المطلقة والظابط❤️

البارت العشرون

صار يوم الجمعه ﻻزم انزل صارت ب8 ونص كمت حضرت غراضي وسلمت على الموجودين بالمركز وطلعت للبيت وصلت ب10 من ورة اﻻزدحامات طبيت لكيت الكل كاعد بالاستقبال واهم شي حبيبتي
صكر/السلام عليكم
الكل/وعليكم السلام
رحت بست راس امي وراس ابوية سلمت على ود وقصي ونورة
كامت  نور شالت جنطتي ودتها لغرفتي
ام صكر/كوم يمة اسبح وارتاح بين متصير الصلاة
صكر كمت للغرفة لكيتها دتحظر هدومي طلعت  بتسمت بوجهي واني ضحكت وفتحت ايدي اجت ركض حضنتني
صكر كمت اشم ريحة شعرها/اوووووووف نور شكد مشتاقلج
نور باوعت بوجها/اني هم مشتاقتلك باسني وجان تندك الباب
صكر بعصبية/منووووو
ود /صكر بيت عمامي جوة يريدوك
صكر بصوت ناصي/اشتعلو عمامي  كلت اييي جاااي
حضنت نور حيللل وضل يبوس بوجهي بعدين طب سبح واني طلعت بدل  وطبيت
نور/ها حبيبي كملت
صكر/ايي يعمري رحت مشطت شعري وحطيت عطر ونزلنا
صكر /كل عمامي جايينة هم ونسوانهم ابوية عازمهم واني راسي مسطور
صكر/السلام عليكم
الكل/وعليكم السلام
كعدت يمهم صارت الصلاة كامو يتوضون واني هم صليت صبو غدة واجو الكل ياكل نور كعدت بصفي
ابو علي(عمي الوسطاني )/عيني اني جاي اعزمكم غلى خطوبة ابني خالد يوم الخميس الجاي
ا لكل/على الخير شايفين كل الخير
ابو صكر/ومنو حتخطبون الة ؟؟؟!
اابو علي/والله وحدة من الكلية حبها ورادنة نخطبلة وسالنة عليهم طلعو خوش عالم وبناتهم الله يستر عليهن خوش بنات مؤدبات
ام فرقان نطت/انتو كل واحد يزوج ابنة زين بناتي منو ياخذهن
ابو علي/ام فرقان اتتي مرة اخوية واكبر مني وتمونين بس ماحبيتها منج بناتي منو ياخذهن وبنتج اﻻكبر اكبر من ابني بسنتين والثانية اصغر منة بهواي وهو حبها للبنية ويريدها عذرريني بس اني ماكسر بكلب ابني
الكل مارضة على حجي ام فرقان وهي عوجت حلكها والنسوان عمومهم حتقروها
كملنا كمنا ناس تغسل المواعين وناس تعزل اﻻكل وتاس تسوي جاي ود صاحت على قصي اخذ الجاي وراح
اجت فرقان اشرب قوطي  الببسي طبعا محد يحبها لان مثل امها
فرقان/اهلا بالخدامات
كلنا صفنة وحدة تباوع بوجن الثانية اجت ايناس وبنت عمهم اسمها جنات يضحكت الثلاثي المرح
ود/هي هي احترمي نفسج لااجي امردج انتي كاعدة بيتنة فاحترني نفسج
فرقان/على شنو حبيبتي احترم نفسي قابل حتضربيني انتي وبنات عمج ووكالت بضحكة حقيرة مرة اخوج  المطلقة!!!!!!
اني  عصبت/هي ماسمحلج تكوليلي مطلقة احترمي نفسج انتي كاعدة بيت اهل رجلي اكدر من شااج اجرج واشمرج
فرقان/ههه انتي  تطرديني ليش يمة بيت عمي وكاعدة بي بس حقج يمكن تغارين ﻻن بيت عمج طردوج
جنات وايناس وفرقان/ههههههههههههه
كمت جريتها من شالها وهي تعيط طلعت حركتي بيها ملختها وود ستلمت ايناس ووحدة من بنات عمهم اسمها قدر استلمت حنات ﻻن تكرها هم والبقيات يصيحن

