المطلقة والظابط❤️

البارت الثالث عشر

عافنا عمي وحدنه اني مدنكه راسي مستحية اباوع علي
صكر
اني تأكدت من مشاعري تجاه نور كمت اعشفها بس خايف من مشاعرها تجاهي رجعت للبيت ابوية رادني اني ونوراستغربت بس طلعت وطلعت نور ورانه وكال انو ازوج من نور اني طرت من الفرح  بس احسها مستحية وكسرت كلبي من كالت اني مطلقه بس ابوية حاجاها وعافنه وحدنه

نور
ماانكر اني معجبة بصكر معجبة بشخصيتة وبهيبته بس اكول بيني وبين نفسي معقولة تتقبل نفسة يتزوج مطلقه عمي حاجانة انو نزوج اني وصكر اني نصدمنت وخايفه من ردت فعل صكر  بس جان ساكت ومدنك راسة عمي عافنه وحدنه
----------------------------------------------------------------------------------------------
ام صكر /ها ابو صكر بشر
ابو صكر ببتسامه/موافقين ثنينهم
ام صكر /كلووووووووووش صلوات على محمد
قصي وود/شكو منو تزوج ؟؟
ام صكر/ولكم اخوكم لح يتزوج
قصي/شنو!!منو تعيست ااااقصد سعيدة الحظ
ام صكر/طاح حظك نور بنت خالك
ود/شبيها نور بنت خالي
ام صكر/ولج ثوله نور وصكر لح يزوجون
ود/كلووووووش صدددك نور لح تصير مرت اخوية هلة هلة العبلك جولة وماقصر
قص/الا اركصلك ركص يعور العب هلا هلا روح روح للكاع للكاع
ود/روح روح شعر شعر
ام صكر  عاطت بيهم  راح كل واحد لغرفته

نروح لطيور الحب
صكر/نور باوعي بوجهي
رفعت نور راسها /هاا
صكر بكلبي(يبعد الها )/احم انتي موافقه تزوجيني
نور ياربي شلوون احراج/هااا بكيفك
صكر اعرف خجلانة مني/ههههههه شنوة البكيفي اي لو لا
نور/ايي بس
صكر رفع حاجبة/بس شنو
نور نزلت دموعها/اخاف من المستقبل
صكر رحت يمها ومسحت دموعها/شبي المستقبل
نور /اهئ يعني بيت عمامي واني مطلقة،،،!قاطعها
صكر/نور اوﻻ بيت خوالي مالهم علاقه محد يكدر يحاجيج وانتي لح تصيرين مرتي ثانيا نور انسي انتي مطلقه نور هزيت براسي باي
صكر/نور لتخافبن واني اوعدج وعد رجال لح احترمج واحبج لان انتي حتصيرين مرتي وتم جهالي
نور خجلت وصارت خدودها حمر
صكر رفعت راسها باصبعي بحنية ورومانسية/نور لتخجلين مني تعودي واي شي تريدي تجين الي ﻻامي ولاابوية خوش
نور/خوش
صكر/نور  اطلعلج باجر النتيجة مالتج
نور/خايفه منها
صكر لزمتها من ايدي/لتخافين عيني وان شاء الله تصيرين احلى محامية
نور /يعني ماعندك مشكله اادرس جامعه
صكر/ليش يكون عندي اعتراض اني اريد مرتي دارسة ومتخرجة وجان يجيهم صوت من ورة
قصي/عريس وربعا يزفونة هلا هلا باع الرومانسية لازم ايديها وكاعد يمها
ود/اليوم اﻻكص لحد ماتتفلش الكاشية اني اخت الولد مو اخت البنية
صكر/والعريس حيكوم يكطعكم والعريس حيكوم يكطعكم (سواها مثل الهوسة)
نور وود وقصي/هههههههه
كامو يسولفون وقصي كلساع ذابلة حجاية ويخجل نور ويخلي صكر يضحك
صارت ب2 كامو كل واحد لغرفتة نامو

