المطلقة والظابط❤️

البارت السادس عشر

نور
عمتي كعدت خابرت خواتها  وخوات ابو صكر واخوانه ونسوان اخوتة  تعزمهم على الخطوبة  وصلت لوحدة اسمها ام فرقان
ام صكر/شلونج عيني ام فرقان شلونهن البنيات ،،،،،،،الله يخليج عيني كلكم على خطوبة صكر ايي صكر ليش لاام فرقان ماحبيتها منج هاي السالفه على بختج هنة مثل خواتة
وجان تسدة
صكر/شبيج يمة شبيها مرة  عمي
ام صكر/تكول ليش متاخذون من بناتي شبيهت فرقان
صكرر/هااي صدك تحجي يمة انتي ليش تخابريها نعرف كلنة هي وحدة مسمومة ولسانها متبري منها
ام صكر/لخاطر عمك المرحوم
نقهرت ام صكر ﻻن سممعتها حجي بس قصي وصكر وود واني ضلينا نضحكها
ام صكر/نورة عمة باجر نروح من 8 الصبح علمود نرجع من وكت
ود /ماما باجر بيش الساعه تبدي الحفلة
ام صكر/ب4
صارت ال6 العصر طلعو صكر وقصي يشترون هدوم ورجعو مشتري قاط يخبل نيلي وقصي زيتوتي عمتي ضلت تهلهل
نور كعدنة اني وود بالحديقة
نور/اكلج ود سؤال
ود /جواب حبي
نور/ام فرقان منو اول مرة اسمع بيها
ود/اووووف هاي مرة عمي عمي استشهد ب2003 وعافهم وحدة مسمومة وتذب حجي حجي مال كبار يعني  نروح للعرس تخيلي تسأل العروس والله ملينا منها تدخل بكلشي عندها بنات ثنين تريد تلزكهم بقصي ووصكر
نور/زين ليش هيج هية
ود/والله ماعرف وهم عندهم خير بناتها موضفات ويصرفن وتجي هنا تشكي ماعدنة وماعدنة
نور/بلكي متجي للخطوبة
ود/ياررررب صدككك مبروك النجاح
نور/حبي الله يبارك بيج
ود/تدخلين حقوق
نور/ايي حلمي اني وصغيرة ورة الخطوبة بلكي اقدم
ود / ان شاء الله يلة نفوت
نور/يلة
نور احس بطني دتوتني وظهري هم خفت بس ﻻ ...... روحي دتلوبب بطني
ام صكر/شببج عمة
نور/عمةة بطني وظهري ديوجعني
ام صكر/خاف........
نور /ايي يمكن عمة حروح اسبح  وارتاح
ام صكر/روحيى عمة
رحت وصدك اجتي سبحت وبدلت ومشطت شعري ولفيت راسي ونمت
كعدت ب1 وتص باليل محد موجود طبيت للحمام غسلت وبدلت وطلعت ود نايمة نزلت جوة جوعانة لكيت مسوين كبة اكلت وشربت عصير ودرجع جان اشوف صكر بالهول باوعلي
صكر
رجعنا من السوك تشتريت اني وقصي قاطات وامي ضلت تهلهل اشوف نور فرحتنة الله يديمها اني صعدت لغرفتي سبحت وكعدت علىى التلفون صارت الصلاة كمت صليت ونزلت بس امي وود لعد وين نور؟،كمل العشة كعدنة  ابوية باوع علينا وكال
ام صكر /ام صكر لعد وين نور؟؟؟!
