين و كلاصين قليلات بسرعة خلصت و صعدت هستوة مخلص الإعلان جان ضليت اباوع جلي ينقذون البطلة و طكت الكهرباء راح كلبي نوب جهازي ما بي لايت و فون مهدي ما
يضل كاعد ضليت كاعدة بمكاني أريد بس تجي الكهرباء ماكو رحت اباع من الشباك كلهة طافية جاي اباوع جان مدري منو لزمني من جتفي متت وكعت بمكاني ضليت اصرخ
.....ماماااااااا لك مهديييييي اهة اهة ولج يمة جني اهة اهة اهة أهة فدوة وخر عني أعوذ بالله اعووووذ بالله
....هههههههههههههههه طاح حضج هههههه لج مهدي اني ههههههههههه ولج يمة بطني ههههههه
....أهة أهة أهة 😭😭😭وخر مني وخر أهة أهة أهة
....ولج كافي شبيج مو زين البجي بالضلمة يتلبس بيج ههههه هههههههه
....مهدي فدوة الايت عليك الله ولله راح اموت من الخوف جاي أتخيل أهة أهة أهة
.... تعالي امشي خل نطلع برى التلفون ما بي شحن ههههه
....امشي يلة نزلت بآلاف يا الله ضلمة هندس كلشي ما اشوف طلعنة برة ضوة مال قمر رحمة احسن من جوة
.....كوثر كومي كومي بسرعة كالهة برعب كمت بسرعه مرعوبه كولش
....شكو شصار يمه
...وخري مني لا يطفر علي لا تتحركين ضلي واكفه بمكناجج بس تتحركين يوكع عليج
...عااااااااا وعاااااااا شيلة مني فدوة أهة أهة فدوة لكلبك شيلة أهةاهةاهة(عود تبجي و تصرخ غلسو ما اعرف اكتبهن😂😂)
......ههههههههههه ولك بوية الحكلي ههههههههه نمت بالكاع من كد الضحك ههههههه ماكو شي ولله هههههه شنو انتي ولج ههههههههه كل يوم كون تتطفة الكهرباء هههههههه
.....اهة اهة اهة شبيك مهدي شنو هوة هذا حجي ضليت ابجي يسكت بية
هلو هلو هلو هلو حبايبي شلونكم طبعا كلش اسفه عل تاخر بس ولله عدنة فاتحة و مريضة و متراكمة علي المهم وعدتكم 3 الاف كلمة و وزيدت على وعدي سوي الكم 4 الاف كلمة و 100 ها عدم اعترا1 وفيت بوعدي انتو هم وفو بوعدكم فدوة اموووووووااااااااح احبكم 💋💋❤❤
