Telih Ba Ati Berdarah Ba Mata

"Telih diati bedarah dimata "
******************************
Tusun (3)
     Sepengudah Tommy mesej ngagai Angie.Dia dih tumu pagi Tommy datai ke pengkalan Express ai di Sibu.Tommy maya nya gawa di Bintulu.Datai ba pengkalan Express ai ,dia iya lalu meli tiket.Sempat ga Tommy nganjung mesej ke Angie,disempulang ke sada nyawa iya maie lagu "I Love U Pengabis Ati "ari Hailey enggau Melissa Francis.Sada nyawa nya direkam ba 'voice mesej'.Angie berasai gaga maya nerima mesej ari Tommy.Lebih agi gaga maya ninga sada nyawa Tommy ke chukup merdu nya.Mesej Tommy.. madah enggai nyadi ka berandau ba talipon laban mayuh orang nepan express pagi nya.
Baik ga maya nya Angie benung pemisi 2 hari.Bisi ga peluang seduai be mesej enggau pangan diri.Dia sempat ga Tommy bepesan ngasuh Angie nyaga ruai bepantun sida iya.Ba rantau jalai nuju ke Kapit ,bisi maya nadai line.Nadai ga mesej ari Tommy  datai ba skrin talipon Angie.Pama ga pejalai ke Kapit nya,dalam ati Angie nemu.Engka maya nya  Tommy udah datai di rumah panjai iya.Laban ku Tommy ba rumah panjai sida nadai line.Lagu ke disada Tommy "I Love U Pengabis Ati "lagu nya mih ngasuh Angie tuchum laban lagu nya madahka pengeran ati Tommy ke Angie.
Nyau bisi seminggu Tommy ke bekejang pulai menua.Baru pagi nya Tommy nganjung mesej ke Angie.Ba mesej nya,Tommy madahka diri ba pasar Kapit laban ka nganjung apai iya beperesa sereta ngambi ubat.Dia sempat ga Tommy madahka diri semampai ingat sereta lelengau ke Angie.Taja pen seduai iya enda berandau....nganjung sereta nerima mesej ari pangan diri.Nya chukup gaga ba ati seduai.
~~~~~~~~~~~~~~~~~~~
Nyau enda berasai udah sebulan Tommy pulai ke rumah panjai.Dia dih Tommy nganjung mesej ke Angie,ati Tommy chukup lelengauka Angie.
Nyema bisi line,bisi ga Tommy nganjung pantun ba ruai madahka diri enda ulih suah ayan laban di menua nadai line.Laban ke landik dih bepantun.Enggau chara bepantun iya madahka sida.
Terbai tinggi burung kenyalang
Ingap enda lama ba pun tapang....
***Betampung**