ام صكر حرت شكله قصي  وصكر كاعدين باوعت على نور وغمزتلها
ود افتهمت/بابا اني ونور العصر اكلنة شامية ونضفنا البيت علمود باحجر خطية تعبت كالت حروح انام
ابو صكر/خوش خلوها نايمة
كعنا خلصت العشة  رحت يم اصدقائي هم ظباط عزمتهم على خطوبتنا
ابوية كام يعزم بالعالم  عزم  حتى عشيرتنة  رجعت للبيت ب12 بعدها نايمة ماشفتها كعدت ب1 ونزلت شفتها طبت للمطبخ   اكيد جوعانة  اجت باوعتلي
كمت يمها شفتها تعبانة
نور هلا صكر شلونك
صكر/هلانورة شلونج
نور/زينة الحمدلله
صكر/كالو تعلانة
نور عرفت منطيهم  حجة ﻻن ماتعشيت وياهم/يي والله تعبت
صكر اباوع علية اويلي حلوة ومن تحجي تحرك بيدها تقربت منها
نور دحجي ويا تقرب مني كلبي صار يدك 1000
صكر بهمس/شبيج لزمت ايديها ترجف وتقربت منها بعد
نور وصوتها يرجف/مابية شي
صكر ردت ابوسها جان تطك الكهرباء بالدربونة وصارت ضلمة  من الصوت العالي حضنتني
نور اعرفه شيريد تقرب مني غمضت عيني ماسمع الاالكهرباء طكت والصوت عالي حضنتة من الخوف
صكر  يهدئ بيها /اهدي شبيج ماكو شي
نور يهدي بية وخرت منة سمعت ابو صكر يكول /قصي صكر تعالو شوفو الكهرباء وينزل من الدرج
اني بسرعه طفرت للغرفه وكلبي يرجف الكل كعد من ورة الحر عمتي فاتت يمنا
ام صكر/هااا يمة صرتي
نور/زينه عمة خف اﻻلم
ام صكر/ان شاء الله 
وضلت  تحجي وياي علمود باجر وحذرتني من ناس تعرفهم واجاوب على كد السؤال
اني نايمة على رجلها اليمنة وود على رجلها اليسرة اجت الكهرباء
ام صكر/اللهم صل على محمج وال محمد
صاح صكر/يمة يمة وووينج
ام صكر/اهنااا بالغرفةة
لبست شالي وطب
صكر /يمة طفو من الاجهزة ﻻن سحبنة من الجواررين عود الجمعه نصلحها
كمنا اني وود نمنة والكل نام
=====================================×==================
صارت ال8 الصبح كعدت غسلت ونزلت البيت متروس نسوان سلمت عليهم وود اليوم offمالتها ونزلت سلمت واجت تريكت اني وياها كضيناها ضحك وسوالف واكو بنات حبابات ماعدا بنات ام فرقان عزززا مو بنات عبالك ولد يشاقن شقة مال شوارع وتجي تكفخج على راسج ونروح عبالك طفلة
ام صكر /يلة ود ونور كومن سبحن وبدلن
فرقان/عمة اني اريد اروح وياجن
ام صكر /عمة هو احنى بالكوة لكينه حجز
طلعت وهي تدردم صعدت سبحت ولبست بشت واخذت الفستان والحذاء والتاج
ود هم خلصت ونزلنا طلعنا قصي وصلنا ﻻن صكر راح يجيب  الكيك والببسي
وصلنا للمركز
قصي/يمة شوكت اجيكم
ام صكر/والله يمة مادري تني ادك عليك من نكمل
قصي/خوش
نزلنا ووفتنا اكو 3 عرايس هاي حنة وهاي عرس وهاي مثلي خطوبة
لل11 اجة دوري بدت تمشط بشعري وتشسورة لان سابحة وسوت التسريحة تخبل والمكياج هم  يخبل
ام صكر/كلووووووش صلوات على محمد تخبلين
اجة دور ود هم طلعت تخبل اجت مرة كاالت
المرة/منو ام صكر
ام صكر /اني عيني
المرة /عيني ابنج اسمة قصي يريدج برة
