رفـيقي 👫

الحلقة_السابعة_وعشرون

#رفيقي 👫
#الحلقة_السابعة_وعشرون
#بقـ ✍ـلم نــيدووووووووو

الصباح صحيت وكالعادة اتصلت لبسام عشان يصحي يصلي الصبح ويقرا انا قريت شوية ومشيت جهزت الشاي جبتو ليهم شربنا وقعدت في التلفزيون جا محمد اتونس معاي شويه وسالني من الامتحانات بعداك جات لوذة قعدت معانا قالت لي انتي شغاله كم محاضرة الليله

واحدة بس

اسي تمشي عشان محاضرة واحدة 😹😹

اي وعايزاني ادكها البشرحا لي منو 😒

بسام ماقاعد 😉

كدي اليقدر لقرايتو اول

شايلة همو 😹😹😹

استغفر الله خليني ساكتة احسن

لا والنبي تقولي حاجة

لوذة اسكتي مني

مشيت اخدت لي دوش الساعه يداب 7م عايزة اطلع بدري ياخ اتصلت لسجدة قالت لي تعالي عشان تشرحي لينا لبست وطلعت اول ماوصلت وقعدنا نشرح جاتني رسالة من بسام

فروح م تفطري انتظريني اوك

لو جعت باكل انت بتتاخر وانا عندي Drمابقدر افطر بعدها

ياما كنا بنفطر جوة المشرحه 😹😹😹عان الحنكوشة دي ي زولة م تفطري انا جاي

فهمنا ☹
رجعت خلصنا شرح وكان فاضل للاب ربع ساعه ناس سجدة وبلسم ماشين يفطرو انا اتصلت عليهو م رد مشو اشترو فطور قلت ليهم م عايزة رسل لي مسج
فروح افطري طيب حصل لي ظرف وح اتاخر بعد تخلصي اللاب حقك نطلع مشوار اوك

م عايزة افطر زاتو بعد شنو فضل للاب 5دقايق

ماجعانة بس انام بعرفك 😹خلاص نفطر سوا انا زاتي مشغول م ح اقدر افطر اسي لبعدين يلا امشي ركزي في اللاب

اوك

━━━━━━━━━━━━━━━━━━━━━━━━━━
صباااحوووو

اهلين وعودة كيفك

تمامو وانتي

فلة الحمدلله

كل سنة وانتي طيبة

وانتي طيبة كمان تسلمي لي

مالك زعلانه كدا

زهج بس انا مستاءة من الصباح

لالا ياخ م تتشائمي الليلة عيد ميلادك

اووووف

بسام لسه م عايد ليك صاح

ولاحتي كلف نفسو عشان يتصل لي

انسيهو ياااخ

كيف بس

م بحب اشوفك مضايقه كدا ياخ