نور
كعدت ب9 الصبح كمت غسلت وفرشت اسنوني ولفبت شالي ونزلت لكيت الكل كاعد وصكر اليوم عندة اجازة
نور/صباح الخير
الكل /صباح النور
ام صكر /تعالي يمة تريكي
نور/يي عمة
رحت كعدت يم ود  اكلنة  كمنا اني وود غسلنا للمواعين
اجت عمتي
ام صكر/يمة همن ايدجن دنسوي غدة اليوم اصدقاء ابوج لح يجون وصكر اخذ اجازة
نور/اووك عمة
ود/اووك ماما
اني وود كمنا نلف دولمه وعمتي سوت تمن احمر وصكر راح يسوي سمج مشوي  وودجاج
ود /ماما هم شكم نفر
عمتي/ابوج كال 5 وية رياجيل عمتج صارو10
ود ونور/حيللللل الله يعينة على المواعين ^^

ود
طبعا اني احب ابن عمتي اسمه احمد عمرة 26 يشتغل مهندس نفط وهو هم يحبني ونتفق على الزواج واليوم لح يجون اخخخ كلبي الصغير ﻻيتحمل

نور/اشوف ود دنكت وبتسمت امممم شغلة بيها ان عمتي طلعت دصلي دغيتها من ايديها حيلل
ود /اوووي شبيج
نور /انتي الشبيج شنو سبب هل ابتسامة
ود / دنكت وكال هاا
نور/وجعا كولي شبيج
ود دغتني ﻻن فات صكر
نور وود/هاا الله يساعدك
صكر/ويساعدجن كومي جيبيلي مي يقصد على ود
ود/ياااا تلفوني فوك وصديقتي كالت ادك علبج فلتت قصدني علمود نور تكوم
نور/اني اعلمج  كمت جبت مي بارد نطيته اله تفضل
صكر/شكرا واخذة يشرب ويباوع على نور
نور/يشرب مي ويباوع علية   خجلت
صكر/اخدودها صارت حمر من اباوع عليها هاج عيني شكرا
نور/اخذ الكلاص بس ضل مجلب بي
صكر/كتلها هاج الكلاص بس ضليت ﻻزمة نور ضمي شعرج
نور /ضميت شعري جان يطب قصي يغني 
قصي/يااول عشك وحب من صدك يجري وية احساسي حسيتك ،،،،،جان يفوت بالمطبخ
قصيوهو يغمز/لكفتكم هاااا ولكم شدسون
نور دنكت راسها/هاا عمتي يمكن دصيحني
قصي/ولج نور لترووحين لغرفه امي وابوية
نور وصكر باستغراب/ليش!!!
قصي /ولكم امي فاتت وطب ابوية وراها واني صارلي ساعه اغني واصيح محد طلع رزلني وجان يغمز
نور /عززززا خجلت ودنكت
صكر/هههههههه اخخخ بوية
فاتت ود /شكو ليش تضحكون !!
سولفلها قصي بضحك وهي كالت واني هم صارلي ساعه كاعدة ع التلفون وامي ماطلعت رزلتني هههههه
قصي وصكر ننور/ههههههههه خرب بيومج
اجو اصدقاء عمي وكعدو الزلم بحد واني وعمتي وود بحدنة
فضت للعزيمة ب1 ونص كمنا اني ووود نغسل المواعين هلكنا هم طلعو ورحنة نضفنا الصالة ﻻحت سبحت ومشطت ونمت
كعدت العصر ب5 قصي وصكر راحو يجيبون عشا ﻻن تعبانين اجو حضرنه تنب وود كعدنة
قصي باوع علينة جان يغمز على عمتي وعمي وذكرنه بالحجي
صكر وقصي ونور وود /ههههههههههههه خرررب
ام صكر/بسم الله شبيكم يمة
ابو صكر /شببكم مخاببل
صكر/ﻻبوية كلشي ماكو
وقصي كل ساعه مسويله حركة يخربنة ضحك

اليوم ماقصرت وياكم وانتو هم لتقصرون وياية علقو وصوتو احبكم
الكاتبة/الخاتونة