كامت عمتي طلع جايبلنا غدة كامو ياكلون اني شوية اكلت 
عمتي اجة دورها كعدت حفتلها وحطتلها كحلة وسوت شعرها صدك طلعت عمتي حلوة
ام صكر/تعالي نورة هنا انتي وود
طبينا بالغرفه بدلت لببست الفستان وحطولي التاج ولبست الحذاء وعمتي لبستني كلادة بيها حجارة زركة للعين
وود هم بدلت ولبست حذائها وعمتي هم لبستها كلادة مال عين ولبست ذهبها
وعمتي بدلت طلعت حلوة عبالك اخت العريس الجبيرة ﻻن مهتمة بروحها ولبست ذهبها
ود /يمة طلعتي كيكة اعتقد من يشوفج بابا يجيني اخ لو اخت
ام صكر /عزززا العزاج ام لسان  كومي لج خابري اخوج هل يجي
ود/هههههههه ااعصابج حياتي
كامت خابرت /ماما كال هسة جاي 5 دقايق
ام صكر/خوش كومي نورة لبستني مثل الجادر وكعدنة برة وود لبست جبة هي وعمتي
خابر قصي طلعنا ضل يصوفر /لك شنو هذا الكيك طالعين تخبلون
ام صكر/ههههههه امشي لك حنمووت من الحر
وصلنا طبينا للحديقة صوت الديجي يطرش الاذن وعمتي ضلت تهلهل
فتنل لغرفة عمتي نززعتني الجادر عدلت شعري وطلعنا كلها تصلي ع محمد  وكل ساع وحدة جاية تبوسني سمعت صوت صكر يصيح امة
ام صكر/ها يمة شبيك
صكر/يمة ممنوع التصوير والله اذا دخلت ولكيت وحدة تصور اكسرة للتلفون
ام صكر/خوش يمة انتة شوكت تبدل
صكر /سويلي درب اريد اطب لغرفتي تعال قصييي فوت
اجة وضل يتغزل بامه وهي تضحك
ام صكر /عيني بس درب يفوتون الولد
فاتو ولد عمة ويا وهم مامنتبهين النا  جتي ود يمنة اشترتلي على واحد هو هذا احمد
علقو الديجي على اغنية شاوي ماني شاوي كومتني ود نركص وعمتي تهلهل
طلعت برة هم هلهات لان نزلو الولد  غاسلين بالعطر اجة ليمي
شوية وكالو اجة الشيخ كومتني عمتي اني وود بدلولي الكلابية وطلعنا وكفت يم الباب جابولي كرسي وكعدت وحطو رجلي بمي بي ياس وهيل وكبالي الصينبة مال مهر وبحضني القران ضل يردد اياتت مال زواج وسألني 3 مرات عمتي شاورتني كالت كولي نعم كلت /نعم وانتة وكيلي
عمتي والنسوان طكنها بهلهولة  وهو هم سألة وكال نعم وهم هلهلو طبعنة رجعت لبست البدلة وكعدت جوي يباركولنا وود ماقصرت ركصت ركص يخبل وهي شوية مربربة يلوكلها الركص وية بنات خالتها
ام صكر /عيني لبسو حجاب حيفوتون صكر وابو صكر
كامن يتراكضن لبسن فات صكر اول مرة يشوفني بلا حجاب  وهو طالع يخخخخخخبل العيون كلها علي اجة عمي باسني من راسي وباركلي وباس صكر كمنا وكفنا جابت عمتي الذهب وهي تهلهل
كام بلبسني اثنينة نرجف لبسني الحلقة والمحبس والسوار نداريت وعمتي شالت شعري لبسني الكلادة ايدي تطخ بركبتي 
جابو الكيك والعصير وكلني واني وكلته وعماته وخالتة يهلهن وود تركص وشربني عصير وعمتي اجت شاورته
هو باسني من راسي وخدي طرشونه بالهلاهل عمتي بوستني وباست صكر وابو صكر باركلنة واشوف الانضار منهم الفرحانين ومنهم تريد تجي تاكلني

الخاتونة