المطلقة والظابط❤️

البارت الاول

كل فتاة  تحلم في يوم زفافها وفي الفستان الابيض وفارس احلامها

لكن هناك فتاة  تبلغ  من العمر  15 سنة تجبر من الزواج برجل  في عمر ابيها ولكن ماسوف يحدث لها و كيف سوف تعيش 

=========================================================================

مرحبا اني نور عمري 15سنة  من البصرة عايشة وية امي وابوية وعمي  ومرة عمي اني نجحت من الثالث متوسط  بس عمي رفض انو  اداوم اعدادية  لان بابا مشلول وماما مرة جبيرة هو دائما يدخل بحياتي مستغل ضعف اهلي شكد توسلت بي اكمل ماقبل ويهددني يشمر اهلي بدار كبار السن واني اكولة لالا ماداوم عوف اهلي  بس توسلت بي اروح اجيب الشهاد ه من المدرسة  فقبل اليوم اروح اجيبها  طبعا اني وحيده اهلي وعمي عنده ولد عمرة 7 سنين 

نور

كعدت الصبح ب 10دروح اجيب الشهاده سبحت وبدلت  ولفيت شالي امي تدعيلي واني خانكتني العبرة لان ماراح اكمل نزلت دمعتي مسحتها رحت اشوف بابا لكيتة بعده نايم استغربت لان يكعد من الصبح من 6 المهم غطيتة وبستة من راسة وكتلة بابا حروح اجيب الشهاده حبيبي ادعيلي رحت وماعرفت هذا اخر لقاء بيني وبيت ابوية رحت بيت صديقتي دنروح وهي نقهرت لان ماراح  اكمل وياها 

رجعت للبيت وياليتني مارجعت لكيت بيتنة كومة زلم برة وعياط  ركضت ولازمة الشهاده  ركضت للبيتنة دخلت لكيت عماتي وخالاتي وامي يبجن رحت يم امي

نور\ماما شكووو واني ابجي

امي\وووولج نور تيتمتي ابوووج مات 

نور انصدمت وكمت ابجي واملخ بروحي يريدون يهدوني ماكو الطم وابجي اووووووووف بابا ارجعلي 

ااااااااااااخ جاوبو الجنازة كابلتها والطم واملخ بروحي اجت مرت خالي وامي يكوموني ماقبل

اخذو ابوية وراحو  يدفنو واني رحت لغرفة بابا شفت الكرسي مالتة ونمت عاى الجرباية وابجي نار بكلبي اجن بنات خالي يعزني  ماحسيت الا اني نايمة كعدت وشفت شهاده مالتي باباا تعال شوف بنتك طلعت ناجحة اوووووف يربي وضليت ابجي 

سمعت صوت القرأن برة وصوت زلم ونسوان سبحت ولبست اسود وطلعت الكل يعزيني  صارت ب8 الكل راح 

امي\يمة نور انتي ماكلتي شي من الصبح

نور  بصوت مخنوك ماما ماريد  مامشتهية شي وبجيت ورحت بحضن امي ضليت ابجي لصلاة الصبح صليت 

ورة مرور اسبوع

كعدوو العمام يتناقشون حول نور  وين تبقة لان همة عايشين بيت اهل ابوها 

العم الجبير\اني اكول اول متجي قسمتها ننطيها 

الكل ايد  كلامة نور تسمع  من ورة الباب وتبجي  وينك بابا تعال شوف ديقررون مصير بنتك 

ورة شهر 

اجة صديق عمي عمرة بالاربعين بس عيونة زايغة ماعرف ويت شافني وطلب ايدي من عمي وعمي مع كل الاسف  وافق

الخميس هو عقد سيد هو عرس  هو حنة  واني مانشفت دموعي

لبسوني بدلة وسولي شعري حتة صالون ماودوني 

ب8 اجة اليكولون رجلي عقدنة  واخذني لبيتهم امي تبجي وراية خطية شكد توسلت بعمي بس ماقبل وومشى كلمتة حتى كتلها لامي لان عترضت 

اخذوني لبيت الرجال اول مافات للغرفة كتلني كتلة ملخني  وبعدين  ماحسيت بعد هو طب سبح واني متأذية ايدي  تاذيني وصارت زركة 

طلع  يضحك ويكول \اتحمليني ماطول عمامج نطوج الي هذا حيكون مصيرج  ظليت ابجي وهو طلع اسمع صوت ضحك ومرة هلهلت طبت  مرة جبيرة مبينة فقيرة اجت يمي كولي يمة الله  لايوفقة شوف شسوة بلبنية 

طببت غسلتلي واني سبحت وبدلت  وجابتلي اكل وصوت الضحك لراس الشارع واصل ليبرة 

ام وسام \خالة اني اصير مرتة لابو وسام الي اخو رجلج 

كمت ابجي خالة جسمي كلة يوجعني  

ام وسام\اووويلي عليج يمة  اكلي دجيبلج دوة 

كمت اكل وجابتلي مسكن الالم  وكتلها خالة منو برة

ام وسام بضوجة\خواتة لابو وسام

نور\زين خالة ليش هلضحك والصوت العالي

ام وسام\ادبسزيات عود اخوهن معرس

نور \زين خالة شسمة الصرت مرتة

ام وسام \مرتضى عمرة اربعين سنة 

نور بشهكة \خالة بيناتنة خمسة وعشرين سنة  وكمت ابجي وادعي على عمامي 

ام وسام ضلت يمي واني نمت

.
.

.

.

الكاتبة\الخاتونة 

القصة حقيقية