صكر
كاعدين دنحجي على امور العشيرة منسنع اﻻ عياط كمزنا كلنا للمطبخ شفت نور ﻻزمة فرقان وود ﻻزمة ايناس وقدر بنت عمي تصير اخت خالد وعلي بنت ابو علي  لازمة جنات اييي حيل بس كمزت اني لزمت نور وقصي لزم ود  وخالد لزم قدر ويتعايطن بيناتهن وام فرقان لزمت بناتها وام جنات اخذت بنتها
فرقان بعلو حسها /ولج تضربيني يالعايبة يالمطلقة
نور حطت راسها بصدري وكامت تناشغ بالبجي
صكر بصياح صار عصبي/وووووولج فرقان احترمي نفسج لاوالكعبة اجي اسحلج بالكاع
فرقان/ليش يمة خاف خفت على مشاعرها للمدام ولج لو بيج خير ماطلكج رجاج وماطردوج عمامج مدري شمسوية وطردوج
ود بصياح/ولج احترمي نفسج مرة اخوية اشرف منج ومن اختج ومن بنت عمج ولك قصي عوفني هل الزمها والله اموتها  قصي لزمها ويهدي بيها
ابو صكر تقدم جر فرقان ضربها راشدي لزمت خدها وضربها واحد  لاخ وضل يضرب بيها وامها تعيط ومحد ادخل لان يرادلها تربية
ابو صكر/ولج تعرفين شنو معنى الحجيتي ولج اني ادخل عايبات بيتي ولج نور اشرف من الشرف احترمي نفسج يابنت اخوي ولج وسفة عليج انتة بتتة وهو جوة التراب ام فرقان اخذي بناتج واطلعي من بيتي ماريدج اشوف وجهج وﻻاسمع صوتج بهذا البيت اﻻ عزرائيل ياخذ روحي فاهمة
ام فرقان حست بالاهانة نزلت راسها ولبست عباية واخذت بناتها  وطلعت برة رجع ابوية ضرب جنات راشدي وكال لاخو خوية ابو عمار بنتك بعمري ماسامحها ﻻن هانت بنتي(يقصد على نور ﻻن اول مافاتت للبيت يسميها بنتي)
راح على نور جرها من حضن صكر باس راسها ومسح دموعها
ابو صكر/خاف عبالهم ماعندج اب وﻻام اني ابوج وادافع عليج واليحجي عليج امسح بي الكاع خوش ينورة بيتنة
نور ببتسامة ودموع/الله يخليك عمي
ابو عمار اخذ جنات وامها وطلعو بقو بس بيت ابو علي
بيت ابو علي
ابو علي مثل ابو صكر حنين وقوي ويحب عائلتة متقاعد وعمرة 55 سنة
ام علي مرة طيبة وحبابة ربت بيت عمرها 50 سنة
علي ابنهم الجبير عمرة 28 سنة متزوج ومرتة حبابة ببشتغل استاذ جامعي  وعندة طفلين
مرة علي اسمها رؤى حبابة وخوش بنية عمرها 25 سنة مدرسة كيمياء بالاعدادية
ابنهم اسمه كرار عمرة سنتين
ابنهم الثاني اسمه خالد على اسم عمة عمرة شهر  ونص
بنتهم اسمها قدر بنية كلش حبابة وخلوقة بس واحد يغلط عليها تنهي من الدنيا وشفتو شسوت بجنات ههه عمرها 21 سنة تدرس طب اسنان
اما خالد عمرة 24 سنة اخر سنة يدرس اعلام يحب بنبة اما يموت عليها شخصيتة مثل قصي ينكت وخوش ولد خطيبة خالد اسمها علا عمرها 24 سنة حبابة وخوش  بنية

كامو راحو للصالة كملنا اني ورؤى وود وقدر المطبخ
رؤى /نور حبي معليج بحجي فرقان والله مضغوطة منج ﻻن مامتزوجة
كعدنا نتفق على خطوبة خالد
ود/نور حبابة كولي لصكر عود نشتري ترة ماعدنة
نور/خطية تعبان اليوم عود باجر اكلة
ود/اوووي عيني نخاف علي خوش باجر
كعدنة نضحك ونسولف لحد ماصار العصر اجوي قصي وخالد وصكر وعلي كعدو ويانة بالحديقة نتبهت على قصي صافن لكيتة يباوع على قدر من تضحك او تسولف شافني اباوعلة دنك وباوع علية حركتلة بحواجبي شكو ضحك واشرتلة بسيطة
كمنا ﻻن وذن لكل صلى واحنى البنات حضرنة العشة كملو صبينا وهم نفس الشي ناكل ونسولف ونضحك عكس الغدة الجو متوتر اما هسة الكل يضحك ومتونس  ورة العشةة جابو الجاي رؤى حايرة بجهالها رحت وراها
نور/رؤى انطيني خالد وطبي غسلي لكرار
رؤى/الله عليج هاج حبي وهذه الممية شربي
نور /خوش حبي
اخذتة وطبيت للصالة كمت اشربة ممية كام يبجي سكتة وفجأة الكل سكت باوعتلهم يباوعون علبة
ام صكر/كون سنة الاخ ابنج وابن صكر بحضنج يارب
الكل/امين يارب العالمين
صكر يباوعلي ويضحك وينزل راسة ويغمزلي  اجة كعد يمي ادري محيفوتها والكل رجع يسولف
صكر بهمس/ليش منفذ امنية امي خطية ونجيب طفل اني الا اسمع حجي امي تعرفيني حباب
نور صخنت /عزززا صكر كوم من يمي كلش حباب
صكر/احلا ام حسوني
نور/حسوني ؟؟،!
صكر/ايي اذا واج اسمي حسن واذا بنية عشق
نور/اوووو حلو
اجت رؤى مغسلة لكرار وكعدت يمي كام صكر كعد يم علي ويسولفون
رؤى/تعرفين يلوكلج تصيرين ام
نور/اكلكم شبيكم متفقين علية اليوم
رؤى/هههههه ليش
سولفتلها خربت ضحك
لل11 بليل
ابو علي/يلة بوية احنة نترخص
ابو صكر/وين خوية كاعدين
ابو علي/ﻻخوية على غير مرة عيني يوم اﻻربعاء تعالو مثل اليوم
الكل/ان شاء الله
ضلو يسلمون وطلعو اني بسرعه لغرفتي سبحت ننمت نن ورة التعب

الخاتونة