Telih Ba Ati Berdarah Ba Mata

Telih Ba Ati Bedarah Ba Mata

"Telih diati bedarah dimata "
******************************
Tusun (7 )
~~~~Sepengudah Angie berandau enggau Tommy pagi nya.Ati berasai serba salah.Keran pen ati iya ke Tommy,ati Angie berasai enda nyamai deka nerima Tommy nyadi ke laki.Laban Tommy dulu diambu nyadi tunang orang. Anak dara sida serumah.Engka meda apai Tommy ke enda bepengerai tambah mega indai Tommy ke udah tuai.Nadai orang bukai nyaga seduai enti enda Tommy.Ukai nadai madi indu tudah Tommy nya.
Sigi baka menyadi indu,sigi nguai ke sida lelaki,diatu nyau udah bisi ruang bilik sida empu.Nya kebuah Tommy sigi ngiga indu ke ulih nguai ke bilik sida.Laban sayau ke Angie,taja pen udah bisi indu ke ka dipadu enggau Tommy.
Ia kebendar Angie pen gawa di Kuching.Ku Tommy madahka Angie ,indu nya gawa ba Kuching mega.Nya kebuah Tommy empai betemu enggau indu nya.
Tommy sigi enda ulih nalipon Angie laban rumah panjai sigi tusah bulih line pia ku Tommy madahka Angie.Nyau udah seminggu kali ke penudi Tommy enggau Angie berandau.Dia dih Angie tekenyit meda Tommy update status diri ba Bintulu.Dalam runding Angie singin ati ka nalipon Tommy laban di Bintulu sigi bisi line.
Enda lama udahnya talipun Angie bemunyi ,dipeda Tommy ke nalipun.Ati Angie chukup gaga.Bakani enda gaga,semina Tommy aja ka  ulih nalipun Angie.Talipun nya lalu disaut Angie.
Angie : Hello sayang..
Tommy  :Hello sayau. Di bintulu aku diatu.Ka ngambi semua barang aku,lalu ka dibaie pulai ke rumah panjai.Nyau berenti ku gawa.
Angie. : Pia iya sayang.( ari sada nyawa Tommy nya baka orang ke tusah ati )
Tommy :Sayau...bakani saut nuan deh?Ka ke sayau berenti gawa udahnya nguai ke bilik aku.?
Angie. :Sebedau ku madah ke saut tanya nuan nya sayang .Aku minta ampun ari tuchung pala datai ka punjur kaki.Aku enda ulih nitihka peminta sayang nya.Pia mega aku enggai nuan sayang ngelaban jaku apai enggau indai ti deka ngasuh sayang nyadi enggau indu ke udah dipilih sida.(empai tembu Angie bejaku,dia Tommy lalu mutung jaku Angie nya..)...
****Betampung ****