كان عمري 8سنين من دخلت للصف الاول اني حيلل ناعمه وقصيره لدرجه اهلي اخروني سنه يله سجلوني حتى بلكت يكبر حجمي شوي ولهل سبب جنت بالمدرسه كلما نطلع للبيت من تصير هوسه البنات يوكعني بالكاع وينداس عليه لحدما تطلع العالم كلها الا اني اطلع اوصل للبيت كلي تراب ومرات اتعور ويطلع دم لهيج اهلي نقلوني لغير مدرسه من صرت صف ثاني ابتدائي لان بيها بنات عمي حتى يديرن بالهن عليه هههه ايي صحيح يديرن بالهن عليه عساس رغم انو مدرستي القديمه بصف البيت بس لهل سبب نقلوني اتذكر اول يوم شفتها بي امي اخذتني بيدي وكالت تعالي اعرفج ع بنات عمج سمى وسرى اني قبل جنت اتوقع بس اني بالدنيه باهلنه مجنت اعرف حتى انو عندي بنات عم
اميره:حبيبتي سماوي هاي مينه خليها وياج ووصليها لصفها
سمى:ماشي عمه خليها يمنه وروحي
امي راحت وضليت يمهن
مينا:هلو ماما تكول انتي بت عمي اني مينا
سمى:ايي ندري
سرى:سمى يلا امشي لا نتأخر امي وامج ميقبلن نضل يم غربه
مينا:بس ماما كالت الجن وصلني لصفي
سرى:باعي هناك ذيج المعلمه روحيلها هيه توصلج
وراحن وعافني ودك الجرس وضليت اني اباوعلهن وهنه يرحن و افتر بالصفوف كولها وكل صف اطبله اضل صافنه وتحاجيني المعلمه واطلع 😂😂اجتني معلمه كالت انتي شسمج
المعلمه:حبيبتي انتي شسمج
مينا:خاله اني مينا اجيت نقل
المعلمه:ههههه كليلي ست تعالي اوديج لصفج
واخذتني المعلمه ورحت للصف وشفت بس سمى موجوده رحت كعدت يمها
الي اتذكره قوت علاقتي بسمى اكثر من سرى معرف سرى احسها جانت دائما تكرهني وتبتعد عني من اجيها وما بيوم ضحكت بوجهي بس سمى جانت شوي حبابه بس دائما من تجي سرى تعوفني وتروح يمكن لان تخاف منها سرى جانت صخمه وطويله جنت اتصور هيه اكبر مني ومن سمى بس هيه طلعت ازغر مني بسنه بس هيه هيج ضلينه اني وسمى صديقات لحد الرابع ابتدائي بس سرى عمرها ما حبتني جنه نمشس للمدرسه ثلاتنه سوه جانت اول ما تجي للمدرسه تذب جنطتها ع سمى وتروح تلعب بالساحه وي صديقاتها وتضل سمى تشيل جنطتين واني اساعدها واشيل جنطتها وهيه تضل عدها بس جنطه سرى منكد ما اتعلقت بيها حلمت مره انو اني حاضنتها من جنت بالثالث ابتدائي لان جانت حسره عليها احضنها سرى دائما تاخذها مني
جانت هيه وسرى يسون خطط عليه ويضوجني دائما بس اني جنت احبها لسمى وما اضوج منها مره ب امتحان كلت الها سمى اني ما جاوبت وضميت الورقه جوه الرحله لتكولين للمعلمه وهيه راحت وكالت لسرى وسرى كالت للمعلمه واجت وضربتني كدام البنات وجنت مرات من اطلع وياهن يعوفني ويمشن مره كلت لامي ماما سرى وسمى ما يحبني يكرهني ماما كالت لا لتكولين هيج ذني بنات عمج انتن خوات
